¹ Amakgolh zifeos lakgminkgolh Saúl nak Guibeá chu wanikgolh: ¿ni katsiya pi wa David antá tatsekgnit nak xakgstin sipij Haquila pekgminachi nak Jesimón?” ² Akxni kgaxmatli Saúl umá tachiwín kgostaya chu takgalhutawi nak xakaskajni tiyat zif, kalelh akgtutu mil tropa xatalaksakni xalak Israel, laki pi naputsakgoy David nak xakaskajni tiyat zif. ³ Saúl tachokgolh nak xakgstin sipij Haquila laki pi anta na lakgtankuy, pekgminachi nak Jesimón, lakatsu ktiji. Wampi David antá xla xwi nak xakaskajni tiyat, akxni talakayawa ucxilhlhi pi wa Saúl xakstalama nak xakaskajni tiyat. ⁴ David tunkán kamalagachalh ti na skgalanakgoy kaxalakgatsekg chu chuna katsilh pi amá Saúl xlikana xputsastalama David. ⁵ David kgostaya chu alh anta ni xlakgtankuwima Saúl; ukxilhli anta ni xtalhtatamanalh Saúl chu Abner, xkgawasa Ner, xapuxku tropa, Saúl klhtatama itat xma, chu tachixkuwitat ti katsikgoy taratlawanankgoy paks klhtatamakgolh. ⁶ Wa chu David wanilh Ahimelec hitita, chu Abisai xkgawasa Sarvia, xtala Joab: ¿Ti na kin taán pakgalhú anta ni lakgtankuwima Saúl?” Abisaí wa: ¡Akit! Akit nak ta anán ⁷ chuna ama David chu Abisaí, akxni katsiswalh ankgolh anta ni xtawilana xtropa Saúl. Chu ukxilhkgolh pi Saúl sliy xanit klhtatanit, wa xlilakgxtokgon antá xyawanit nak xakpun. Abner chu xlakchixkuwin ti katsikgoy taratlawanankgoy na antá klhtatamakgolh xpaxtún Saúl sampi xmakgtakgalhmakgolh. ⁸ Wa chu Abisaí wanilh David: “lanchiyú Dios wilinit nak mimakán xlatamat mintaratlawaná. Tunkán, kimaxki talakaskín nakán lakgxtokgoaknuy nak katiyatna, ka xmán makgtum nakyawaniy. Nialh ktiwilini xlimakgtiy.” ⁹ David wanilh Abisaí: “ni chuná katlawa; sampi, ¿Ti amá namakgniy xtalaksakni Dios para ni nalipatinán?” ¹⁰ David wa: sampi wi Puchiná, Puchiná namakgniy, chi para xakstu naniy, chi para anta nak putaratlaw namakgnikán.” ¹¹ Ni ka mastalh talakaskin Puchiná para akit nakmakgniy xtalaksakni; wampi kskiniyan litlán, tunkán, kakitiya xlilakgxtokgon tu yawanit xakpún chu xpukgotnu, chu kalakapala kawá.” ¹² chuna chu David tiyakgolh lilakgxtokgon chu xpukgotnu, tu xyawanit xakpún Saúl, chu tsalakgolh. Ni para ti kaukxilhi, ni ti katsilh, ni para chatúm stakgwanalh, sampi paks klhtatakgonit, sampi wa Puchiná xkamalhtatinit ¹³ Chuná chu David alh a lakgaputu, tawakalh xakgstín sipij, tlakg lakgamakgat tani xtawilana Saúl. ¹⁴ David katasalh kalakgkilhalh tachixkuwitat chu Abner xkgawasa Ner, kawanilh, ¿tuku ni ki li kgalhtiya Abner? Chanchu Abner kgaltilh chu wanilh: ¿tiku wix akgaxkulipat puxku? ¹⁵ David wanilh Abner: ¿ni wix wa ti ni pekuan? ¿Wi ama ti mintalakxtum nak Israel? ¿ tuku xpalakata ni makgtakgalhti puxku wa ti mi malaná uma katsisni? Wa chuná kliwaniman sampi wi ti xminiy makgniy puxku. ¹⁶ Umá tu tlawa ni tlan. Nak xtakuwini Puchina, wix lakgchanan naniya sampi ni tu maktakgalhpat mi malana, xtalaksakni Puchiná. Chu kaukxilhti niku wi xlilakgxtokgon puxku, chu xpukgotnu wa tu xya nak xakpun.” ¹⁷ Saúl kgalhlakgapasli David chu wa: ¿wix chiwinampat, David kinkgawasa?” David wanilh: akit kchiwinama, kimalana, kimpuxcu.” ¹⁸ Amakgtum wanipa: ¿tuku liputsastalama ki malana xtasakua? ¿tuku akit ktlawanit? ¿tuku nitlán kimakgukxilhti? ¹⁹ Lanchiyu kskiniyán litlan, kakgaxmatli kimpuxku tu nachiwinan xtasakua. Para wa xtalakaskin Puchiná kimputsastalapat, kakimaxkilh talakaskin nakmastay akgtum tatain; chi para ka xtalakapastakni chixku, katapatinalh xlakatin Puchiná, sampi kilaputlakgaxtu, laki pi nialh naklakgtakilhputay Puchiná, amakgolh kiwanikgonit: “kakilakgtakilhputa tamakanitlaw.” ²⁰ wa kliwaniyan ni kamasta talakaskin kamakgat nak niy para ni xlakatin Puchiná; sampi puxku xalak Israel putsastalama tantum akgtsis xtachuna la ankan makgnikan spilili spitu nak kakiwin.” ²¹ Chanchu Saúl wa: akit makglakgalhinanit, kataspit’ti, David, kinkgawasa, sampi nialh tu ktitlawanin tu nitlan, sampi wix lakgkantsanti kilatamat. Kakgaxpat’ti, kaktontowana chu snun ni tlan tu ktlawanit.” ²² David kgalhtilh chu wanilh: “¡kaukxilhti, u wi mi lilakgxtokgon, puxku! Kamaxki talakaskin ti ka ku kgawasa kamilh unu chu kaputsalh chu kaleyalh. ²³ wa Puchiná kaxokgonilh chatunu xtaltaw xa akgstitum chu xtachiwin tu lu xlikana; sampi Puchiná makamastan nak kimakan lanchiyu, wampi akit nikmakgniptun xtalaksakni Dios. ²⁴ kalakapastakti, akit klakgkatsalh mi latamat uma kilhtamakú, na chuná Puchiná kalakgkatsalh kilatamat, wa kakilakgmaxtul nak xakatuwa.” ²⁵ Chanchu Saúl wanilh David: “Dios kasikulnalin, David kinkgawasa, katlawa laktlanka tatlaw, chu xlipaks tu xtlawa tlan kakitaxtulh.” Chuna David taspitli nak xtiji, chu Saúl taspitli tani xminitancha.