¹ Moises kgaltinal: "¿ Chu par ni na kinkanalhanikgoy chu na ta wan: PUCHINA ni tasininitan?" ² PUCHINA wanil: ¿ Tuku chipanita? Moises wa: "Akgtum kiwi". ³ PUCHUINA wanil: "kamakapi nak tiyat". Moises makal nak tiyat, chu litaxtul tantum luwa. Chu Moises tsalal. ⁴ PUCHINA wanil Moises: " kastonkti mi makan chu ka chipani sktajan" Chu xla stonkli xmakan chu chipal luwa.Litaxtupa kantum kiwi nak xmakan. ⁵ Wa xpalakata uma, laki xlakan nakanalhanikgoy PUCHINA, XDios xalak makgan xlilakgapasni, XDios Abraham, XDios Isaac, chu XDios Jacob, wa tasininitan. ⁶ PUCHINA na wanilh: "Chu lanchu kamanu mi makan nak mi lhakat". Chu Moises manulh xmakan nak xlhakat . Chu akxni maxtulh luna ukkxli xmakan xtsitsinan, lu snapapa xwanit chuna la pucklni. ⁷ PUCHUINA wanilh: Kamanupara mi makan nak mi lhakat, chu akxni maxtulh chu xla ukxli pi tlan xwanit chuna la putum xtit'liwa. ⁸ PUCHINA wa: "Chu par xlakan nina kanalhanikgoyan , chu par ni na makgamakltinankgoy liukxtin kilitliweke, chu xlakan nakanalhakgoy xlimakti liukxtin. ⁹ Chu par xlakan ni na kanalhakgoy uma akti liukxtin kilitliweke, chu ni na kaxmatkgoy, chu katiya aktsu chuchut nak kgaltuchoko chu ka kamakganti nak kaskakni tiyat. Chu ama chuchut wantu na makgana na litaxtuy kgalni nak tiyat." ¹⁰ Chu Moises wanilh PUCHINA: " PUCHINA, akit ni lay chiwinan, ni par tutaxtulh kiltamaku ni par akxni kintachiwinanti. Akit lakgasiu chuwinan." ¹¹ PUCHINA wanilh: ¿Tiku maxkilh xkilni chixku? ¿ Tiku tlaway chixku ni tlan ka chiwinal, chu ni ka kgaxmat'li, chu lakgatsin kawa? ¿ Ni akit xa PUCHINA? ¹² Chu lanchu kapit chu akit nak makgtakgalhan chu nak kuaniyan wantu na chiwinana." ¹³ Chu Moises wa: "PUCHINA ka tlawa litlan kamakapi a chatunu, wanti tlan chiwinan. ¹⁴ " Chu PUCHINA sitsinilh Moisés . Chu wa: "¿ Chu par Aarón, mintala, wa Levita? Akit katsiy pi xla tlan chiwinan. Liuka pi wa mima chu na tatanokglh, chu akxni na ukxan napaxaway nak xlistakni. ¹⁵ Wix na waniya wantu xla na chiwinan. Akit nak kuaniyan wantu na wana chu wantu xla na wan, chu aki nak kamasiniyan wantu na tlawayatit. ¹⁶ Xla napalakachiwinanan nak pulataman. Xla na wan wantu wix nawaniya chu wix na litaxtuya la akit, Dios. ¹⁷ Wix na lipina uma kiwi nak mi makan. Wa uma na litlawaya liukxtin. ¹⁸ Chu Moisés taspit'li anta niku xwi Jetro, xputi, chu wanilh "Kakimaxki talakaskin na kan kaukxa ki natalan nak Egipto, par xlakan talamanaku". Jetro wanilh Moisés: "kaks kapit". ¹⁹ PUCHINA wanilh Moisés nak Madián; "kapit kataspit'ti nak Egipto xliputum lak chixkuwen wanti makniputumkgoyan ta ninita". ²⁰ Moisés tiyal xpuskat chu xkaman chu kamokalh nak xburro. Xla taspitli nak Egipto, chu chipalh xkiwi Dios. ²¹ PUCHINA wanilh Moisés: Akxni na taspita nak Egipto, katlawa xliputum liukxtin wantu kulinit nak mi lakatin. Akit nak mapalhiy xlkistakni, chu xla ni kati makxtakli pulataman. ²² Miliwanit Faraón: Wa uma wantu chiwinan PUCHINA: Israél kin kgawasa xa puxku. ²³ Chu akit kuaniyan: Kamakxtakti kin kgawasa laki xla naki lakgachixkuwiy. Chu wix ni mak xtakputunita, chu xlikana akit nak makniy min kgawasa xa puxku". ²⁴ Chu nak tiji akxni jaxkgolh katsisni, PUCHINA manoklhulh Moisés chu makniputu. ²⁵ Chu Séfora tiyalh akgtum chiwix ka slajaja, chu chukunilh xpukalhni xkgawasa, chu wililh nak xtantun Chu wa:" Xlikana wix kin chixku xapalakata kgalni" ²⁶ Chuna PUCHINA makg xtak'li. Chu xla wa: "Wix kin chixku xa lipan xpalakata uma tapukgalchukut. ²⁷ PUCHINA wanilh Aarón: " Kapit nak xa kaskakni tiyat chu natatanok'la Moisés" Aarón alh ukxa, chu maklha nak sipi Dios, chu snat'li. ²⁸ Moisés wanilh Aarón xliputum xtachiwin PUCHINA wantu xlimakanit nawaniy chu nachuna xliputum liukxtin wantu PUCHINA xlimapeksinit na tlaway. ²⁹ Moisés chu Aarón ankgolh chu mamakgxtumikgolh xa lak puxkun Israelitas. ³⁰ Aarón kawanilh xliputum xtachuwin PUCHINA wantu xwaninit Moisés. Xla nachuna kamasinilh liukxtin nak xlitliweweke PUCHINA xlatin tachixkuwitat. ³¹ Tachiuxkuwitat kanalha. Akxni xlakan kgaxmat'kgol pi PUCHINA xka ukxnit Israelitas nachuna xuk xnit xtapatinat, chu xlakan lak takilhputakgolh chu lakgachixkuikgolh.