¹ Jo´on te Pablo, jpuk´k´op yu´un te Cristo Jesús ta swenta mantalil yu´un te Dios te k´oltaywanej ku´untik sok Cristo Jesús te ja smuk´ul kot´antik, ² Timoteo, te mero jnich´anat te xch´uunjel ot´anil i aka me xk´ucta yat, yuts´il ot´anil sok lamal k´inal yu´un te jtatik´ Dios sok te kajwaltik Cristo Jesús. ³ Jich´ te bit´il k´alal boon ta sk´inal Macedonia, la kalbat te ya xjilat ta Éfeso jich yu´un ya me kom te mach´atik ya yak´ik ta nopel te beluk yantik´ ya yak´ik ta nopel te bin ma stojiluk ta ch´uunel. Ja nix yu´un ma me xja wak´ik majanel ja wot´anik yu´un sk´oplal te namey k´inal ts´umbalile te ma xlaj ta alelej te ya shch k´op te ma ya yak´ x-mujk´ub te. ⁴ Yat´el te Diose, ta skuenta yu´un sch´unel-ot´anil. ⁵ Ja pratp te no swemtailuk te mantalil to ja me yu´un te xku´uxul ot´anil te ay ta lekik ot´anile, te lekik nopjibal, sok te melel xch´uunjel ot´anil. ⁶ Ay bayal ants- winiketik te ch´ayemikix ta bee sok te já bajt´ix yot´anik te jontol ayejetik. ⁷ Ja´ik ya k´anik te nojptexwanej ya sk´otik yu´un te mantaliketike, ja uk meto ma sna ik te beluk ya yalike, sok te beluk yakalik ta yak´el nojp´ele. ⁸ Te jo´otik jna´otik sotjol te lek st´ukel te mantalik te me ya snajtik st´uuntesele. ⁹ Sok sna otik´me ix, te mantalik ma ba ja´uk la yich spasel ta skuenta te. Sok te mantalile ma ja´uk ay ta swentaik te mach´atik tojike, ja ay ta swentaik te k´axintej mantaliletike sok te jtoybaetike, malek yot´anik sok jmulawiletik, sok te mach´atik ma yich´ojik te Dios sok te ma xich´wanik ta muk. Pasbilik yu´unik te mach´atik ya smil te sme´- statike, te jmilawiletik, ¹⁰ sok te ants- winiketik te mach´atik ya xyalik ta mulile, sok te mach´a tik sjuy sbaik nax ta winikil te ya suins baik ta waele, sok te mach´atik ya snak´ik beel ants- winiketik yu´un ya xbaj yap´tinik, sok te mach´atik ya yalik lotej, sok te lotil testigoetike, sok yu´unik te mach´atik ya skontroin te lekil nojpetesele. ¹¹ Te lekik p´ijubtesele ja me junax ay sok te yutsilal te lek yach´il k´op yu´un te ch´ul Diose. ¹² Te jo´one ya kalbey wok´ol te kajwal Cristo Jesús ku unej. Ja la yak´jbon kip´, ja yu´un la yilon te junax kot´ane sok te ja la yaká bon te kat´ele. ¹³ Te jo´one yax jbolk´optaywanejona, sok ya kay nujswaneja sok nero jtulan winikona. Jich´la kich´kuxtayel yu´un ma la jna´ k´inala sok te manba ch´uuneje k´otana. ¹⁴ Jich esmaj ta k´axemtoxan te yut´il yot´an te kajwaltike sok ch´unjel ot´anil sok s´oxol ot´anil te ja ta xkuenta Cristo Jesús. ¹⁵ Ja te bek la yich alele ja stojil k´op ya sk´an ya yich´ ch´uunele, te Cristo Jesús tal ta skoltay te mulawiletike te jo´one ja´ k´ax bayal te jmule. ¹⁶ Ja ta skuentail te jo´on la k´ix k´uxtajel, yu´un Cristo Jesús jich ya yak´ilel te lamal k´imal te ay ta stojole. Ja ya snojpik a te mach´atik Patil ya ch´uunnike Cristo ja yu´un xkux lejalik sbajt´el k´inal. ¹⁷ Ta ora to te muk´uk ajwalik te stalek ayej, te stalek kuxul, te ma chikanukl ta ilele, te janaz Dios stukele, ich´biluk ta muk sok te ay yusilal ta sbajt´el k´inal, Jichuk. ¹⁸ Jo´on ya kabat te mantalil ta a tojol, Timoteo, te jnich´anate, ya kon ta spasel into ta swenta bit´il jich´albil sk´oplal te swenta alwanej k´op yu´un la yich pasel yu´unax ta wenta, ja yu´un ya me xu´awun ja wak´a k´op yu´un lekil tsaltomba. ¹⁹ Pasame- uk´to ja yu´un ma xch´ay te xch´unjel ja wot´ane sok te slekil te beluk ja nopoje. Ay ch´a oxt´un ants-winiketik te ma la sk´anik in to sok te mach´a ch´auikic xch´unjel yot´anik. ²⁰ Jich te bit´il Himeneo sok te Alejandro , te la kak´ix ta sk´ao te Pukuje jich yu´un ya snopik ma me sbolk´optaywanik.