¹ Kawan-manyari am kusiha, itie lalu surat kadua am aku tulis akan kolaie. Lalam kadua surat itie, aku bausaha mangaruh pikiranmu am barasih honi cara maingat kolaie, ² nyaman kolaie ingat akan bungi am lalu jadi di paner laie nabi-nabi kudus lalu parintah-parintah Tuhan lalu jurus salamat malalu kaban rasul. ³ Mula-mula ingat, laie mula arie pahabis nya, lalu pangejek hona datang akan uma hawa nafsu urang am badosa. ⁴ Urang hona bapaner, "Manih janyi tuntang panatang-Nya? laie metuh hia umah diri mati, uras masih totap bajalan samah mula pangaruh." ⁵ Laie urang sangaja lupa akan am nyata laie firman-Nya, langite jadi arae metuh jaman bahari, lalu tanah jadi mula araie lalu malalu araie. ⁶ Mula araie inya jam, dunia am ara metuh inya hancur laie arae bah. ⁷ Tapi, laie firman-Nya samah, langit lalu tanah am ara metuh itie di gora laie hangus laie apie metuh arie mahkim lalu hancur laie urang jahat. ⁸ Kawan-manyari am aku siha, hinang lupa nyata am suti itie: Bagie Tuhan, saarie samah kan saribu tahun lalu saribu tahu samah kan saarie. ⁹ Tuhan honta basa talamat akan janyi-Nya samah kan am di kira barapa urang am talamat. sabalinya, Inya sabar maharap kolaie laie Inya honta hona siku urang pun am mati, tapi nyaman uras urang ba ulih datang ka partobatan. ¹⁰ Arie panatang Tuhan akan datang samah urang ngolit, lalu langit hona hila barota suara am hebat. Barang-barang langit hona hangus habis laie lulu laie apie am hangat, lalu banua barota isinya jam hangus habis. ¹¹ Amun sagala macam hona hancurkan, honi cara itie, mula manih kolaie harus hirup? Honta kolaie harus hirup barasih lalu patuh akan Hatalla, ¹² samil mananti-nanti lalu manyopat arie panatang Hatalla? metuh arie Tuhan, langit hona hancur laie apie, lalu uras barang-barang langit lulu laie hangat. ¹³ Amun, cucuk akan janyi Hatalla, diri nanti langit lalu tanah am baharu, homan urang bujur hona tinggal. ¹⁴ Kawan-manyari am kusiha, laie diri nanti hal itie, maka bausaha honi cangkal nyaman Hatalla baulih kolaie honta badosa, honta isa, lalu badamaie akan Hatalla. ¹⁵ Anggap sabar Tuhan samah kan kasempatan akan diri manarima kasalamatan. samah kan am Paulus, manyari sayang dirie, tuliskan kan kolaie honi hikmat am di bori laie Hatalla kan inya. ¹⁶ Inya jam mamaner hal-hal itie lalam uras surat am bukan. Memang tege hal-hal am holin di ingat nyaman di putar bali laie urang am bungul lalu am lomah iman nya. urang jam mangaruh bagian am bukan mula Kitab Barasih, am maakibat kan pamati tinggi diri urang kaniri ¹⁷ Kawan-manyari am kusiha, laie kolaie jadi ingat tuntang hal itie, baie-baie nyaman kolaie honta di taing sosat laie panyalah mula urang am honta kasene hukum hinang kolaie jatu mula iman mu am kuat. ¹⁸ Amun, batumbuh lalam anungrah lalu kasene akan Tuhan lalu juru selamat diri, Yesus Kristus. Mula Inya kamuliaan, metuh itie sampai salama-lamanya! Amin.