¹ Mulae Paulus, rasul Yesus Kristus am dipilih laie kahonae Hatalla sasuai dengan janjie hirup am tege lalam Yesus Kristus. ² Akan Timotius, anak am terkasih. Pamorie, bolas kasihan, lalue damaie sejahtera mulae Hatalla, Ompaie, umakan Yesus Kristus, Tuhan dirie. (Nasihat akan Tarus Mangabarkan Injil) ³ Aku salalue basyukur akan Hatalla, am kulayanie honie hatie am barasih samahkan am jarie digawie laie hiyae umuhku, metuh aku maingat kolai lalam doa-doaku siang malam. ⁴ Metuh aku maingat araie matamu, aku honae mailae kolai nyaman ponuh karamieku. ⁵ Aku diingat laie imanmu am tulus, am pertama-tama hirup ka lalam umuhmu Lois, umakan inay mu Eunike, lalue aku jam yakin amun keken tie hirup ka lalam kolai jam. ⁶ Akan alasan itie am, aku maingat kolai nyaman tarus mangobarkan pamorie Hatalla am tege akan kolai malalue panumpangan jarieku. ⁷ Laie, Hatalla hontae mamorie akan dirie roh kagolae, tapie roh kakuatan, kasih, umakan roh am ulih manguasa dirie. ⁸ Jarie, hinang kolaie malue basaksi tentang Tuhan dirie atau tentang aku, pegawie-Nya. Tapie, laie kuasa Hatalla demi Injil kolai umae manderita. ⁹ Inya am jarie manyalamatkan dirie lalue manimaie dirie honie panimat am barasih, hontae laie pegawie dirie, tapie laie tujuan umakan pamorie-Nya kanirie am jarie Inya borie akan dirie lalam Yesus Kristus sahompan dunia tie tege. ¹⁰ Keken tie, hal itie majarie nyata malalue kadatangan Juru Selamat dirie Yesus Kristus am jarie mahapus pamatie umakan manaing pahirup lalue kakekalan mamalue Injil. ¹¹ Laie Injil itie am, aku konae tunyuk manjarie pangabar, rusul, lalue guru. ¹² Iyah am laienya, aku manderita keken tie. Tapie, aku hontae malue laie aku ingat akan sapae aku percaya lalue aku jam yakin amun Inya sanggup manjaga apa am Inya percayakan akanku sampai arie yah tibae. ¹³ Rigap pokok-pokok ajaran sehat am jarie kolai dongar mulaeku lalam iman umakan kasih am tege lalam Yesus Kristus. ¹⁴ Dengan Roh am Barasih am jarie tingal ka lalam dirie, jagalah dengan baik harta am baharga am jarie dipercayakan akan kolai. ¹⁵ Kolaie ingat fakta amun uras am tege ka Asia jarie bapaling mulae ku, ka antara urangnya yah am Figelus umakan Hermogenes. ¹⁶ Kiranya Tuhan am mamorie bolas kasihan akan saisi rumah Onesiforus laie inya rajin manyogarkanku lalue hontae malue laie pemenjaraanku. ¹⁷ Sabaliknya, katika sampai ka Roma, inya dengan semangat mangaueku lalue badapat aku. ¹⁸ Kiranya Tuhan manuntun nyaman inya manapat bolas kasihan mulae Tuhan akan arie iyah, sabagaimana kolai kanirie ingat barapa banya gawian am jarie inya borie akan ku ka Efesus.