¹ Vãhẽima arete Pentekoste he'iashuarã, opaite jyrojavare pẽinteapeĩ ñymbaty reta. ² Mondii haipe iñyhẽindu pẽinte hy'apuva ouva vate araivi, yvytu vasukue rãĩmi opa tynyhẽi oo haire ẽivãpe. ³ Haipe hesha reta tata raĩmiva pepẽinteĩ vejyhe ñakare. ⁴ Hãrã opaite tynyhe reta Espiritu Santo, hãrã haipe õñepyrõ ijeta reta ñẽiẽi yngavape, Espiritu Santo mbijetaka rãĩmi. ⁵ Imemba'ẽi ikova Jerusalenpe Israelvare jyrojahea Ñandeja Tumpare, opaite tenta vasure. ⁶ Opaite ñymbaty'õre hẽindu hy'apuvarã, kuãã reta mbaivara iko, shara pepẽinteĩ hẽindushu reta ĩñẽiẽipe ijetarã. ⁷ Haire, mbyrymãĩ retarã, hei: Ha'ẽiãra kova ijeta'iare Galileavare? ⁸ Mãrãĩra ñahẽindu ijeta reta ñande ñaniñẽiẽipe? ⁹ Kope ñãĩ Partiaivi ouva, Media, Elam, Mesopotamia, Judea, Capadocia, Ponto, Asia, ¹⁰ Ẽrigia, Panẽilia, Egipto, Libia Sirene hyvache’õ ouva jyve, ¡hareka ĩmẽi’e jyve Romaivi ouva kope iko’iare; ¹¹ ore Judio hareka haimba Judiore jyrojaheva Tumpa. Ĩmẽi'ẽi jyve kuareta Creta hareka Arabiaivi ouva. Opaitea ñahẽindu ñaniñẽiẽipetei omombaishu Tumpa opaite mbai vasu japo vekua rehe. ¹² Opavare mbypasya kuambare mbaivara iko hãrã hei jyre ijupe: Mbaivara he'ise kova mbai? ¹³ Tẽivã ĩmẽi'ẽi jyve ñymbyhoryheare heiva: Opa rãnga kau reta. ¹⁴ Haipe Pedro ñymbou hãndi 11 Apostol retarã hynãtu ijetarã hei: ''Pee Israelvare hareka opaite pikova Jerusalenpe, pikuaa kova hareka pijasaka kavihe kova hai pee verã: ¹⁵ Ko kuimbai reta rãnga ka'ũã jyre pee pereva rãĩmi, nde'iaveite rãngatẽi kõĩkavi. ¹⁶ Tumpa ĩñẽiẽi mbeu'ia Joel hei vekuaĩ rãnga iko: ¹⁷ Tumpa hei: Ara koñymaheape, ãñohẽipokui opaite kuaretare ĩãrẽi she Espiritu, pyndyrayre hareka pyndyrajyre mbeupokui Tumpa ĩñẽiẽi, kunumire heshapokui mbai heshamba iko verã hareka kuakuavare jypaihupe aijetaposhukui. ¹⁸ Hoka arape shyryhevare ajokue'areare kuimbai hareka taupere ĩãrẽi ãñohẽipo jyvekui she Espiritu, hãrã mbeupo retakui mbaivara iko. ¹⁹ Hãrã aheshakapokui vate arare mbai heshahambava hareka yvy'ĩãrẽi ẽiẽipokui mbai heshaha verã: Tuvy, tata hareka tatãti. ²⁰ Kuarasy sapeveamapo, jasy turuvy rãĩmipo jykuaa, kova mbai ikopokui vãhẽimapo Ñandeja jy'ara hĩmbipevarã. ²¹ Tẽivã opaite hẽinovare Ñandeja hee ohojepepo. ²² Hãrã pee Israelpe pẽiĩvã pyhẽindu ko she haiva: Tumpa rãnga heshaka pynymbytepe Hesu Nazaretva mãrãra hai mba'ety katumba japova, hai rupii heta japo mbaikavi heshaha verã, pyrymyngyjeva hareka heshaha verã, pee pikuamava rãĩmi. ²³ Ko Hesu rãnga Tumpa ñono hashatãmbareare ipope, Tumpa rekova rãĩmi ñakape hareka hai potava rãĩmi iko, ²⁴ tẽivã pee pijuka pymbysavava kurusure kuimbaire ñañarõvare rupii, tẽivã Tumpa mynguerajy manovare mbyteivi, nohẽijyshu ñymanoivi, hãrã ñymano mba'etyre pyrãtãkue jepyhe verã. ²⁵ Mburuvisha vasu David, Hesure ijetarã hei: Aheshañõĩ are Ñandeja shynonderã, shara hai ẽiẽi shakata kyty, hãrã mba'ety shirity verã. ²⁶ Hãme rãnga shypya horyite'ẽirã vy'ape apyrahe. Aikopo kyjembape, ²⁷ Hejãã'ãĩpojy heko kaviva hetekue ñymbai verã. ²⁸ Ryheshaka rãnga she tykove hape hãrã nynonde shymynyhẽipokui vy'akue''. ²⁹ Shyryvyre, tambeu kavi pee ñanytynondeva David rãnga mano hareka ñotyha, hãma ñotyha vekuape ĩmẽiĩteri'ẽi ñanymbytepe. ³⁰ Tẽivã David hai Tumpa ĩñẽiẽi mbeu'ia, kuaakavi Tumpa mẽiẽishu ĩñẽiẽi ñono verã pẽinte tay mburuvisha vasurã. ³¹ David heshavãĩmba Mesia puãjy verã manovare mbyteivi hareka pytamba verã ñotẽihãvape hareka hetekue ñymbaimba verã. ³² Tumpateiva rãnga mynguerajy Hesu, hãrã ore pytaha hokava heshahava mbe'ua verã. ³³ Tumpa mupuãjyma manovare mbyteivirã, mbyvapy jakata kyty, Tumpa mẽiẽimashu Espiritu Santorã, hai hei mẽiẽi ore hareka ñohẽi yrẽiãrẽi verã Espiritu Santo. Hokava rãnga hai pyhesha hareka pyhẽinduva. ³⁴ Ha'ẽiã David jupiva vate arapy, haiteiva rãnga hei: ''Tumpa heishu Sheja: Vapy shakata kyty, ³⁵ she ãñonopeve ndepy'ipe ndyreshatamba'iare''. ³⁶ Tikuaa kavi opaite Israelvare, ko Hesu pee pymbysavava vekua kurusure, Tumpa japoshu Ñandeja hareka Mesia rãĩmi''. ³⁷ Ñymbaty'õre hẽindu kovarã, mbyvy'ãã retarã pyrãndu jyreshu Pedro hareka ĩrũ Apostolre: Shicheyre, mbaivara akuarã jajapopo? ³⁸ Pedro heishu reta: Peijy Tumpa kyty, hareka pepẽinteĩ pimyngarai Hesukristo heepe, Tumpa hejareii pyndyhevi verã mbai porãmba pijapo vekua, hãrã mẽiẽipope Espiritu Santo. ³⁹ Ko ñẽiẽi mẽi'ẽiãva rãnga, pee hareka pyndyrayre pevarã, jaishu opaite Teja ñanu Tumpa hee hẽino'iare pevarã jyve. ⁴⁰ Pedro kyrãva ñẽiẽi rupii ñimiñẽiẽishu reta hareka mbarakuaashu retarã hei: Avy piko hãndi kuaretare mbai porãmba japo'iare! Kyrã opaite ĩñẽiẽi hẽinduvare, ñymyngaraika reta. ⁴¹ Hoka arape iche jyrojavare mbytepe 3.000 kuareta. ⁴² Hãrã haire iko Apostolre mboishua rãĩmi mbijao ijupe reta ĩmẽireare, ñymbaty retarã hareka iko reta pẽinte ñẽiẽipe, jurure hareka hou reta jykaru Tumpa ñymanduaheva ryheva. ⁴³ Opaiteva kuaretare mbyrymaĩ mbai haikaviva hareka mbai kavi heshaha verã Tumpa japova Apostolre rupii. ⁴⁴ Opaite jyrojavare pẽinte ñẽiẽipeĩ jyre hareka mbijao ijupe reta mãĩnunga ĩmẽireare, ⁴⁵ mbyhepymeẽijyre jy'yvyre hareka mbai ĩmereare, hepykue memẽiẽi ijupe reta ikotẽivẽiva rãĩmi. ⁴⁶ Opa ara ñymbaty reta tupaope, hareka hẽinta retaipi hou reta Hesukrito karu ryheva, vy'ape hareka pyakavipe hou reta. ⁴⁷ Opapaveĩ pyraheshu reta Tumpa hareka opavare haihushu reta. Hãrã opa ara Ñandeja mbyhetave raha kuaretare tupaope ohojepe verãre.