¹ Samuel wanilh Saul: "Puchiná kimakamilh lhatá tlan nak lhaksakan pi xpuxkunawaná amá xkachikin Israel. kakgaxpatí xtachiwín Puchiná. ² Umá tu wan xPuchiná maktakgalhnanín: ''Akith kujxilnith tu tlawanit Amalec nak Israel, lhakatiteynima xtijí kin kachikin, akxni xlha xtamimananchá nak Egipto. ³ Kapit chu katalha Amalec kamalhakgsputu putum tu kgalhiy. Ni kakalhakgkatsanti, chú kakamakgní, lhakchixkuwen chu lhakpuskatnín, lhaktsú kaman chu lhakskgatan, wakax chu kalhnilo xa tsí, xcamello chu takgatakga. ⁴ Saúl mamakgxtumilh lhiputum kachikin chu kaputlekgelh nakj xkachikin Telaim: akgtiy ciento milh lhakchixkuwin nti xtatlaumanalh chu akgkaw milh lhakchixkuwin xa lhak Judá. ⁵ Wachan chu, Saúl milh xkachikin Amalec chu kalhkgalhilh antaní xakaxtúm. ⁶ Wachan chu Saúl kawanilh amá Quenitas: ''kataxtutit, katapanunitith Amalecitas, lhaki pi ni lhakxtum nakamalhakgsputukanatit. Xlhakata wix tlan tamasiyun kamasininitá xlhiputum xkachikin Israel, akxní xlha taminkgocha nakj Egipto.'' Chuná chu amá Quenitas taxtunikgolh lhakgamakgat amá Amalecitas. ⁷ Wachan chu Saúl talhákgolh Amalecitas minkgochá nak Havila chalh chu nak Shur, antaní pulhá chichiní nak Egipto. ⁸ Saúl xastakná chipalh Agag, amá ti xpuxkukan Amalecitas; wa lhimalakgsputukgolh xspada xlhi putum kachikin . ⁹ Saúl chu amá kachikin ni maknikgolh amá Agag, chu tu tlhakj lhakuan xwanith kalhnilo, chu wakax tu tlakg kgoniwa xwanith chu kalhnilo xa lhakgskgatá. Xlhiputum tu tlan, ni lhakgtlowixilhikalh. wa chanchú malhakgsputukgoka putum tu nilhiukgxputu chu tu ni lhi makgwan. ¹⁰ Chunanchu xtachiwin Puchiná lhakgmilh ama Samuel, chu wanilh: ¹¹ ''Klipuwan lhata klilhakgayawalh puxku ama Saúl wa xlha kilhagmakganit chu ni tu lakgachixkuwima kilhimapakgsin.'' Samuel snun lhipuwa, tantaskaka lhakgtasakilhalh Puchiná. ¹² Samuel takilh puntsisá x'amá tatanokglhá Saúl lhu lhakapuntsisá. Samuel wanikalh: ''Saúl milh nak Carmel lhitatsamalh talhankith chu mayoninalh tu xtatlolhákgxtu wan tu xlhá, chu ampá, talhakgakgalhulh nak Gilgal.'' ¹³ Wan chu Samuel lhakgalh Saúl, chu Saúl wanilh: ''¡Wix, xtasikulhnalhin Puchiná! Akit makgantaxtinith xlhimapekgsin Puchiná. ¹⁴ Samuel wa':''¿Tuku chinchú amá kgaxmatmá xtakatasá xa tsi kalhnilo, nachuná amá xlha wakax? ¹⁵ Saúl kgalhtinalh: ''Wa xlha liminkgonith amá Amalecitas. Nachuná kachikin makgataxtulh tu xalhak tlhan amá kalhnilo chu wakax lhata lhilhakgachixkuwiputumkgoy amá min Puchiná. Tu amá akgataxtulh malakgsputwilikgow. ¹⁶ Chunan chu Samuel wanilh Saúl: ''kakgalhi, nakj waniyan tu Puchiná kiwaninith umá tsisní. Saúl, kalhtinalh: ''Kachiwinantí''. ¹⁷ Samuel wa': ''¿Palá wix aktsú xlhiukxilhkaná, ni xa akxaga wuilhikantí x'okgspun xlitalakgapasní Israel? Wa xlha Puchiná lhaksakyonitan pi Puxku nawaná x'okgspun Israel; ¹⁸ wan chu Puchiná makanitan chu waninitan: ''Kapith, chu kamalhakgsputukgoya putum ti makglhakgalhinan, amakgolh