¹ Panapat am jadi tege mula bahari, am jadi kami dongar, am jadi kami ila dengan mata kami, am jadi kami urus umakan di suntu dengan longan kami, ialah Firman Kahirup, ² kahirup itie jadi dengan kami jadi maila-Nya. Kami basaksi umakan mamaner akan kolaie akan kahirup kekal iyah, am jadi ara uma ompai umakan jadi nyata kan kami. ³ Hal am jadi kami ilae dengan di dongar iyah, kami mamaner jam kan kolaie nyaman kolaie jam mahompu persekutuan uma kami.paamatnya, persekutuan kami iyah ialah uma Hatalla ompai dengan ana-Nya, Kristus Yesus. ⁴ Uras hal itie kami tulis akan kolai nyaman sukacitamu jadi ponuh. ( Bajalan lalam Torang) ⁵ Itilah barita am jadi kami dongar tentang Inya umakan kami mamarah kan kolaie, yaham Hatalla ialah torang dengan di lalam Inya samah sakali mayan ara kapotang. ⁶ Jaka dirie mamarah bahwa dirie mahompu persekutuan dengan Inya, tapi dirie hirup lalam kapotang, dirie badusta umakan hontae berbuat kabujur. ⁷ Namun, jaka dirie bajalan lalam torang, samah nulat Inya lalam torang, dirie mahompu persekutuan sutie dengan am bukan, dengan darah Yesus, Anak-Nya, marasih dirie mula uras dusa. ⁸ Jaka dirie mamaner bahwa dirie hontae badusa, dirie manipu dirie kanirie dengan kabujur hontae tege lalam dirie. ⁹ Jaka honta mangku dusa-dusa dirie, Inya ialah setia dengan adil akan maampuni dusa-dusa dirie umakan akan marasih dirie mula uras kajahat. ¹⁰ Jaka dirie mamaner bahwa dirie hompan basa mangaruh dusa, dirie mangaruh Inya manjadie panipu dengan firman-Nya hontae tege lalam dirie.