¹ Sota arie, Petrus rang nua Yohanes ingkas manguang ka Rangau Hatalla metyh jam doa, iyah am metuh jam sembilan. ² Lalue, tege siku kalaki am lumpuh mula lalam kanung inainya diincang. Saban arie urang mangoranya kaparap Pintu Rangau Hatalla am namanya Pintu Gerbang Indah baharap asi mula hansia banya am tama ka Rangau Hatalla. ³ Metuh inya maila Petrus rang Yohanes hona tama ka Rangau Hatalla inya maminta asi. ⁴ Lalue, Petrus, barota kan Yohanes maila nya samil bapaner,"Ila kami tie". ⁵ Urang am lumpuh iyah manampai Petrus rang nua Yohanes baharap asi mula rang nua. ⁶ Tapi, Petrus bapaner,"Aku tie mayan ara mangora perak atau bulau, tapie am hompuku diboriku akan kolai lalam nama Kristus Yesus urang Nazaret iyah, huas bajalan ja!" ⁷ Limah iyah, Petrus marigap jari kanan urang iyah marompuhnya badiri. Sota iyah jam, kaki sulau tuutnya jadie onya. ⁸ Nangkeru, inya huas nampara bajalan. Lalue inya tama ka lalam Rangau Hatalla barota Petrus lalue Yohanes ,bajalan kecu keru, mamuji Hatalla. ⁹ Hansia banya ma ilanya bajalan lalue mamuji Hatalla, ¹⁰ kasene rang inya yah am duru ka Gerbang Indah Dangau Tuhan maminta asi. Hansia banya heran mailanya laie hal am tajadie ka inya. Petrus Bapaner ka Urang Banya ¹¹ Sahompan urang iyah barigap ka Petrus rang nua Yohanes, hansia banya badari manguang urang nua yah ka pariwau am di joku pariwau Salomo, lalue heran ma ilanya. ¹² Lalue, metuh Petrus ma ilanya, inya bapaner akan urang banya yah''Uii urang Israel, ngapa kolai maila kami tie saolah-olah honi kuasa lalue kesalehan kamie kaniri, kamie jadie mangaruh urang itie bajalan? ¹³ Hatalla Abraham, lalue Ishak, lalue Yakub, Hatalla hia umuh dirie jadie mamuliakan hamba-Nya, Yesus, am kolai sorahkan lalue hinta ditarima ka paharap Pilatus metuh inya jadie mamutuskan akan malopas-Nya. ¹⁴ Tapie, kolai manolak, Am Barasih lalue am Bujur, lalue kolai maminta siku mamati dilopas akan kolai, ¹⁵ lalue kolai mamati Sang Pamori Hirup, am jadie Hatalla huaskan mula antara urang mati. Tuntang itie, kamie iyah am saksi-saksi. ¹⁶ Lalue badasar iman lalam nama-Nya, iyah am nama Yesus, jadie maonya kalaki-kalaki am kolai ila lalue kasene itie. Lalue, imanam datang malalu Inya jadie mamori karigas am sempurna ka kalaki-kalaki itie ka paharap kolai urasnya. ¹⁷ Keken itie, kawan manyariku, aku ingat amun kolai bertindak lalam kahinta ingat mu bera am kolai karuh laie para pamimpinmu. ¹⁸ Tapi, am Hatalla parahkan sahompannya malalu nyawa uras nabi amun Kristus akan sia-siha, jadie Inya ganap. ¹⁹ Laie iyah, batobatlah lalue babalilah nyaman dosa-dosamu dihapuskan, ²⁰ nyaman waktu kelegaan datang mula kehadiran Tuhan, lalue nyaman INya mautus Kristus jadie ditotapkan akan kolai, iyah am Yesus, ²¹ am patut tama ka sorga sampai metuh waktu pemulihan sagala suatu bera am jadie Hatalla parah malalu para nabi-Nya am barasih metuh zaman holu. ²² Musa bapaner, 'Tuhan Hatallamu akan mahuaskan akan kolai siku nabi bera aku mula antara kawan manyarimu kaniri. Kolai harus manongarkan sagala suatu am inya parah ka kolai. ²³ Lalue akan tajadie, satiap jiwa, am hinta manongar nabi iyah akan dihilakan mula antara bangsa.' ²⁴ Lalue, uras nabi am basa bapaner, mulai mula Samuel lalue urang sahompan nya jam mamarah arie-arie itie. ²⁵ Kolai iyah am katurunan mula para nabi lalue mula perjanjian am jadie Hatalla karuh honi hia umuhmu, lalue bapaner ka Abraham, 'Malalu benihmu, uras katurunan ka muha bumi akan diberkati.' ²⁶ Hatalla, sahompan mahuaskan hamba-Nya, mangirimkan-Nya ka kolai lobih holu akan mamberkatimu honi mangaruh satiap urang mula antaramu bababli mula kajahat." Yesus manyangka urang am lumpuh