Amalecitas, chu nakatalhaya nakamalhakgsputukgoya.'' ¹⁹ Tukun chu ni ha lhíkgaxpatniya xtachiwin Puchiná, wa chan chu, wix katikgonitá xlipaks tu xkgali xtapalh, chu tlawa tu ni lhakgati xlhakgatin Puchiná?.'' ²⁰ Chunanchu Saúl kalhtilh Samuel: ''Akit kgalhakgaxmatnít xtachiwin Puchiná, nachuná chu kstalhanima tijí tu Puchiná kimasininit. Akit kachinit Agag, xpuxku Amalec, chu kamalhakgsputukgolh putum Amalecitas. ²¹ Wa chanchu kachikin tiyalh tu xlhipaks tu kgalhi xtapalh, amá xa tsi kalhnilo nachuná wakax, tu lhu xalhak tlhan xwanith tu xlhitamalhakgsputut xwanit, tu amá x'amakalh makamaxikan Puchiná nakj Gilgal.'' ²² Samuel kgalhtinalh: ''¿xlikana amá Puchiná tlhakg lhakgatilhakan min tataín tu lhitalakgakilhputayá chu tu xa lhkun takgalhin maxkiyá tu lhilhakgaxmatniyan Puchiná? Tapekgsín tlakg tlhan ni xtachuná tu lhkuyatith takgalhin, takgalhakgaxmatní tlakg tlhan ni xtachuná xmanteca tu lhkutaxtuniy amá xakgolho kalhnilo. ²³ Tu talhakataukat xtachuná talhakgalhin nti putsanán, chu ti ni tapekgsí xtachuná lhitasiy pi lixkajnit xtapuwan chu ti lakgachixkuwi tatlolhakxtu. Xlhikana lhakgmakganita xtachiwin Puchiná, wa xlha na lhakgmakganitan pi nej xapuxku nawilhiyan. ²⁴ Chunan chu Saúl wanilh Samuel: "Akit makglhakgalhinanit, xlikana nij kgaxmatnit xtapekgsin Puchiná chu xtachiwin, xakj makpuniy kachikin, chu kakgaxmatní xtachiwin." ²⁵ Lanchú, katlawa lhitlan, kakimatsankgení kintalhakgalhin, chu kakintataspití, latá chu tlan nakan lhakgachixkuwi amá Puchiná'' ²⁶ Samuel wanilh Saúl: Akith ni titataspitní; xlaka wix lhakgmakganita xtachiwin Puchiná, chu Puchiná lhakgmakganitan latá xpuxku Israel xwanita.'' ²⁷ Lhatá Samuel xtalhakgspitmá, Saúl chipanilh xmakjtaukan chu xa amá makjtaukan taxtitlhí. ²⁸ Samuel wanilh: ''Puchiná, lhanchú matampuxtunitan lata' xpuxcu Israel wix, wa xlha namaxkiy achatum chixku, ti tlhakg tlhan, nixtachuná wix. ²⁹ Nachuná timaxki xlhitlawekge Israel, ni akgsaninan, ni lhakgpalhi xtachiwin, wa Xlha ni chatum chixku ti xa aksaniná.'' ³⁰ Chunan chu Saúl wa: ''makglhakalhinanit katlawa lhitlan, kakimalhakachixkuwi xlhakatin lakgolhon ti xa lakj kachikin nachuná xlhakatin Irael. kakintataspití, lhatá tlan nakglhakgachixkuwi Puchiná, min Puchiná ³¹ Samuel akstalhá Saúl chu Saúl lhakgachixkuwil Puchiná. ³² Samuel wa: ''kalhitá unú Agag xpuxkukan Amalecitas.'' Agag lakgchilh xlichikanith cadenas, chu wa: ''xlhikaná, ktitaxtunilh kalhinin'' ³³ Samuel kgalhtinalh: ''lhakutlanchu mi spada kamakgxtakglhi lhakpuskatní nej takgalhi xkamankaan. Nachuná Wix namilhinith, na nej katikgalhil xkgawasa mi naná. '' Chunanchú Samuel lhakgchixkuwililh Agag xlhakatin Puchiná nakj Gilgal. ³⁴ Samuel alh nak Ramá, chu Saúl takgxtulh, nak xchik nak Guibéa xlha Saúl. ³⁵ Samuel nej makgtum ukjxilhí Saúl, sta akxní nilh, wan chu xlha xpalhakaskimá Saúl. Chu Puchiná xlhakgaputsamá lhata' Saúl pxuxcu xtlawnith x'ogspun Israel.