¹ K'ax che'oxeb k'aal k'alal sujtbel te Jesuse ta Capernaum la yayik stojol te ants-winiketik te le" ayix ta bay na. ² Jich yu'un bayal nax la stsob sbaik tel, noj ta yalel te nae, ma'yukix banti ya xtek'ajikxan, ni ta ti'nail, te Jesuse la xchol te sk'op Diose. ³ Jich talik cha oxtul winiketik taj stojol yik'ojiktel tul winik te max beene chantul winiketik sk'echojtel. ⁴ K'alal ma la stak' k'otik ta Jesus yu'un te ants-winiketike jich yu'un la sjamik te ba naj ta ba ay te Jesuse: le la sk'oesika te swaeb te banti wayala te winik te max beene. ⁵ K'alal la yil Jesús te bit'il ay xch'uunjel yo'tanike, jich la yalbey te macha max beene: "jnich'an, pasbilatix perdón yu'un te amule. ⁶ Ja'uk me to, ay cha'oxtul najk'atik te jts' ibawanejetik jich la yal ta yo'tanik ⁷ ¿Bistuk te jich ya yal in winikto? ¡Ya sbol-k'optey te Diose! ¿Ay bal mach'a ya xju' yu'un yak' te perdón yu'un mulil? Ja'nax stukel te Diose-xiik. ⁸ Ora nax Jesús la sna' stojol ta espiritu te beluk yakik snopel ta yo'tanik. Jich la yalbey ¿Bi yu'un te jich ya awal ta awo'tanike? ⁹ ¿Bila ma tulan ta alel ta stojol te winik te max beene? "Pasbilatix perdón yu'un jamul te ya kalbeye? ¿O ja' bal ma tulan te "Jajch'an, tsaka jajch'el te ja waebe beenan ¿teme ya kute? ¹⁰ Ja'uk me to ya me k'akbeyex ja naik te bit'il tulan yuel yich'oj te nich'an-winik ta balumilal yu'un ya yak' perdón-xii te Jesuse sok jich la yalbey te winik te max beene: ¹¹ Jich ya kalbat te ja' ate: Jajch'antel tsaka te ja waeb ban ta ja naj la yut. ¹² Jich jajch' ta ora. La stsak jajch' el te swaeebe. Lok' bael ta yolilik yan nax la yilik sok la yalbeyik wokol Dios yu'un, la yalik: Ma' yuk banti kilojtik into-xiik. ¹³ Te Jesúse lok' bael yan buelta ta bay sti' yu'un Galilea spisil ants-winiketik talik ta stojol, jich yak ta sb'ijubteswane ¹⁴ Te k'alal yak ta beel k'axel la yil te levi, te snich'an Alfeo, nakal ta bay ya yich' tojel spatanul te biluke: Jich la yalbey: la ts'aklinawon-la yut. Jich la stek k'an sba. La sts'aklin beel te Jesuse. ¹⁵ Te k'alal yak ta weel a te Jesuse, ta bay sna te Levie, stobol jk'an patanetik sok Jmulawiletik yakalik ta weel sok a te Jesuse, sok nix uk te yajnopojeletik yuune, melel bayal me mach'a st'a klinot yuun. ¹⁶ K'alal te jts'bijometik te fariseoetiknixuke la yililk te Jesuse te sjoinoj ta weel te mulawil ants-wiketike, sok te jk'an patanetike, jaik me to la yalbeyik te jnopojeletik ¿Bistuk te sjoinoj ta weel te jk'an patanetike sok te mulawiletike? ¹⁷ Te k'alal la yaiy stojol te Jesuse, jich la yaltilebey: "Te ants- winik te tulan sbak'etalike ma xtuun yu'unik te Jpoxtaywaneje ja nax te mach'atik ayik ta chamel ya xtuun yu'unik. Ma jookon talon ta yik'el te ants-winiketik te tojobenixe. Ja' tal k'ik te Jmulawiletike ¹⁸ Te jnopojeletik yu'un te Juane sok te fariseoetik, yak'alik ta skomel sweelik, talik ta stojol jich la yalbeyik: ¿Bistuk te jnopojeletik yu'un te Juane sok te jnopojeletik yu'un te fariseoetike ya skomik swelik stukelik. yan te jnopojeletik awu'une ma ya skom weelik stukelik? ¹⁹ Jich la yalbey te Jesuse: ¿Ya bal xju' skom sweelik te mach'a ik' bili'k ta il nujbinel teme sjoinej to sba sok a te winik ya xnujbine? Ma xju skom sweelik te me stjoinejiktoa te winik te ya xnujbine. ²⁰ Ja'uk me to ya me sta k'alel te ya xpojbot beel te winik te ya xnujbine. Te me ma bal sjoinojixa, ja' to me ya xjajch skom sweelikabi. ²¹ May'uk mach'a ya spak'antay pokol pak sok xejt ach pak te me jich yaj spase ya ch'ixanbeel yu'una te pokol pakej. Jich k'ax muk' ya xk'ot xan a te xch'i'benale. ²² May'uk mach'a ya spul yach'il yalel ts'usub ta spokol snujk'lel chambalam te st'isbile. Teme jich ya spase, ya me xch'i te nujk'ule. Jich me jontol ya xchay te yalel ts'usube sok te nujk'ule. Ja uk meto ya sk'an kejel ta ach' nujk'ul te ach' yalel ts'usube. ²³ Ta sk'alelal ich' lewa been k'axel te Jesuse ta bay ts'umbil trigoetik. In te jnopojeletik yu'une kaj st'obeyik sbak te trigoe. ²⁴ Te fariseoetike la yalbetik te Jesuse: "Ilawil, ¿Bistuk yakalik ta spasel te bila ma stak' ta pasel ta k'alel ich' lewa? ²⁵ Te Jesuse la yalbey: ¿Yu'unbal xujt' ma ba ak'oponejik ta sjun Dios te bila la spas te Davide, k'alal la yaik swokol yu'un winal, sok te winketik sjoineje? ²⁶ ¿Bit'il och'beel ta sna te Diose, k'alal ja' ay ta m'uk sacerdotea te Abiatare, ja'uk me to la swe' te pane, te pachal ta stojol te Diose, te ja nax ya xju' ya swe'ik te sacerdoteetike, ja'uk me to la swe sok la yak'bey swe'ik uuk te sjo'take? ²⁷ Te Jesuse la yalbey: Te sk'alel ich' lewa, la yich' pasel ta swenta te ants-wiketike, ma ja'uk la yich pasel te ants-winik ta swenta te ich'lewa. ²⁸ Jich' yu'un te snichan winik ja' ajwalil yu'un te sk'alelal ich' lewa.(sabado)