¹ Lata xla tachiwinankgolh Saul, Jonathan lu paxkilh David, Jonathan paxkulh David laxla xpaxkikan ² ama kilhtamaku Saúl maxkilh taskujut David; xla yalh malakgachalh nak xchik xtiku. ³ Chuna cho Jonathan chu David tlawakgolh akgtum talajkaxtlawan xpalakata tlan natalalin xpalakata Jonathan xpakiy David laxla xpaxkikan. ⁴ Jonathan tapuxtulh xtlakgat nikuma xwalinit, chu maxkilh David naxtachuna xtamakgnu xa likan, xespada, xlitalatni chi xlitampachin. ⁵ David xa´an niku Saúl xmalakgachan, chu xla lu tlan xaní. Saúl mapuxkuwilh xakgstin lakchixkuwin nikuma xlachapanankgoy. Uma xlakgatokgoy latamanin, chu nachuna xlakgatokgoy xtasukuanin Saúl. ⁶ Lata xlakan xkamakgtlajakgoy Filisteos chu xtaspitkgoy nak xchijkan, putum lakpuskatin xalak kachikin Israel minkgolh, kitliminkgoy chu tantliminkgoy, xpalakata na akxkgoy puxku Saúl, xlitlakgminkgoy xlitlakgnikan. ⁷ Lakpuskatin xtlakgnankgoy chu xkitlikgoy la uma: "Saúl kamakgnilh luwkay akgtum mil, chu David kamakgnilh liwkay akgkaw mil" ⁸ Saúl lu´kstsinit, chu ni xlakgati ama takitlin. Xla Wa: "Xlakan maxkikgonit David liwkaw akgkaw mil, chu akit watiya liwkay akgtum mil. Watiya tuku tsankani wa pumapakgsin. ⁹ Chu Saúl sitsilakukxli David lata ama kilhtamaku. ¹⁰ Xlichali akgtum espiritu xalixkajni xpalakata Dios litatsamalh Saúl. Chu xla la lakgawiti xlikatsi nak xchik. Chuna cho David tlakgnalh, la la xtlaway chali chali. Saúl xchapanit xlilhtukun. ¹¹ Saúl makgosolh xlilhtukun, xpalakata xla xlakpuwan: Naklakgxtokgo David nak patsap. Chu xla David makgtiy tsalanilh nak xlakatin Saúl. ¹² Saúl pekuanilh David, xpalakata Puchina xtawi, chu yalh xtawi Saúl. ¹³ Chuna cho Saúl mapanulh nak xlakatin chu limapakuwil mapakgsina xla akgtum mil makgtakgalhnanin. Wa la uma, David xtaxtuy chu xtanuy xlakatin pulataman. ¹⁴ David tlan xa´aní nak putum xlatamat, xpalakata Puchina xtawi. ¹⁵ Lata Saúl akxilhi piwa xla tlan xa´aní, xpekuani David. ¹⁶ Wata putum Israel chu Judá xpaxkikgoy David, xpalakata xla xkatataxtuy chu xkatatanuparayacha nak xpulatamatkan. ¹⁷ Chuna cho Saúl wanilh David: Uwi xapulana kin tsumat, Merab. Nakmaxkiyan min puskat nawan. Watiya wix tliwekg kataya kin palakata chu katalachapananti nak xtakalachapan Puchina. Xpalakata Saúl xlakpuwan: Ni akit ktimakgnilh, wata wa Flisteos kamakgnikgolh. ¹⁸ David kgalhtilh Saúl: ¿Tiku akit, chu tuku kilatamat, chu tiku xkamanan kintiku nak Israel, xpalakata akit nakwan xputi puxku? ¹⁹ Chu lata lakgchalh kilhtamaku pi David natatamakgaxtokga Merab, xla ni maxkika, wata xla tatawi Adriel xalak Meholatita. ²⁰ Wata wa Mical, stsuman Saúl, paxkilh David. Makatsinika Saúl, chu wa uma lakgatilh. ²¹ Chuna cho xla lakpuwa: wa ama nakmaxkiy, xpalakata xla wa naliakgtsankay, xpalakata Filisteos namakgnikgoy. Chuna Saúl xlimakgtiy wanilh Saúl: "Wix kinputi nawana" ²² Saúl kalimapakgsil kskujnin: tsekg katachiwinantin David, chu kawanitit: Puxku paxkiyan chu putum xlakskujnin nachuna. Wix kawanti xputi puxku. ²³ Chuna cho xlakskujnin Saúl tachiwinankgolh David. Chu David wa: Ni kimininiy akit nakwan xputi puxku chu akit kalimaxkgan xpalakata tima. ²⁴ xlakskujnin Saúl makatsinikgolh nikuntla xla David kgalhtinalh. ²⁵ Chuna cho Saul wa: Chuna la uma nawaniyatit David: Puxku nilakaskin talakgaxokgon xpalakata stsumat, watiya lakaskin akgtum ciento xtachukun Filisteos, xpalakata nakamakgaxokgo xtalatlawanin. Chu xla Saúl xlakapastakma piwa David naniy nak xmakankan Filisteos. ²⁶ Lata lakskujnin makatsinikgolh David uma tachiwin, uma lakgatilh David xpalakata xputi puxku nawan. ²⁷ Lata ninaksputa amkgolh kilhtamaku, David katamilh xtachixkuitat chu kamaknilh akgtiy ciento Filisteos. David limilh xtachukukan Filisteos nak xlakatin puxku, xpalakata wa uma xputi xama liwan. ²⁸ Chuna cho Saúl makamaxkilh stsumat Mical la xpuskat. Lata Saúl akxilhi chu katsilh piwa Puchina xtawi David; chu wa Mical, stsumat Saúl, xpaxkiy. ²⁹ Saúl tlakg pekuanilh David. Saúl xtalatlawana David Xwanit. ³⁰ Chuna cho xnapuxkun Filisteos taxtukgolh nak pulachapan, chu lata xlakan xtaxtukgoy, David tlakg tlan xaní nixtachuna xlakskujnin Saúl, chuna cho xtakuwini David lu xtalakgapasa.