¹ Mula Paulus rang nua Timotius, hulun Yesus Kristus, ka uras barasih lalam Yesus Kristus am tege ka Filipi umakan kawan diakon barota panaua diakon: ² Kuasa umakan ranai sanang mula Hatalla, Ompai dirie, umakan Tuhan Yesus Kristus barota kolai! (Terima kasih umakan Doa Paulus akan Ungkup ka Kota Filipi) ³ Aku basyukur ka Hatalla saban kali aku ingat kolai. ⁴ Lalam doaku akan ikam urasnya, aku tarus badoa umakan karami ⁵ laie hanep am di borimu lalam kabar Injil metuh ari am sulanya samapi keken itie. ⁶ Aku amat yakin laie Inya am jarie manampara gawieam baie ka antara kolai, Inya jam am akan manyampurna sampai ari Yesus Kristus. ⁷ Jarie patut aku mansaie am bera itieka kolai laie kolia urasnya tege ka hatiku. baie metuh aku ka panjara baienya katika aku mamori pambelaan umakan panoguh akan Injil, kolai jarie kawal lalam kuasa Hatalla. ⁸ Hatalla iyah am saksiku, puna taharu asanya aku akan kolai uras lalam sayang Yesus Kristus. ⁹ Itieam Doaku: Honanyasayansmu sasar batamah, umakan kapintar maharoti uras akal budi ; ¹⁰ nyaman kolai ulih mamilih apa am tabaie ; nyaman kolai iklas umakan honta cacat katika ari Kristus ; ¹¹ umakan diponuh laie buah-buah kabujur am sampai malalu Kristus Yesus akan kamulia umakan kapuji akan Hatalla. (Panyakit Paulus Mamaju Mamarah Injil) ¹² Manyari-manyariku, aku hona kolai ingatapa am malaie aku iyah am jarie manaing kamaju akan Injil, ¹³ sampai uras pangawal istana umakan uras urang am bukan ingat am aku tie kona panjara laie Kristus. ¹⁴ Saruai manyari am saiman am parcaya ka Tuhan laie aku kona panjara, jarie lobih baranie mangabar firman Hatalla myan ara asa pangola. ¹⁵ Punanya, tege urang-urang am mangabar Kristus laie hiri umakan pasaing, tapie tege jam laie maksud am baie. ¹⁶ Urang am bamaksud baie mangaruh laie sayang sabab urang ingat malaie aku digora ditie akan manangungjawab Injil. ¹⁷ Sadang am bamaksud honta baie, urang mangaruh laie hona monang kaniri, honta reda umakan bapikir urang ulih manamah paholin akan aku sapalamat aku ka panjara. ¹⁸ Limah iyah apa hasilnya? Am pasti itah honi cara apa jua, baienya bapura-pura umakan sapaamatnya, Kristus di kabar, umakan akan iyah aku baramie. Au, umakan aku tarus baramie, ¹⁹ sabab aku ingat malalu kolai badoa umakan roh Kristus Yesus am marompuh, apa am jarie ka aku iyah am jarie ka bebasku. ²⁰ Aku baharap apa am aku parcaya iyah am aku samah sakali honta baulih malu. Sabaliknya, aku baulih karanie nyaman Kristus, bera am keken itie umakan satarusnya, dimulia lalam tuwuhku, baie hirup apa matie. ²¹ Laie akan aku hirup iyah am Kristus umakan matie iyah am kauntung. ²² Tapie, jaka aku harus hirup lalam tuwuh itie, baarti aku bagawi mahasil buah. Limah iyah, manih am dipilihku, aku honta ingat, ²³ aku takopit laie dua pilihan iyah. Kahona heku iyah am maningal hirup itie umakan barota Kristus, laie iyah jauh lobih baie. ²⁴ Tapie, akan kolai, lobih baguna jaka aku totap hirup lalam tuwuh itie. ²⁵ Umakan kayakin itie, aku ingat aku akan tingal barota kolai urasnya akan kamaju umakan karamiemu lalam iman. Jaka ²⁶ aku baulang mula ka kolai, maka sasar batamah lalam Yesus Kristus laie aku. (Bauma umakan Totap Bajuang) ²⁷ Amun bera iyah, hirup ja honi cara am patut akan Injil Kristus nyaman jaka aku sampai umakan badapat kolai, jaka honta sampai, aku tahu manongar laie kolai totap badiri toguh lalam suti roh,umakan suti pikiran, akan bajuang barota-rota akan iman mula Injil. ²⁸ Umet mauwahnya kolai dikagola laie lawan-lawanmu, laie iyah tana am nampa kahancur akan urang, tapie kasalamat akan kolai, umakan tana iyah mula Tuhan. ²⁹ Sabab akan Kristuskolai jarie diborie hontanya parcaya ka Inya, tapie jam baulih panyakit akan Inya. ³⁰ Iyah malaienya kolai maharap kasusah am samah bera am di ilamu am jarie aku maharapnya, umakan keken itie kolai manongar aku masih mansainya.