¹ Te Jesuse och beel yan buelta ta bay te sinagoga, le k'o sta jtul winik te sikuben xchial te ch'ix sk'abe. ² Jich yu'un te ants-winiketik la smaliy yilik te me ya xpoxtaywan ta sk'alel ich' lewa te Jesuse, swenta yu'un jich ya slebeyik smulike. ³ Te Jesuse la yalbey te winik te sikuben xchial sk'abe: "Ja jch'an, tek' lan ta yolil te ants-winiketike." ⁴ Jich yu'un la yalbey te ants-winiketike: "¿Ya bal stak' ta pasel te bila lek o bila amen ta sk'alel ich' lewa; ¿Ja bal lek te ayuk mach'a ya xkuxin o ja lek te ayuk mach'a ya xlaje? Ja'uk me to ni tul mach'a k'opoj. ⁵ Te Jesuse sok sla' yot'an la yil ta sjoyobal te ants-winiketike, sok la smel yot'an yu'un te bit'il tulan te yot'anike, la yalbey ts'iin te winike: Xich'aj te ak' abe te winike la xich' te skabe, jich a kol te sk'abe. ⁶ Te fariseoetique lok' ikbeel, oranax jach' xchapeyik sk'oplal sok te Herodianoetike te bit' il ya yut smilik te Jesuse. ⁷ Te Jesuse lok'beel ta ti' mar sok te yajnopojeletik yu'une. Tsobol nax te ans- winiketik te ts'aklinot yu'une, te talemik ta spamal sk'inal Galilea, Judea, ⁸ sok ta Jerusalen, sok ta Idumea sok ta jech ja' Jordan sok ta sjoyobal Tiro sok Sidon. Bayal ants-winiketik la yaiyik stojol te bila yak ta spasele jich talik ba ay te Jesuse. ⁹ Te Jesuse la sk'ambey te jnopojeletik yu'une te yakuk xchajbanbeyik junuk barco, yu'un le yax och a teme ay swokol ta net'el yu'un te ants-winiketike. ¹⁰ Bayalik te mach'atik la xpoxtey te Jesuse. Spisil te mach'atik ay swokol ta sbak'etalik stenten nax sbaik ta spikel te Jesuse. ¹¹ Te k'alalnax yax ilot te Jesuse yu'un te pukujetike oronax la skejan sbaik ta stojol, jich la yalik ta aw: "Ja' at xnich'anat te Diose." ¹² Te Jesuse tulan la spas ta mantal te manchuk ya yak'ik ta nael stojole. ¹³ Te Jesuse mo beel ta wits. La yik' tel ta stojol te mach'atik la sk'an yot'an yik' sjoine. Jich talik ta stojol. ¹⁴ Te Jesuse la tsa laj che'tul winiketik (te ja' la yakbey sbiilin jnopojel yu'un), swenta yu'un ya sjoin sok yu'un ya stikun beel ta xcholel te sk'op Diose. ¹⁵ Sok la yak'bey yu'el ta slok'esel pukujetik. ¹⁶ Te lajche'tul te tsa otike: Ja' sbiil Simon, te la yak' beysbiilin Pedro; ¹⁷ Jacobo xnich'an te Zebedeoe soknix uuk te Juane, te yijts'in Jacoboe, te la yak' beysbiilin Boanerges, te ya sk'an yal "Snixnab chawuk." ¹⁸ Sok Andres, Felipe, Bartolome, Mateo, Tomás, Santiago, te snich'an Alfeo, Tadeo sok te Simon te zelotee ¹⁹ sok Judas Iscariote, te la yak' ta k'abal ta patil te Jesuse. ²⁰ Jich yu'un te Jesus bajt' ta snaj, jich k'ax tsobol ants-winiketik la stsob sbaik tel yan buelta, jich ma la swe ixaa te spane. ²¹ K'alal la yaiyik stojol te mach'atik ay yu'un te Jesuse, jich lok'iktel tal skananteyik te Jesuse, melel jich la yalik: "Melel ta bil jowel." Xi'ik ²² koiktel ta Jerusalen te ts'ibuwanejetik jich la yalik: Ja' winikto untebil yu'un Belcebu." Ja' te mach'a ajwalil yu'un te pukujetike ja'nix jich ya sten lok'el te pukujetike." ²³ Te Jesuse la yik'tileytel ta stojol jich la yalbey ta seña-k'op: ¿Ya bal stak' te pukuj ya sten lok'el te pukujetike? ²⁴ Jich te me ay jun ajwalinel te xatoj sbaj sok skontroinoj sbae ma ba ya xjalajik ta k'inal yu'un. ²⁵ Jich te mach'atik jun nax na ayike teme ya xat sbaike jich ma xju' ya xjalajik ta k'inal. ²⁶ Jich te pukuje teme ya skontroin sbaike sok xa tojsbaike ma xju' te ya xjalajik ta k' inal le ya stub sk' oplalika. ²⁷ Sók ma' yuk mach'a jich nax ya yochintaybey snaj te k' ajk'al winike. Teme yot'an ya sk' an yelk'anbey lok'el te sbiluke, puersa me neel ya sk'ol ta chukel. Jich ya xju' yu'un ya yich' bey bael té sbiluke. ²⁸ Melel yajkal beyex: Spisil te mulil yu'un te snich' nab te ants-winiketik ya xju'yich'ik perdón jichuk te ixta k'op te ya ja' walike: ²⁹ yante mach'a ya yixta k'optey te ch'ul espiritue, xujt' mayuk perdón yu'un stukel, ja' smulinoj sbajt'el k'inal. ³⁰ Te Jesuse ja'la yal yu'un te bila yakalik ta yalele "ja into ja yich'oj pukuj." ³¹ Te smé sok te yisnab te jesuse talik sok ainik ta bay amak' la stikunik ta ik'el te Jesuse. ³² Jich cha'oxtul najk'ajik, la sjointayik te Jesuse, jich la yalbeyik: "Te ja' me'e sok te awijts'inabe ayik ta amak', yak me slebelat." ³³ Jich la sjak' te Jesuse: "¿Mach'a a te jme'e sok te jkijts'inab te ya awalike? ³⁴ La yil te mach'atik joytaybil ta naklej yu'unike. Jich la yal: "¡ilawilik le ay tej me'e sok te kijts'inabe! ³⁵ Melel te mach'a ya spasbey sk'anjel yot'an te Diose, ja' jkijts'inab ja' jme' abi-xi' te Jesuse.