¹ Pablo ali Timoteo, nóchami Kristo Jesus jiti, karka echi mapi iki bichiwami jú echi Kristo, echona jilipochi pirema echi tibúmi alí nulámi. ² kala natimaka ku´wirtami yarami nisa yemi Riosi jiti Onourami ali walubeala Jesukristo. ³ Nije natetari iya Riosi mapali nije yemi jiti nati. ⁴ Chulupi Riosi tani karka yemi jiti, ne kanilka Riosi yuwa ra´ichi nije. ⁵ nije natetari iya mapu yemi tami yua muchuli nawesa ne sukuchi rawe jonsa. ⁶ nije ni bichiwa jena jiti, mapu owi'li echi nochala yemi yuwa alí echirika a inarma yensi echi Jesikristo ku nawasa. ⁷ ne kala ju nije nilisa yemi jiti karka su´waba mapujiti mi niwa ati nije sulalachi. Yemi mapu tami yuwa muchuli mapali nije ku´wirtami nili ayenacho mapali bachara asali nije. Mapalí nije ku nimili ali ne bichiwa nira ra´ichali echi nawesali Riosi ra´ichala jiti. ⁸ Riosi ju mapu tami inea chuku, mapu nije ni mi we kale yemi ne natimaka echi Kristo Jesusi. ⁹ Nije Riosi tania atí jerika:¨mapu yemi minabi kanilami nima alí ne ala machiká alí ne kala newalaka natama. ¹⁰ Nije ni Riosi tani maputika yemi a machibo mapu ne kalála ju alí ne ka´la bichíwali raichami nima ali kie wesi jiti chíwarami nima mapalí Kristo ku nawasa. ¹¹ Nije ni tani Riosi mapu yemi ne ayenacho chulibi kala olámi nima mapurika nakirúmi ju Jesukristo jiti, echi riká Riosi wa´lubeala alí ne wabe kala onórami níma. ¹² Jipi ko nije ni naki mapu yemi machiboa, rijimala, mapu iki namuti risú nila bite nije mapalí nawesa, wikabe ralamuli ma ku bichíwali jena ra´ichali.¨ ¹³ Echi jiti, karka sineami mapu iki tami tibua uchuli ali ne karka su´waba auche jare ka´la machíli mapu nije echirika bulera asala echi karren jiti chopi Kristo jiti. ¹⁴ Ne soki karka echi rijimala waminabi bichísli echi walubeala Kristo mapalí machísa mapu pir jiti echirika karren jiti bulera asali nije, kie majak nawesa echi Riosi Ra´ichali. ¹⁵ Jarekó nawesi Kristo jiti chopi karrunti namuti nakika ali tami sayerka alí jare ko ne ka´la nirá. ¹⁶ Nopi ne jubála ko olá ne kala natimaka, ka´la machika mapu nije na´i atí mapurika binerma echi Riosi Ra´ichala. ¹⁷ Nopi auche jareko Kristo jiti nawesi karrunti namuti nakika ke ni bichiwa nirá. Aboni maye nije siwé ati mapalí karrena jiti bulera asaka. ¹⁸ ¿ali piri? sib'arika, ke bichiwali nisa o yena bichiwali nisa, pe kristo jiti bi nawisakoa, ali nije wabe ni kanila. yena, nije mi kanilama, a minabi kanilama, ¹⁹ Ali nije machi ayena kalánmare alí ku niumaré mapujiti yemi echiriká tania uchuli Riosi alí echi Onoruami iwikála tami ku ku´wirsa. ²⁰ Pi rika nije nakini kiebir namuti jiti riweali yarami nima, alí kie biiri majaka, nopi riká chulupi, Kristo ayena bichírami nímare mapurika nije ka´la olasa, mukusáni o cho biji a bitelsan. ²¹ Mapujiti cho bijí a bitelsan Kristo jiti nijewika bitelman, alí nije mukusán, ayenacho ka´la níma mapujiti bacha ku ni´yurka inarman. ²² A nije bitel sa ka pe ropokala jiti, oche biji ani omerma wika namuti ola. ali, ¿chowira ni chapimea? nije ketasi machi. ²³ Nopi jiti ketasi newala jala nata churika gala ju. mapu nije naki ko ju ku simiwami ali kristo yua asiboa, nopi minapi ala ju. ²⁴ Chopi, ne ripibo echona ropokalachi minapi a newalerami ju ne jala yemi jiti. ²⁵ Mani bichika jena jiti, a nije ko echona ripima ali yemi a yua inarama, ali minami oche kanilipo nopi bichikoami ju. ²⁶ Mapali nije yemi yua ku nawasa minapi kanilipo yemi. ²⁷ Pe nalina ne ka´la oloka pirelsi mapurika aní echi Kristo nawesali, mapurika nije ku simisa yemi inesia, nije ikíma yemi jiti, mapu sinibi werli oloká napawika bilepi iwika jiti, ne bilenpi nataka, werli ola waminabi bichiwa echi alabéla nawesali jiti. ²⁸ Ketasi majasi jare mapu iki mi sayeri. Echiriká aboni machimea mapu aboni risú ikimea, chopi, yemiko ayena naubore, jena ko Onourami jiti inara. ²⁹ Mapujiti yemi yarami jú, Kristo natimaka, ketasi chopi bichíbo echi binoi, ayenacho risú ikikia natimabo. ³⁰ Achikoriká risua inilka mapurika nije inil, alí tami jiti nama.