¹ Pikiran Bera Kristus ¹ Jadi,amun lalam Kristus tege dorongan samangat, panghiburan kasih, persekutuan Roh, kasih sayang, lalu balas kasiha, ² sampurnakan sukacita ku akan sahati sapikir, am hompu kasih am samah, akan kona suti lalam roh, lalu hompu suti tujuan. ³ Hinang mangaruh apa am mula ambisi am egois lalu kasombongan am sia-sia; tapi akan ronah hati, angaplah urang bukan lobih penting mula dirimu kaniri. ⁴ Hinang mula satiap kolai baya mamandang akan kapentinganmu kaniri, tapi jam akan kapentingan urang bukan. ⁵ Biaram pikiran iti tege ka antara kolai, bera am kona hompu lai Yesus Kristus, ⁶ lalu hompu sifat Hatalla, Inya honta maangap kasejahteraan-Nya akan Hatalla iti bera suatu am harus kona pertahankan. ⁷ Sabainya, Inya mangaruh diri-Nya honta hompu apa-apa lalu mahambakan diri bera budak nyaman jadi samah akan sifat kalunen. ⁸ Lalam kaadaan-Nya bera kalunen, Inya maronahkan diri-Nya lalu taat sampai mati, bahkan mati ka tingi kayu salib. ⁹ Lai alasan iti am, Hatalla bujur maningalkan inya lalu maanugerahkan ka Inya nama ka tingie sagala nama ¹⁰ nyaman lalam nama Yesus, satiap palatut bertelut-- baie am tege ka langgin, lalu tege ka bumi, ataupun am tege ka loba bumi-- ¹¹ lalu satiap lilah mangaku bahwa Kristus Yesus iyaham Tuhan, akan kamuliaan Hatalla, sang Ompai! Hatalla Bagawi ka Lalam Diri ¹² Lai iti, kawan manyariku am takasih, bera kolai salalu taat-- bukan katika aku tege basamamu, lobih mula katika aku honta basamahmu-- gawikan kasalamatanmu lalu gola lalu kakiti. ¹³ Lai, Hatalla am bagawi ka lalam kolai, baie honi bakahona lalu honi bagawi apa am kahona-Nya. ¹⁴ Karuhkan urasnya iti asal honta ngomel lalu malawan ¹⁵ nyaman kolai honta cacat lalu honta salah, jadi ana-ana Hatalla am honta tercela ka tongah-tongah panerus am pengkor lalu sosat iti, nyaman kolai basinar ka antara urang jadi torang ka dunia. ¹⁶ Barigap toguh ka Firman pahirup nyaman metuh ari Kristus, aku hompu alasan honi bamegah lai aku honta baguang akan sia-sia lalu bagawi borat akan sia-sia. ¹⁷ Sakali aku harus kona curahkan bera cawan persembahan ka tingi kurban lalu palayan imanmu, aku barami lalu basukacita akan ikam urasnya. ¹⁸ Bera iyah jam kolai, akan alasan am samah, barami lalu basukacita basamah-samah akan aku. Paulus Mautus Timotius Rang Nua Epafroditus ¹⁹ Lalam Tuhan Yesus, aku baharap ulih laca mautus Timotius ka kolai nyaman aku tahibur metuh manogar kabar tuntang kolai ²⁰ lai, aku honta mampu urang bukan bera inya, am tulus paduli akan kesejateraanmu. ²¹ Lai am bukan baya sibuk paduli akan kapentingannya kaniri, bukan kan kapentingan Kristus Yesus. ²² Jadi kolai ingan, Timotius jadi mambuktikan dirinya baroga, inya malayan uma aku akan kamujuan pambaritaan Injil bera saurang ana ka ompainya. ²³ Lai iti, aku baharap ulih mautus inya sacopatnya limah aku ingan apa am akan tajadi akan aku, ²⁴ lalu aku parcaya ka Tuhan lai aku kaniri jam akan laca datang ka kolai. ²⁵ Akan tapi, aku bapikir perlu jam mautus Epafroditus kakolai. Inya iyaham manyariku, kawal sapalayanku, kawal sapajuangku, lalu urang jam am manaing pesan ka aku lalu malayan akan kaperluanku. ²⁶ Lai, inya bujur taharu akan ikam uras am bujur susah hatinya lai kolai manongar kolai kanyaman. ²⁷ Memang, bahai inya bujur kanyaman sampai hona mati, tapi Hatalla manunyu balas kasih ka inya-- tapi bukan baya ka inya, tapi jam ka aku-- nyaman dukacitaku honta batumpuk. ²⁸ Lai iti, aku jadi puna bakahona mautusnya mula ka kolai nyaman kolai baulih basukacita metuh mailanya mula, lalu bakurang kagalisahan. ²⁹ Samutkan Epafroditus lalam Tuhan honi ponuh sukacita lalu hormatkan urang am bera inya ³⁰ lai inya hona mati lai akan pagawi Kristus, inya partaruhkan nyawanya honi manganti bantuan am honta ulih kolai mamori ka aku.