¹ Antá xwui xpumakin xlha talhakgaxlan xlha Puchiná nak xkgatiyatni Filisteos akgtujun pap'aj. ² Wa xlha Filisteos, tasanikgolh xmakgatsinanin, nachuná nti putsananin kgalhskininankgolh: ¿tukú nalhitlawya xpumakin xlha talhakgaxlan xlha Puchiná? Kgakilhawniuj lathá tlan xakmaspitwi antaní tawlha. ³ Wa xlha takgalhtinalh: akxní wixinan namakgapinatit xpumakin xlha talhakgaxlan xlha xPuchiná Israel, ni namakgapinatith vacía, naxokgoniyatith x espiacion, ankganchu nchuná nakgantaxtuy, wixinan natatlantiyatith nachuná nakgatsiyatith tukunchú ni kinkgalhimapanunin xmakgan Puchiná. ⁴ Wa xlha takgalhtinalh: ¿Tukú amá tlan nalhixokgoniyá?, wa xlha kalhtinakgolh. "Lathá xchalithkan nti xprincipe Filisteos, akitsis tumores ntu xha oro, nachuná akitsis tsiyá ntu xha oro, wa chanchú ama akgtumtí ntu tajatath ntu kinkalhajminitan kilhiputumkgan, nachuná kimapeksinakgan. ⁵ Natlaulhakmaxtuyatith ntu amá kintajatathkgan, nachuná amá kin tsiyatkgan ntu lhaktlauwiliy kintiyathkgan, nachuná nchu nalhakgachixcuiyatith amá xPuchiná Israel, chiká xha makjtum, nkinkgamapanuniyan xmakgan, kimpalhakgatakga nachuná xpalhakatakgan nti lhakachixcuwiya, nachuná xpalhakgata nki tiyatkgan. ⁶ ¿Tukú tliweklh lhiwilhiyatith mi nakúkgan, lhá amá Egipcios, nachuná xFaraón, tliweklh wilhikgolh xnakúkgan? Lathá akxní xPuchiná Israel tlhak kgalhapalhilh; ¿Ni xlhi kgana amá Egipcios tlhan tataxtulh nak kachikin, chu xlha kgan tataxtulh?. ⁷ Lhanchú chú kgamakgaztith xasasti min putlaukgan, kathahalh tantiy wakgax, nachuná xaskgatha, nti ni makgstum kgakinkgachilenkganith. Kachimaxitith mi wakgax ntu min putlau, nachuná nalhipinatith xterneros nak xchiki, antaní lhakgamakgath. ⁸ Nachuná nchú natiyatith xpumakin xlha talhakgaxlan xlha Puchiná, nawilhiyatith nak minputlahu. Nawilhiyatith tatlolhakgtum ntu xa oro, ntu nalhilhakachicuwinanathit latha amá ntu lakglenkgoy, na mujiyatith nak akgtum pumakin, xpaxtun amá. Nachuná nchú namakgapinatith nak xtijí. ⁹ Nchú naukxatith nikú napek'an, antá nahan nak xtijí nak xcachikin Bet Semes, wachá umá nalhikatsiyatith mpi wa Puchiná nti tatlau putum umá ntu lhankga kinkgaokgspulhaman. Wa chan cha ni chuná nakgantaxtuy, na wa nalhikatsiyatith pi ni xmakgan kin kalhakgsokgalhinitan; wa nalhikatsiya mpi anti xkinkgalhakchanan." ¹⁰ Wa xlha amá chixkuwitath tlahukgolh lathá kahuanikgalh, tikgalh tantiy wakax, nachuná xalhakgskatá, kachimaxikgalh amá mputlau, nachuná kamalhakchonukgalh alhimakapitsin xalhakskgatá nak xchikí. ¹¹ Wilhikgalh xpumakin xlha talhakgaxlan xlha Puchiná nak putlau, paxtuwilhikgalh pumakin, antaní xmujikgonith xtamakganitlau, amá tsiyá, nachuná amá ntu tlaulhakgxtukgolh xtajatathkan. ¹² Wa xlha amá wakax alh akstitum xtijí ntu amá nak Bet Semes. Ankgolh xlhiputum tijí, talhakgalhukgolh, ni talhakgalh, nak xpekstakgan, ni pala xpekxukij. Xpuxkukgan Filisteos akgslhistalh akstalhakgolh, tahalh antaní xkilhpastukga Bet Semes ¹³ Lhakchixcuwin xa lhak Bet Semes xmakgalhamakgolh xtrigo nak xakgaxtum. Akxní xlhakgan chaxkgolh xlhakgankgan, lhiuxilhkgolh xlhakastapu amá xpumakin, lhi paxaukgolh. ¹⁴ Amá putlaw tanulh nak xpukuxtuj Josue nak xcachikin Bet Semes, antá tachokgolh, antaní xwi lhankga chiwix, lhaktukxkgalh amá ntu xakiwi xwanith putlaw, nachuná kgamalhaknukgalh amá wakax xa lhkun lathá aktum litakgakilhputan tlahunikgalh Puchiná. ¹⁵ Wa amá Levitas makgtikgolh xpumakin xlha thalakgaxlhan xlha Puchiná, nachuná amá pumakin ntu xwi xpaxtun, antaní xtatajumanalh ntu tamakitlaw, wilhikgolh nchu antaní xwui lhankga chiwix. Xlhakchixkuwin xa lhak Bet Semes Mastakgolh xlhitalhakgakilhputan ntu klhkuikgonith, nachuná maxkikgolh Puchiná lhaktalhakgachixkuwin anti tamá kilhtamakú. ¹⁶ Akxní ama kalhkitsis lhakpuxkujnanin xa lhak Filisteos ukxilkgolh, taspitparakgolh anti tamá kilhtamakú nak Ecrón. ¹⁷ Wa xlha umá xtatlaulhaktukan xtajatathkgan ntu amá Filisteos maxkikgolh Puchiná lhitaxtuj latha lhaktalhakgachixkuwin xpalhakgatá: aktum xpalhakgatá Asdod, aktum xpalhakgata Gaza, aktum xpalhakgata Ascalón, aktum xpalhakgata Gat, nachuná aktum xpalhakgata Ecrón. ¹⁸ Amá tsiyá xatatlolhakxtu, xtachuná mastakgalh lathá xwui amá xkachikin amá Filisteos, nti tapeksinikgoy amá kalhkitsis xpukukgan, nachuná amá lhankga cachikinin lhaktliwekge. Amá lhankga chiwix antaní wilhikgalh xpumakin xlha Puchiná, antá wui nak xpukuxtuj Josué nak Bet Semes, wuiku lhanchú. ¹⁹ Wa cha xlha Puchiná kamakgnikgolh lhiputum lhakchixkuwin xha lhak Bet Semes, wa cha xlha xthalhakgajunikgonith xpumakin xlha talhakgaxlan xlha Puchiná; amá tanilh nak kachikin tatipuxam akgau milh tutunpuxam lhakchixkuwin. Tasalh puthum kachikin, wa cha xlha Puchiná kgamakgaminilh lhankga nitath. ²⁰ Tawá nchú xlha lhak Bet Semes:¿Tikú tlan nalhakatiteyay Puchiná, Puchiná xasantujní? ¿Tikú namaukgay nti kinkgalhaktipatanuman? ²¹ Nachuná makganikgalh makgatsiná xlhatamanin xa lhak Quiriat-jearim, kgawanikgan: Amá Filisteos tamastapá xpumakin xlha talhakgaxlan ntu xlha Puchiná; kgapitith kalhipintit.