¹ Laie aku jadi mangalap kaputusan akan dirie ku kanirie bahwa aku hontae akan datang mulae akan kolai kalalam sakit hatiemu. ² Amun aku mangaruh kolai sakit hatie, tapie sapaekah am akan mangaruh aku ramie, kacuali iya am jadiku karuh sakit hatienya iyah? ³ Aku manulis, samacam apa am aku gawi, supaya pas aku datang, aku hontae akan baulih sakit hatie mula urang am saharusnya mangaruh aku am baramie. Sabab, aku mansaie yakin akan kolai urasnya bahwa karamie ku akan karamie hemu jam. ⁴ Mula banyak penderitaan lalu kaporih hatie, aku manulis akan kolai bauma kan banya linangan arai mata, bukan akan mengaruh kolai sakit hatie, tapi supaya kolai baulih kapintar kasih sayang am mula aku, khususnya akan kolai. (Maampun Sesamah am Basalah) ⁵ Tapi, amun ara am menyebabkan sakit hatie, inya hontae menyebabkan sakit hatie akan ku, tapi akan batas tertantu--supaya aku honta malobih-lobihkan-- akan kolai urasnya. ⁶ Akan urang bera iyah, salue laie mu cukup bakah akan inya. ⁷ Laie iyah, kolai sabaliknya, lobih baik mengampuni lalu mahiburnya supaya urang am bera iyah hontae tangolam laie sakit haite am balobihan. ⁸ Jadi, aku bamohon akan kolai supayae mamorie kasihmu akan inya. ⁹ Laie, akan itie jam aku manulis akan kolai, iyah am supaya aku ulih mandapat buktinya, apakah kolai taat lalam sagala sasuatu. ¹⁰ Siku urang am kolai ampuni, aku maampunnya jam. Sebab, apa am jari aku ampuni, jaka tege am harus aku ampuni, aku mangaruhnya bera iyah akan kolai kapaharap Kristus. ¹¹ Nyaman, Iblis hontae akan diuntungkan mula diri laie diri maingat maksud-maksudnya. (Gelisah lalu Kaloga Paulus) ¹² Metuh aku datang ka Troas hona mangabarkan Kabar am Baik mula Kristus lalu katika pintu tabuka akan aku lalam Tuhan, ¹³ hompan ara kaloga jam kan rohku laie hontae manapat Titus, manyariku. Jari, aku minta parmisi akan urang lalu ingkas ka Makedonia. ¹⁴ Tapi, syukur akan Hatalla, am salalu mamimpin kami akan kamonangan ka lalam Kristus lalu mamarahkan kaharuman kapintar akan Inya ka satiap homan, mahonie kami. ¹⁵ Laie, kami puna sima harum Kristus akan Hatalla ka antara urang am diselamatkan lalu babeda diantara urang am akan binasa. ¹⁶ Akan am sutie itie, kami memang sima buruk akan pempatie, lalu akan am bukan, sima harum akan kahidupan. Tapi, sapa kah am sanggup akan hal-hal itie? ¹⁷ Sabab, kami hontae bera banya urang bukan, am manyual firman Hatalla. Sabaliknya, lalam Kristus kami bapaner ka paharap Hatalla honi katulusan, semacam apa utusan-utusan Hatalla.