¹ Ja’ xjach’ibal te lek yach’il k’op yu’un te Jesucristo snich’an te Diose. ² Jich bit’il st’ibubil jilel sk’oplal yu’un Isaias te alwanej yu’un te Diose: ILAWILIK, TE JO’ONE YAKON STIKUNEL ALWANEJ TA TOJOL TE MACH’A YAX CH’ABANBAT TE A BEE. ³ TE JK’OP TE YAX I’KWAN TA BAY JOCHOL TAKIN K’INAL. TE JICH YA YALE: CHAJBANBEYAIK ME TE SBE TE JKAWALTIKE, TOJ ME XA JAMIK BEEL TE SBEE. ⁴ Te Juane Yak ta yak’eltel ich’ Ja ta bay jochol takin k’ inal sok yak xch'oleltel te ich’ ja yu’ un te sudesibal yot’ anike yu’un jich’ me ya staik perdon yu’un te smulike. ⁵ Spamal lum Judea sok spisil ants-winiketik ta bay Jerusalen talikme ta stojol. La me yich’ik ja' yu’un ta banti muk’ul ja’ Jordan, te k’ alal la yalik ta jamal te smulike. ⁶ Te sk’u’ te Juane pasbil ta stsostil camello, sok xchukoj xch’ujt' ta nujk’ul. Ja la sw’eelin te k’ulubetike sok te'eltik-chab. ⁷ Jach'ta xcholel, jich la yal: te mach’a patil ya xtal ku’un ja’me tulan yuel stukel te bit'il jo'one. Maj snubin te ya jtilbey yak’ul te xanabe. ⁸ Te jo’one ja nax la kabatik awich’ik ja’ ta swenta te ja’e. Yan te mach’a ya xtale ja’ ya yak’beyex a wich’ik te ja’ ta swenta te ch’ul Espiritue. ⁹ La sta yorail te lok’ tel Jesus ta lum Nazaret te ay ta sk’inal Galilea. Jul ak’botuk yich’ ja’ yu’un te Juane ta bay muk’ ja’ Jordán. ¹⁰ Te k’alal lok’ nax tel ta ja’ te Jesuse, la yil jam te ch’ulchane koj tel te Espiritue, jich bit’il stsumut te jul ta stojole. ¹¹ Sok ay mach’a k’opoj tel ta ch’ulchan” Ja’at jnich’anat te bayal k’uxat ta ko’tane. Xi ¹² Ta oranax ik’ot bael ta jochol takin k’inal yu’un te Espiritue. ¹³ Cha’winik k’aal ain ta bay jochol takin k’inal. ilbot yo’tan le’a yu’un te pukuje. Ja' nax sjoinej le a te ja’mal chambalametike, sok tal te chu’ul abatetike tal yak sbaik ta abatinel. ¹⁴ Te k’alal och ta chukel te Juane, te Jesuse bajt’ ta sk’inal Galilea ta yalel te lek yach’il k’op yu’un te Diose. ¹⁵ Jich la yal: k’otix yorail te ajwalinel yu’un te Diose nopol me ay. Jich yu’un sujt’esa. awo’tanik sok ch’unnaik me te lek yach’il k’ope. ¹⁶ Te k’alal been k’axel ta ti mar yu’un Galilea la yil te Simone sok te Andrese, te yits’in te Simone yakalik ta xch’ojel ochel ta mar te st’akjibal- xchayike, melel ja’ yat’elik te tsak-chaye. ¹⁷ Te Jesuse la yalbey yaiyik: “laikme, ts’aklinawonik te awat’elik ora to ja’ me te ya atsob tel ants-winiketik ta jtojole. ¹⁸ Ta ora nax la yijk’tayik jilel te stsakjibal-chayike sok la sts’aklinik beel. ¹⁹ K’alal te been xan k’axel tebuk a te Jesuse, le la yil te Jacoboe (Santiagoe), te snich’an te Zebedeo, sok nix te yijst’in Juane; ayik ta yutil barco. Yakalik ta spak’anteel te xchojak’il stsakjibal-xchayike. ²⁰ Te Jesuse la yik tel ta ora nax: jich la yijk’tayik jilel te statik Zebedeo ta bay te sbarkoike sok nix te yaj’at'elike. Laj sts’aklinik beel te Jesuse. ²¹ Ochik bael ta Capernaum, ta sk’alelal ich’lewa. (Sabado), te