¹ Xhui xhatum chixku nak Ramataim xa lak Zofim, xa lak kachikin kasipijni xa lak Efraín. Wa xtakuní Elcana, xkgausa Jeroham, xkgausa Eliú, xkgausa Tohu, xkgausa Zuf, nti eufrateo. ² Wa amá xkalhi chati xpuskat. Wa xtakuni ti xapulh Ana, nachuna xtakuni xlhichatí Penina. Penina xkalhí xkaman, wanchu Ana ni xkakalhí. ³ Wa amá chixku xminacha nak xkachikin, katha katha, xlaktalakakilhputay nachuna lakachixkui amá XPUCHINÁ maktakgalhnanin nak Silo. Chatiy xkaman Elí, Ofni nachuna Finees, xpalakgachiwina PUCHINÁ nachuna xtatakskgoy. ⁴ Akxni lakchalh kilhtamaku akxni Elcana x´ama lhakgachixkuwi, lata´ akgatunu katha xtlahua. Ankalhin xkatakalwanan lhiwa Penina xpuskath, nachuna lhiputum xlhakgausan nachuna xlakgtsumajan. ⁵ Nachuna xlha ankgalhin pulhakti xlakatha xmaxkiy Ana, wachaxlha xpaxkiy Ana, wa PUCHINÁ ni tu xmaxkinith xkaman. ⁶ Wa chanchu xtapuskath Penina ankgalhin xtalhamaklhuwui xpalhakatha wa PUCHINÁ nixmaxkimalh xkaman. ⁷ Wa chanchu katha katha, axni xlha xkathaan nak xchiki PUCHINÁ xtalhilhakapasni, xtapuskath xtalhamaklhuwui, wachanchu tamá xpalakata xlhitasay nachuna nituku xwen. ⁸ Elcana xchixku ankalhin xwaniy: “Ana, ¿tuku xpalakata lhitasay? ¿tuku xpalakata nili wena? ¿tukunchu xpalakata mi nakú lhipuhuan? ¿nixtachunti akit lata´ kgalkawuitu kaman? ⁹ Analh aktum kilhtamaku akxni, Ana thakilh lata´ tiwenkgolh nachuna tikgothnakgolh anta nak Silo. Elí xpalakgachiwina Puchiná xwui xputawilh lhakatsu xmalhakcha nak xchik PUCHINÁ. ¹⁰ Wa xla xlhipun, lhaktalhakakilhputal XPUCHINÁ, nachuna nchu thasaxnilh. ¹¹ Wa xla tlahua tamalhaknun nachuna xla tiwha: “XPUCHINA magtakgalhnin, Wixh x´ukxilhti xtalipuhuan mi lakskujni nachuná xkalhakgaxpathy, ni xpatsankga mi lakskujni, xmakamashi chatum xkam, nachuna akith nakmakamaxkiy PUCHINA xlipan xkilhtamaku nachuna ni ukxniku katichukulh x´akchixith.” ¹² Akxní xlha xakgatlhilhakgama PUCHINA, Elí xukgxilhnima xkilhní. ¹³ Ana xliputum xnaku xchiwinama. Hua chanchu xkilhni xtachikimá, ni xtakaxmatha xtachiwin. Hua Eli tilhakapasthakglhi pi ka kgachiy. ¹⁴ Elí tiwanilh: ¿nikuakxni na ti kachiya? ¡kamakxtaktita mi n´khuchú! ¹⁵ Ana ntikhalhtina: Nichuna chixku, akit puskat ka ki spiritu lipuhuanith. Ni tu kuamha kúchu ni a tipatu tu kúchu xhatlihueque. Hua chanchu klimakantsankema xliputum kilhistakni kxlhakatin PUCHINA." ¹⁶ “Ni kalhakapastakthi mpi mi lakskujni ni kgalhiy tamaxanitath; akith chiwinama xliputum nkintalhipuwan nachuna kintatutsuwith.” ¹⁷ Nachuna Elí tihuanilh: “kapith, kakgalhí takgasni”; wua xDios Israel xmakantaxtilh wanthu skininitha. ¹⁸ Wachaxlha tihua: “kakgalhini talhakgalhaman mi lakskujni” aman´chu puskath tatlau´alh nachuna tiweyalh ni xkgalhy talhipuwuan. ¹⁹ Amakolh stisa takikgolh lakachixkuikholh xlhakatin Puchina, nachuna alistalh amparkgolh nak chikikan nak Rama. Elacana talhtatha Ana xpuskath nachuna Puchina kaxmathlhi xtakgalhapalhan. ²⁰ Tithaxtulh kilhtamakú. Ana xlhitamaktakgalhath tiwa, malhakachinilh chatum xkgahuasha. Wuilhinilh xtakuwini Samuel tihua nchu: “Akith kskinilh Puchina”. ²¹ Amakgtum Elcana nachuna lhiputhum xthalhilhakgapasni, ankgolh maxkikgoy paxkatkatsini PUCHINA xtalhakalhamankan xalha nkatha nachuna xphalhakgatha xtamakganthaxtin. ²² Wacha Ana ni makgsthalha; hua xla ntiwanilh xchixku : “Akith nikajtyalh, kinkgausa ni ha makgxtakga kimakgni, akgan namakgxtakga akith nak lhen lhath´a nchu xlha na tlhan natawilhay xlhakgatin PUCHINA nachuna antha tlan nathathawilhay xlhiputhum xkilhtamaku”. ²³ Elcana xchixcú wanilh: “Wa katlhawha wuanthu wixh lhakgapastaknitha kakgalhí akxni nathakgalhtuy, lath´a PUCHINA makganthaxthilh xtachiwuin”. Wacha amá puskath tamakgxthaklhi nachuna maktakgalhi xkam, … ²⁴ Akgxni timakalhxtu leelh xkgahusa nachuna thantum aktsu wakaxh xha aktutu kgatha, puxamathi litro lhiwá nachuna patum xchuchut vino, leenkgolh xchiki PUCHINA nak Silo. Ama kgahusa aktsuku xwanith. ²⁵ Hua amakgolh naknikgolh aktsu wakaxh nachuna na leenkgolh kgahusa xlhakgatin Elí. ²⁶ Wa xlha tiwua: “Wix skujni Dios, lat´a wix lhatamapath, kakatsi pi, akith amá puskath nti milhakathin lhakgaxakatlilhakama XPUCHINA. ²⁷ Wachan chu uma xpalakgatha quin kam xhak lhi kalhaphalhama nachuna kim PUCHINA kgaxmatlhí. ²⁸ “Akith makgamaxinhith PUCHINÁ, xlhiputum xkilhtamaku kthaskiuma PUCHINA.” Nachuna anta lhakachixkuwuilh PUCHINÁ.