¹ Paulus,memang rasul Kristus Yesus laie kahona Hatalla lalue Timotius,manyarie dirie, akan ungkup Hatalla am tege ka Korintus basamah uras urang barasih am tege kasaluruh Akhaya. ² Pamorie akan kolai lalu damai tuntang kasanang mulae Hatalla Opmai dirie tuntang Tuhan dirie Yesus Kristus. (Paulus Basykur akan Hatalla) ³ Tapujilah Hatalla umaekan Ompai mulae Tuhan dirie, Yesu Kristus, Ompai am ponuh kasih sayang lalue Hatalla homan samangat samaruai, ⁴ am manguatkan hatie kamie lalam sagala pandaritaan kamie sampai kamie ulih manguatkan urang amtege lalam sagala pandaritaan umaekan manguatkan, am kamie kanirie dikuat laie Hatalla. ⁵ Laie,samah berae pandaritaan Kristus malimpah kalalam kamie, berae iyah jam kakutan kamie malimpah mahonie Kristus. ⁶ Amun kamie mandarita,hal iyah samatae-matae akan manguatkan ikam urasnya demie kasalamatanmu. Atau,jam amun kamie dikuat,hal iyah supayae manguatkan kolai,am bagawie lalam katabahan laie pandaritaan- am samah, am berae kamie alami. ⁷ Harapan kamie akan ikam urang kuat umaekan toguh hatie laie kamie ingat bahwa ikam urang jam mandarita samah berae kamie mandarita, maka ikam urang jam pasti akan dikuatkan laie-Nyae berae kami salalu dikuatkan. ⁸ Kaban manyari kulae babuhan,kamie hona supaya ikam ingat masalah pandaritaan kamie alami ka Asia. Kamie baulih beban am borat metuh kamie koyah malobih mulae kakuatan kamie sampai kamie putus asa hontae maharap akan hidup mulae. ⁹ Bahkan, kamie mansai saolah-olah kamie akan di hukum matie tapie hal iyah supayae kamie hontae mangandalkan kakuatan kanirie tapie mangandalkan kakuatan Hatalla am jadi maharupie urang am jadi matie. ¹⁰ Iya jadi malopaskan kamie mulae bahaya kamatian iyah.lalue kamie tarus baharap ponuh akan-Inyae akan tarus manyalamatkan kamie mulae. ¹¹ Kolai jam umae marompuh kamie malalue doa-doamu lalue banyak am basyukur ka tingie namae kamie laie kasih sayang am diboriemu akan kamie malalue doa-doa urang banya. (Parubahan Rancana Paulus) ¹² Itie jam kabangga makie, iyaham kasaksian hatie nuranie kamie laie kamie hirup kalalam duniae itie, terutama tahadap kolai, am honie katulus lalue kabaikan mulae hatalla, bukan kalalam kapintar duniae itie, tapie kalalam pamorie Hatalla. ¹³ Laie, kamie hontae manuliskan hal-hal ambukan akan kolai am hontae ulih kolai bacae lalue paham artinyae. akue baharap kolai akan paham artie saponuhnyae, ¹⁴ berae kolai jam jadi mamahami saruainyae mulae kamie, iyaham supayae kamie manjadi kabanggaanmu, berae kolai manjadi kabanggaan kami jam, metuh arie Tuhan Yesus datang. ¹⁵ Lalam kayakinan itie, akue bamaksud akan talobih holue datang ka homanmu supayae kolai tahue baulih berkat am kadua kalinyae. ¹⁶ Akue hona bakoca kolai kalalam pajalankue ka Makedonia, lalue baulang mulae kahomanmu jadi mulae Makedonia supayae kolai tahue mambantue akue kalalam pajalankue ka Yudea. ¹⁷ Sabab laie iyah, apakah honie kabimbangan aku marancakan hal itie? Atau, apakah am akue rancanakan, akue marancanakannyae sacarae duniawi lalue mangaruhkue berae mun barotae tege "hona itie, au" lalue "hona iyah,hontae"? ¹⁸ Samah berae Hatalla amsatia, aku bajanyi ka kolai bahwa kamie hontae akan bapaner "hona" lalue "hontae". ¹⁹ Laie, Anak Hatalla,Yesus Kristus, am di baritakan ka antarae kolai laie kamie, iyaham akue,Silas,lalue Timotius, tapie bukan am ''hona''lalue ''hontae'',tapie itie puna bujur kalalam Inyae. ²⁰ sabab,saluruh janyie Hatalla puna ''bujur'' ka lalam Kristus. Iyaham sababnya, malalue Iyae,kamie maucapkan ''Amin'' kamieakan mahormat Hatalla. ²¹ Lalue Hatalla am manoguhkan kamie basamah-samah dirie ka lalam Kristus, lalue am jari mamori sangat samruai akan dirie, ²² am iya jam macapkan dirie lalue mamorie roh-Nyae kalalam hatie dirie akan jaminan. ²³ Tapie, metuh itie kapaharap Hatalla aku bajinyie bahwa am aku parahkan itie bujur tege jam alasanku supayae hantae baulang ka Korintus. ²⁴ Bukan laie kamie manyuruh apa am harus kolai pacayae laie kolai bairie toguh katingie imanmu,sabaliknyae kamie hona umae bagawi akan sukacitamu laie kalalam imanmu, kolai jari toguh.