Jesuse och ta sinagoga la yaiy bijub'teswanej le a. ²² Yan nax la yayik yu’un te bila la yak ta nopele, melel jich la yaiy bijub'teswanej te bit’il mach’a yich’oj tulan yat’el. Ma jichuk te bit’il te jts’ibjometike. ²³ Ja le aya ta bay sinagoga jtul winik te ay pukuj ta yo’tan te kaj ta aw: ²⁴ ¿"Bistuk te ya ja tik’aba sokotik Jesus te talemat ta Nazaret? ¿ Yu’un ba tal ja jinotik? Ya jna’bat aba te ja’at te xch’ul-xnich'an te Diose-xi ta aw. ²⁵ Te Jesuse la skom ta k’op te pukuje jich la yalbey: "¡Ch’aban max k’opojat lok’anbeel ta yo’tan te winike!" La yut. ²⁶ Te pukuje la ch’oj ta lum te winike, jich’ yak aw lok’el te pukuje. ²⁷ Spisil ants-winiketik jchajp nax la yilika. Sok kaj sjoj k’ibey sbaik. ¿Beka to? ¡Jun yach’il nojptesel, tulan yat’el yich’oj sok ay yuel ta spasel ta mantal te pukujetike sok ya xch’uunbot sk’op yu’unik-xiik. ²⁸ Ora pujk’ sk'oplal te Jesuse ta spamal sk’inal Galilea. ²⁹ Patilal lok’ik tel ta sinagoga bajt’ik ta banti sna te Simon sok Andrese sjoinejik beel Jacobo sok Juan ³⁰ Te snialme’el te Simone chawal ta swaeb kot staik yu’un ay ta chamel ta k’ajk la yalbeyik ta ora te Jesus te ay ta chamele. ³¹ Jich te Jesuse tal ta stojol la stsakbey sk’ab sok la sja’ch’es. Ora nax lamaj te sk’aale jich och ta mak’linwanej. ³² Yakix ocheltela te ajk'ubale la yich'ich'beyetel te mach’atik ayik ta chamel sok spisil te mach’atik ay pukuj ta yo’tanik. ³³ Spisil lum la stsob sbaiktel ta bay te ti’naile. ³⁴ Ja’ la poxtey bayal te chameletike soy la slok’esbey bayal pukujetik ma la yak’ k’opojik te pukujetik yu’un ya sna’ beyik sba. ³⁵ Jach ta buen sab ijk’toa te k’inale lok’beel ta bay jochol kinal ba sk’opon Dios lea. ³⁶ Te Simone sok te mach’a sjoinoj ba sleik te Jesuse. ³⁷ Te k’alal la staik jich la yalbeyik: “Spisilik yak slevelatik-xiik.” ³⁸ Jich la yal te Jesuse: Ya xbootik ta’ bay lumlumtik te nopol ayike yu’un ya xba choltik te lek yach’il k’ope ja’ swentail te talemone-xi ³⁹ Bat ta spamal Galilea la yal te lek yach’il kop ta bay sinagoga sok la slok’esbey pukujetik ta yo’tanik. ⁴⁰ Jtul winik te yich’oj k’ael-chamele noptsajtel ta stojol, la yalbey wokol sok las skejan sba, jich la yalbey “Te jichuc awotane ya stak' ja sapon-xi. ⁴¹ La sna’bey yo’bolil sba te Jesuse jich la skajanbey sk’ab ta stojol, jich la yalbey:“Te jo'one jun k'otan. Jich a pokot." ⁴² Ora nax kol ta k’a el-chamel lekub te sbak’etale. ⁴³ Te Jesuse tulan la yalbey sok la stikun beel ora, ⁴⁴ Jich la yalbey: “Ma me mach’a xawalbey, ban ak’beya yil te sacerdote sok ya me awak’bey smajt’an Dios te bit’il lekubatixe jich bit’il yaloj te Moisese, jich me ya sna’ik stojol te kolematix ta chamele." ⁴⁵ Jich lokbel ta amak' jich kaj ta spukbey sk’oplal. Ja' swentail te Jesuse ma la stak' bat' ta yan yantik lumetik. Jich yu'un jil ta bay jochol k’inal ja’uk me to bayal ants- winiketik ta yan yantik lumetik ta lik ta stojol.