¹ Saúl xkgatli puxamakaw xkata lata tsukulh puxkinan; lata xla hay xmapakgsinanit tipuxam kata nak Israel, ² Xla kalaksaktli tutumil tachixkuitat xla Israel. Akgtuy mil xtawilakgolh nak Micmas chu nakxkasipijni Betel, Chu wata akgtum mil xtawilakgolh Jonatan nak Geba xla Benjamin. Chu amakgapitsin makgtakgalhnanin kamaspitlhi nak xchijkan. ³ Jonatán kamakgatlajalh xmakgtlakgalhnanin Filisteos wanti xwilakgolh nak Geba chu amakgapitsin Filisteos kgaxmatkgolh uma. Chuna cho Saúl matasilh xliskgolh chu kawanilh: "Kakgaxpatit Hebreos". ⁴ Israel kgaxmatlhi piwa Saúl xkamakgatlajanit xmakgtakgalhnanin Filisteos, chu wa Filisteos lu snun xkasitsinikgoy israelitas. Chuna cho katasanika makgtakgalhnanin xpalakata natatamakxtumikgoy Saúl nak Gilgal. ⁵ Flisteos tastojkgolh xpalakata natalachapakgoy Israel: Akgtutu mil putlaw xla litalachapan, Akgchaxan mil tachixkuitat namatlawanikgoy putlaw xla litachapan, chu lu chatlhuwa makgtakgalhnanin la montsaya nak xkilhtun pupunu. Xlakan ankgolh chu lakgatankuwikgolh nak Micmas, nak xpulhni chichiní xla Bet Avén. ⁶ Lata tachixkuitat xalak Israel katsikgolh pi xkalakatokamaka, latamanin lilakgaputsakgolh, tatsejkgolh nak xkatlhuku chiwix, xtampinin kiwi, nak jachiwixni, chu nak xatapuwaxni tiyat. ⁷ Makgapitsin hebreos ankgolh nak Jordán nak xkatiyatnikan Gad chu Galaad. Chu wa Saúl xtamakgxtakgnit nak Gilgal chu putum latamanin nak xtapekua kstalanikgo. ⁸ Xla kgalhkgalhil akgtujun kilhtamaku, ama kilhtamaku nikuma Samuel xtlajkaxtlawanit. wata xla Samuel ni chalh nak Gilgal, chu latamanin xakgxtakgkualimakgolh Saúl. ⁹ Saúl wa: Kalitantit lilakgatayan nikuma lhkuyukan chu lilakgatayan xla takaksni. Chuna cho xla makamastalh lilakgatayan. ¹⁰ Lata xla makamastakgolh lilakgatayan nikuma lhkuyukan Samuel chilh. Samuel lakgalh chu makgachapalh. ¹¹ Chuna Samuel wanilh: ¿Tuku wix tlawanita? Saúl kgalhtinalh: "lata akit jkakxilhi piwa latamanin xakiakgxtakgualimakgolh, chu wix nixchitana la kiwani, chu wa Filisteos xtakaxtolakgonit nak Micmas. ¹² Akit kwa: Lachu Filisteos nakilakgminkgoy nak Gilgal, chu ni kskinit xtamakgtay Puchina. Wa uma xpalakata akit kmakamastalh lilakgatay. ¹³ Chuna cho Samuel wanilh Saúl: la xatsakat likatsinita. Wix nimakgantaxtinita xlimapakgsin nikuma min Puchina Dios maxkin. ¹⁴ Wa Puchina tiku lajkaxwalilh milimapakgsin xa xlipan nak Israel. Chu lanchu milimapakgsin nalakgsputa. Puchina putsanit chatum chixku tiku makgalipaxuway xnaku, Chu wa Puchina laksaknit xpalakata xla nawan puxku nak xkachikin, xpalakata wix ni makgantaxti tuku xla limapakgsin. ¹⁵ Alistalh Samuel takilh chu takxtulh nak Gilgal xla Guibea xla Benjamin. Saúl kaputlakgalh tachixkuitat tiku xtawilakgolh, la akgchaxan tachixkuitat. ¹⁶ Saúl, xkgawasa Jonatan chu latamanin tiku xkatawilakgolh, tamakgxtajkgolh nak Geba xla Benjamin. Chu wa Filisteos xlakgantukuimakgolh nak Micmas. ^{17 18} Kgatlananin xminkgoyacha nak xpulakgatankuit filisteos nak