¹ Ja' me neel ya tak'uyex ta apisilik te yakuk ja k'anbeyik te bila ya ak'anike, k'opanaik me te diose , bik'tal-k'opojanik ta estojol te diose,sok ak' yalik wokol yu'un ispisil ants-winiketik, ² Sok te muk ajwaliletike sok spisil mach'atik ay yat'elik, skskuenta yu'un lamaluk me k'inal ayik sok jech' k'ux yaiy sbaik sok lekuk k'oplaltik-a. ³ Ja'ito ja lek sok ja k'ambil yu'un te diose te ja kolteywanej kuuntik. ⁴ Te yot'anuk ya xkolspisil ants- wuiniketik sok te yakuk sk'ot ta yot'anik te smelelil k'ope. ⁵ Melel junax te diose,sok junax te mach'a ya sk'opoj ta stojol te ants-winik ta stojol te diose, ja' te winik te cristo jesus ⁶ Te la yak'sba ta lajel yu'un smambeyel skolel ta spisilik, ja'te ya yich' alel ta testigo k'op te k'alal la sta yorail'. ⁷ Ja'swentail tela kich'katel ta xcholelsok te puk k'opone te yo sk'opojon ta smelelil. ma ba ya kay lot. te jo'one ja' p'ijupteswanejon yu'un te yan lumetike te ch'uunejik te kajwatike ta smelelil. ⁸ Jich yu'un, ya k'an te spisil winik chikan banti aye ya xk'opon te Diose sok ya sjach moel te ch'ul sk'abike, te mayuk ilimba sok mayuk tsa'tomba ta yot'an. ⁹ Ja'nix jich'uk, ya k'an te antsetike yakuk chapan sbaik ta stojil, sok Nujuluk me yot'anik teya chap'an sbaike. Sok yakuk me Snaik te bit'il slap te sk'uike. Ma me k'axemuk to xan te ya xch'alik te sjolike, jich te bit'il ya xch'al sbaik ta oro sok perlaetik sok te ya smam slapik sk'u'-spakik te K'ax toyem stojole. ¹⁰ Ya K'an te yakuk Chapan sbaik te antsetik ta swenta te bek stojil sok lek' ta pasele. ¹¹ Te antse ya me sk'an ya xnop te ya slaman sba ta yej sok ak'k xch'uunik mandal. ¹² Te jo'one ma xkak' te ants te ya P'ijubteswan sok to toyol ya yak' sba ta stojol te winike, ak'ame slaman sba. ¹³ Melel ja' neel la yich' pasel te Adane, Patil te evae. ¹⁴ Sok te Adane ma bal la yich' lo'layel, ja te antse te k'axel la Yich lo'loyer ja' yu'un te la sta smul. ¹⁵ Ja yu'un, ya xkol ta swenta teme la sta aletik, stu'un te xch'uunjel ot'anil, sk'uxul ot'anil sok teme ch'ultesbil te bek ya snopik ta sjolike.