¹ Lakjchixkuwin xalakj Quiriat Jearin talakgminkgolh xpumakin xla talakaxlan xla Puchina, chuna lenka nakj xchiki ama Abinadab nak xokgspun sipi. Watunin sikulhnalikgolh xkgausakan Eleazar laki xmakilh ama xpumakin xla talakaxlan xla Puchina. ² Amacha kilhtamaku, tama pumakin xla talakaxlan tatakgsli nakj Quiriat Jearim, luwa kiltamaku titaxtu, puxam kata. Xliwakg xchiki Israel xtasakgoy xtalakaskinmparay xtaspitkgoy nakj xlakatin Puchina. ³ Samuel kawanilh ama kachikin Israel: “ palawixinan nataspitpariatit xlakatin Puchina xliwakg minakujkan chu mapanuyatit ama tamakanitlaw chu ama Astarot nakj milakgstipankan, pala namaspitatit minakujkan ama Puchina chu manwa kakjniniyatit, nakalakgmaxtuyan nakj xmakan ahmakgolh Filisteos. ⁴ Chunanchu, xkachikin ama Israel mapanulh ama Baales chu ama Astarot chu manwa kajninikgolh manwa Puchina. ⁵ Alistal wampa Samuel: kamamakgxtumitit xliputum Israel nakj Mizpa, chu akit nakj takilhputany Puchina nakj kalakapaskinan. ⁶ Watunin tamakjxtumikgolh nakj Mizpa, tamakjxtukgolh chuchut chu akgxpuyamikgolh nakj xlakatin Puchina. Nitawayalh ama kilhtamaku chu wankgolh: “makglakgalhinitaw xpalaka Puchina”. Anta kalakaxtlawa Samuel xkachikin Israel. ⁷ Akjxni filisteos kgaxmatkgolh pi ama xkachikin Israel tamakgxtumikgonit nakj Mizpa, xpuxkunin amakgolh Filisteos taratlawakgolh Israel. Akxni xkachikin Israel kgaxmatkgolh tuokgspulalh, tapekuanikgolh ama Filisteos. ⁸ Chunma lakchixkuwita xalakj Israel wanikgolh Samuel: “nikamakgaxtakti talakgakilhptan Puchina kin palakatakan. Laki Wa nakinkalakgmaxtuyan nakj xmakan amakgolh filisteos. ⁹ Samuel chipa tantum borrew tustsikiyku chu makamastalh akgtum talakaxtlaw xlakatin Puchina. Alistalh Samuel talakgakilgputal ama Puchina xla Israel, chu puchina kgalhtinalh. ¹⁰ Xkilhta Samuel xmakamastama talakaxtlaw, amakgolh Filisteos talakatsuwikgolh xtalaputunkgoy Israel; xliakan xtachiwin Puchina pankglhi pilhman makasana ama kilhtamaku xlakgstipakan Filisteos chu kamakgapekualh chunanchu katlajaka xlakatin Israel. ¹¹ Tachixkuwitat xalak Israel tapakikgolh anta nak Mizpa, akstalakgolh Filisteos chu makgawikgolh tilakatsalkan Bet Car. ¹² Samuel tiyalh akgtum chiwix chu wilih xitat Mizpa chu Sen. Wa mapakuilh Ebenezer, chune wa: “Stalanchu Puchina kinkamakgteynitan”. ¹³ Chuna amakgolh Filisteos kamakajsnika chu watunin nilakgtipataxtukgolh xkilhapan Israel. Xmakan Puchina xkalitamakaspitnit amakgolh Filisteos xliwakg kilhtamaku lata xlatamat Samuel. ¹⁴ Kachikinin tuFilisteos akgchipakgonit xla Israel tapuspiniparkgolh Israel, lata’ nak Ecrón xchanit nak Gat; Israel kgalhipa xtiyat tuxtakgalhi Filisteos. Chunanchu tawilhalh takajsni nak Israel chu Amorreos. ¹⁵ Samuel lakaxlawa ama Israel xlipan xkilhtamaku. ¹⁶ Kata kata xkalakgatayay stsukuy nak Betel xchan Gilgal chu xpakgtay nak Mizpa. Wa xlakaxlaway Israel xliwakg ama pulatamat. ¹⁷ Chunanchu, wa xtaspitparay nak Rama, anta xwi xchiki; nachuna anta xlakaxlawa Isarel. Wa, nachun kaxtlawa akgtum pusanto xla Puchina.