¹ Akan tapi, kolai, lajarkan hal-hal am sasuai dengan lajaran am hebat. ² Kalaki am lobih tuha harus tahu manahan kaniri, tahormat, masuai kaniri, uras hebat lalam iman, lalam bori, lalu lalam karajin. ³ Lalu, labini am lobih tuha jam harus manunyu tingkah laku am bai, bukan mamfitnah atau honta bai, tapi harus malajar apa am bai. ⁴ Dengan sakian, urang tahu menasehat labini bia akan sayang lakinya, masiha ana-ananya, ⁵ manguasa kaniri, bai, maurus urusan rumah tangganya, ramah, lalu nurut ka lakinya, nyaman firman Hatalla bai dileceh. ⁶ Bera apa, nasehat urang-urang bia tahu baulih manguasa kaniri. ⁷ Lalam sagala hal, Jadikan kanirimu taladan lalam mangawi am bai. Lalam malajar, integritas, kahormatan, ⁸ Paner am bai honta manyingung kawan musuh senga akan manjadi malu lai honta harus mamarahkan hal am buru akan diri. ⁹ Hulun harus nurut ka raja-raja urang lalam sagala hal, usahakan akan marami urang, lalu honta metas meas. ¹⁰ Umet mangolit, tapi buktikan bahwa kolai tahu dipercaya nyaman lalam sagala hal urang mamuliakan lajaran Hatalla, juru salamat diri. ¹¹ Lai, anugerah Hatalla am manaing kasalamat jadi nyata bagi uras urang, ¹² akan mamampukan diri manula hal-hal am honta bai ataupun hawa nafsu duniawi senga diri harus hirup tahu manguasa kaniri, adil, bai ka zaman botie tie, ¹³ Samantara diri mananti maharap am ponuh berkat, iyaham kadatangan am ponuh kamuliaan mula Hatalla Am Mahabakah, lalu Juru Salamat diri, Kristus Yesus ¹⁴ Inya jadi mamorikan kaniri-Nya bagi diri akan manomus diri mula uras pangawi jahat akan marasihkan bagi kaniri-Nya, suti umat am dipilih-Nya am rajin mangaruh pangawi bai. ¹⁵ Lajarkan urasnya itie. Nasehat lalu manyalunya dengan sagala kataingnya. Umet tege urang am malobakan kolai.