¹ Saluruh urang am mananggung beban manjari hulun haruslah maagap tempunyae manjadi urang am pantas baulih sagalae hormat supayae namae Hatalla tuntang pangajaran dirie hontae isa. ² Samantara kaban hulun am tempunyae araelah urang am pacayae, hinam sampai mangurang asae hormat nyae akan rang laie rang araelah kaban manyarie dirie saiman. mustienyae,kaban hulun harus manyayang tempunyae lobih baie mulae laie am manarima berkat pangawie aralah urang-urang pacayae lalue am rang kasih. Lajarkan lalu nasehatkan hal-hal itie akan pamanya. (Msalah Ajaran Bukan lalue Cinta Duit) ³ Amun arae urang am malajarkan ajaran bukan am hontae sasuai akan panernyae am bujur mulae Tuhan dirie Kristus Yesus lalue hontae sasuai akan ajaran kapacayaan dirie, ⁴ iyae araelah pamarongka lalue hontae ingat apa-apa. Iyae bayae basorue akan pambantah am hontae baie, am bayae mandebat paner-paner am jusru manimulkan iri hatie, pocah bolah, fitnah, lalue kacurigaan am jahat, ⁵ lalue juju-juan mangaruh salisih paham ka atara urang-urang am pikirannyae jari rusak lalue hontae tarimae am bujur, am mangira araelah carae akan baulih kauntungan. ⁶ Tapie,kataatan am diiring pansaie cukup akan baulih manpaat am bakah. ⁷ Sabab,dirie hontae manaing apae-apae katika tamae ka duniae lalue diri jam hontae tahue manaing apae-apae katikae dirie maluar mulae duniae itie. ⁸ Amun jari arae pamakan umaekan pakawan, dirie akan mansaie jari cukup. ⁹ Urang am hona manjadi sugih jatue kalalm pancobaan lalue jabakan, umaekan bamacam nafsu am bungul lalue mambahayakan am akan manangolamkan urangh-urang ka lalam kahancuran umaekan kabinasaan. ¹⁰ Sabab, cinta akan duit iyah am urat mulaesagalae macam kajahatan. Uran-urang jari manyimpang mulae iman lalue manyiksa arepnyae kanirie umaekan sagalae macam sakit hatie. (Barapae Hal am Harus Diingat) ¹¹ Akan tatapie, kolai tie kalunen mulae Hatalla, jauhkan arepmu mulae saluruhnyae iyah gauekan jalan am bujur, kataatan,iman,kasih, katabahan, lalue kalomah-lomue ulahmu. ¹² Bajuang ja lalam pajungan iman am baie lalue barigap akan hirup sapalamatnyae am akannyae kolai ditimai katikae kolai mamorie pangakuanmu am baie ka paharap banya saksi. ¹³ Ka paharap Hatalla am mamorie hirup katingie sagalae macam lalue kapaharap Yesus Kristus am mamoriekan pangakuan am baie katika bapaharap akan Pontius Pilatus, akue mamarintahkan kakolai, ¹⁴ sakiraenyae kolai manjalankan parintah itie umaekan hontae cacat lalue hontae rusak sampai panatang Tuhan dirie Kristus Yesus. ¹⁵ Pas waktu am dikahonakan-Nyae,Iyae akan manampa arep-Nyae bayae Iyae panguas, Rajae katingi sagalae rajae umaekan Tuan katingi sagalae tuan. ¹⁶ Iyae jam am hirup sapalamatnyae, am diam lalam torang am hontae ulih didamping,am hontae arae siku jam basae mailae-Nyae. Akan Iyae, sagalae hormat umaekan kuasa am sapalamatnyae!Amin. ¹⁷ Samantara iyah, borie sasehatkan urang-urang am sugih tatau zaman itie supayae hontae sombong atau mangarae harapan akan kasugihnyae am hontae pasti, tapie omahkan harapanmu akan Hatalla, am jari malimpahkan manyadiakan sagalae macam akan diri supayae dirie mansaienyae. ¹⁸ Nasehatkan rang banya supayae mangawie am baie, manjadi urang am murah hatie, lalue siap babagie atau mamorie. ¹⁹ Laie berae iyah,rang akan mangumpul panatau akan arep rang kanirie manjadi dasar am baie akan masa-masa am akan datang supayae rang ulih barigap akan pahirup am sabujurnyae. ²⁰ Timotius, jagaekan apae am jari diparcayakan ka kolai.Hinarkan mamaner am duniawi lalue paner hotae bagunae tuntang basul jawab am sacarae salah dijokue ''pangatahuan'', ²¹ am laie mangakuinyae,iman babarapae urang jari manyimpang. Kuasae mairing kolai.