¹ Ana tlawalh xoración chu ntiwa: “Ki nakú paxawa xlakgatin PUCHINÁ. Kin tatliweklhni talhankiy kxlhakatin PUCHINÁ, kin kilhní malhakgasilh xpalhakatakan nti kintalhatlawna, akith lhipaxaw xlhakgtaxtutkhan. ² Ni tikú tlakh santulanith lat´a PUCHINÁ, ni tikú achathunu lat´a wuix, ni ti kimakthayaná lat´a DIOS.” ³ Ni kgakalhi tatlankit, ni xathalhakgmakan kachiwuinanthi. Wua cha xlha amá PUCHINÁ wua xlha xha DIOS putum katsiy; wua xlha kinkgalhapalhiyan lhipum wua ntu tlahuayahu. ⁴ Wua amakgolh lhakglhankga tachixcuwitath na talhaktukxtolhakgoy, wua cha xlha amakgolh nti lhakslhiwenkge, laktliwekge nakatlawa. ⁵ Wua amakgolh nti nix tsinksmakgolh skujkgolh xlha xkgaxtlanchau, nthi stsinksnimakgolh thakgaslhi. Nachuna ama puskgath nti nilá x´ukxilha xkaman, kalhtujun kgamaxkilh, wua chanchu ama puskath nti lhuwá kalhilh xkaman taxlhawanilh ⁶ Wua PUCHINÁ makninan nachuna masthay lhathamath. Wua xla na makanan nak pupathin nachuna namatalhmaniyan. ⁷ PUCHINÁ tlawua lhimaxkgen nachuna nti rico. Wa xla mathutsuhuinan nachuna malhankinan. ⁸ Wa xla makiy lhimaxken xlhakni pokxni, Wa xla makiy nti maklhakgaskin xlhakni lhkakhá kawilhiy xlhakstipahan lhakpuxkunin, nachuna kgamakgamaxiy xa akphuxku xputhawuilh. Nachuna talhyaw xa lak katith wua xla PUCHINA, nachuna makamastanith katuxahuath ⁹ Wa xlha maktakgalha xtantun xcachikin nti xa´tankgs, nachuna xlha amakgolh nti lhixkgan lakgoy, nakgamaxquikan takgaksni, nakgamakgamastakgan antani kapukswua, wua xlhakan nilhá katituxkanikgolh. ¹⁰ Wa nti lhakgatahukgakgoy PUCHINÁ, lhakgtsu nakgatlawuakgan; Wa xla nalhasnanachá nak akgapun, Wa xla PUCHINÁ nastkgyawa xlhiputum katuxahuath. Wa xlha namakamaxkiy xlhitliwekge Xpuxcu nachuna namatlankiy xtalhakgsakgyon ¹¹ Nachuna Elcana alh xchik nak Ram. Wa xlha amá akgtsu kgausa xlhakgachixkuwi xlhakgatin Elí lhakskujni. ¹² Wa chanchú xkgaman Elí lakglhixkganith xthalhikgatsi. Wa xlha nix lhakgapaskgoy PUCHINÁ. ¹³ X´anan xtasmanin lhakskujnin xpalhakgatakgan cachikin, akxni chatum chixku xmakgamastay lilakgachixkuitath7 xmakgteyná lhakskujni, akxni chama lhiwa xlhiminkgoy lilhskiki puwen tu akgtutu xkgilhni kgalhiy. ¹⁴ Wa xlha tlan xlhitamakgajuy xpuwen nak xcazuela nachuna nak xmakgxtam. Lat´a ntu xkgililakgxquetha xpuwen, wa lhakskujni xthamakgxtakgnikgoy. Wa chuná xtlawakgoy nak Silo lhiputum Israelitas nti antá x´an. ¹⁵ Akgxni niná klhkuykan grasa, x´an xmakgteyná lhakskujni nahuná xwaniy amá chixkú nti xlhakgachixkuwinamá: “kamaxki lhakskujni lhiwa ntu naskuy; wa xlha ni katimakglhtinalh lhiwa ntu lhakpupunitha, wa xlha na makglhtinan ntu cruda” ¹⁶ Akxni amá chixkú xwani: “pulh kalhkuytith grasa, nachuna alhistalh natiyatith latá lhakpuwanatith.” Nachuna xlha nawan “wix lhanchu kaquimaxki, parani chuná aquith naktiyay.” ¹⁷ Xthalhakalhinkan umakgolh skgatath tachixkuwuitath, lhankga xwanith xlhakatin PUCHINÁ, wa cha despreciar ntu takaxtlawan PUCHINÁ. ¹⁸ Wa cha xlha Samuel kskujnanimá PUCHINÁ, xtalhakan xwanith xa Lino ntu xtalha talhakay palakachiwuina. ¹⁹ Wa xnana tlawanilh aktsu xtalhakan, katha katha xlhiminiy akgxni xlha xtahan xchixku mastay litalhakgachixkuwin. ²⁰ Elí ksikulhnalhiy Elcana nachuna xpuskath, xkawaniy: “Wa PUCHINÁ xlakalhaman min kaman, xkaman umá puskath, xpalhakatha wa amá ntu skinilh PUCHINÁ.” Alhistalh wa xtahan nak xchikan. ²¹ PUCHINÁ amakgtum makgteipa Ana, nachuna titasipá xkam. Wa xlha kalhtutu xlhakgausan tiukgxilhpa nachuna nchu chatiy xlakgtsumajan. Wa cha Samuel kstakgma xlhakatin PUCHINÁ. ²² Amá Elí xkgolhonkgonith, kakgalhakaxmatlhi ntu xtlawanimakgolh lhiputum Israel, wa xlha xtalhtatakgoy lhakpuskatni nti ni xalhakuan. ²³ Wa xlha kathachiwuinalh xkaman: “¿tukunchu litlhawapatith umá min talhakpuwankan?” tukunchu amakgolh kintawanimanalh lakglhishkajnit mintatlawkgan. ²⁴ Ni tlhan kinkamanan, ni tlhan ntu kaxmatnith. Wuixinan tlawapatith wa amá xcachikin PUCHINÁ nej kalhakaxmatninan. ²⁵ “Akgxni chatum chixku makglhakgalhinanij achatum xtachixku, PUCHINÁ natalhakgaxlhay, wua chanchu akgxni chixku makglhakalhinan xlhakatin XPUCHINÁ, ¿Tikgu nakgalhmajtayay?” Wacha xlha amakgolh nixkgaxmatnimakgolh xtachiwuin xtlhatikgan, wa xlha PUCHINÁ xlhakaxwuilinita pi amakgolh nanikgoy. ²⁶ Amá xlha kgausa Samuel, kstajma nachuna xtalhakachixkuin nak xlhakatin PUCHINA, nachuna klhakatin tachixkuwitath. ²⁷ Nachuna nchu, milh chatum xmakatsiná PUCHINÁ xlhakatin Elí chu wanilh: “PUCHINÁ wan ¿Nij lhakgataukalh Akith mintalhilhakapasnith xalhakgmakgan akxni xlha xthalhamanalh nak Egipto akxni malhanamalh Faraón?” ²⁸ Akith lhakgsakglhi xlhiputum xlitalakgapasni Israel latá kin palakachiwuiná nawan, latá xlha nahan nak kin pulakgtakilhputan latá na lhkuy x´incienso, latá kglhákgalh lhakgath xlha palakachiwuinanin. Akith maxilh xchik mintalhilhakapasni xalhakgmakgan putum xtathain xkachikin Israel. ²⁹ Wa chanchu ¿ntuku nchu lhilhakgmakan kin lilhakgachixkuikan nachuná ntu kililhakgtakilhputunkanith ntu Akith kskinith antani xa stakgná kuwi? ¿Nachuná ntuku nchu pulh kalhilhakgachixkuwuiya min kgaman, nichuná kintlhawniya Akith, lhikestakpatith ntu lhakwan kilhilhakateyma kin kachikin Israel? ³⁰ Nachuná PUCHINÁ, XPUCHINÁ Israel, wan: “kgamalhaknuninith wa minchik, nachuná xchiki mintalhilhakapasni xalhakmakgan, mpi ankgalhin natatlhawan nak lhakatin” Nchu PUCHINÁ wan: “Ni chuná kajtitlhawa, Akith nak lhakgachixkguwi nti kilhakgachixkuwi, nti kilhakgmakganko nachuna ni kgaktilhakgatsalh.” ³¹ Kgauxilhthi kilhtamaku lhakgchama, akxní Akith nakmajlhtiyan mi lhitliweke nachuna xlhimakatliweke xchiki min tlatí, latha ni katianalh lhakgolhón nti mapeksinan nak min chiki. ³² Naukxilha talhakgaputsith antani Kith kui. Wua xlha amakgolh Israel lhuwa ntu tlhan nakamaxkikgan. Ni katianalh lhakgolhón nak min chiki. ³³ Latha wixinan nti Akit ni kakgtitamakgxtu nak kinpulakgatakilhputan, Akith nakgamalhakgatsi nachuna nakgamaxkiy takgatsanajwa nak xlhatamathkan. Putum lakgchixkuwin nti nalhakgachin nti min talhilhakapasni nanikgoy. ³⁴ Wua humá ntu nalhilhakapasa, nalhakminkgoy x´okgspun chatiy minkaman, Ofní nachuna Finees: xchatikan akgtumá kilhtamaku nanikgoy. ³⁵ Akit nakgmakiy, chatum kilhakgskujni nti xa akgstitum, nti natlawua lhatá wui nak kinaku nachuna nak kilhistakni. Nak tlawaniy aktum xchiki xachakgatsiya; nachuna natlawanan nak xlhakatin ki rey nti xathalhaksagni xa lhi ankgalhin. ³⁶ Xlhiputum nti xa stakgná natamakgaxtekgoy nak min chik, naminkoy lhakgtakgakilhputakgoy ( inclinar) xlhakgatin, naskinikgoy makgtum tumin xaplata nachuna akgtsu kaxtlanchau nachuna xlha nawuan: “katlhawua lhitlan, kgakgimaxki aktum min taskujuth ntu xapalakgachiwuiná lhatá ntlhan nak makway maktum kaxtlanchau.”