¹ Apa kami mulai mamuji diri kami kaniri? atawa, samahkan babarapa urang, apa kami perlu surat pujian akan kolai atawa mulae kolai? ² Kolai am surat kami, am tatulis lalam hatie kami, am dikasene, tuntang am dibaca laie uras urang. ³ Kolai manunyuk amun kolai yah surat Kristus am dilayani laie kami, am ditulis bukan dengan tinta, tapie dengan Roh Hatalla am hirup, hontae ka tingie loh-loh batu, tapi ka tingie loh-loh hatie kalunen. ⁴ Kayakinan bera itie am kami hompu taharap Hatalla malalu Kristus. ⁵ Bukan berarti kami, samahkan dirie kami kaniri, ulih maanggap sasuatu mula dirie kami kaniri, ⁶ am jarie mangaruh kami ulih manjarie pegawi-pegawi perjanjian baharu, bukan manurut huruf, tapi mulae Roh. Sabab, huruf yah mampatie, tapi roh mahirupkan. (Kamuliaan Bakah mulae Pegawi Roh) ⁷ Tapie, Amun pegawi am manaing akan pamatie, am dengan huruf-huruf ditulis akan loh batu datang dengan kamuliaan, sampai-sampai bangsa Israel hontae ulih maila muha Musa laie kamuliaan yah, padahal metuh yah kamuliaannya jarie honae hilae, ⁸ bukannya pegawi Roh yah mahompu kamuliaan am bahkan lobih bakah jam? ⁹ Sabab, amun gawian am manaing hukuman mahompu kamuliaan, talobih mulae amun pegawi am bujur yah malimpah ka lalam kamulian. ¹⁰ Sabujurnya, apa am huran konae anggap mulia, lalam itie hontae dimuliakan laie kamuliaan am malimpah yah, ¹¹ Sabab, amun am pudar yah datang laie kamuliaan, talobih mulae am kekal yah ka lalam kamuliaan. ¹² Laie mahompu harapan am bera itie, kami mahonie karani am bakah, ¹³ lalue hontae bera kan Musa, am mangorae salubung ka muhanya nyaman kaban anak Israel hontae ulih maila akhir mulae apa am pudar yah. ¹⁴ Tapie, pikirkan urang am jarie di koraskan. Sampai arie tie, lalam pambacaan perjanjian am lamat, salubung am samah tatap hontae di angkat laie baya ka lalam Kristus salubung yah ulih konae angkat. ¹⁵ Bahkan sampai arie tie, katika kitab Musa konae baca, sutie salubung manutup atie urang. ¹⁶ Tapie, metuh siku urang babalik akan Tuhan, salubung yah kona angkat. ¹⁷ Tuhan yah Roh am homan Roh Tuhan tege, ka diyah tege kamerdekaan. ¹⁸ Lalue, dirie uras, am dengan muha hontae tasalubung tacormin kan kamuliaan Tuhan, metuh diubah akan gambar am samah mulae kamuliaan akan kamuliaan, samahkan Tuhan, am Roh yah.