¹ Echirika nima echi bile rijoi echirika neka olasati mapurika nochami echi Kristo yuwa ali yarami karika echi bichiwali echi Riosi yuwa. ² Jena napawika uchiwi, bile arami ju echi karika yarami echi nochami echi aboni echiriga ni'isa ni ala inerami. ³ Ali echirika nije jiti ju pita karuniti ali nije echiriga alarami nima inijirami yemi jiti o chuke bile kerema echi ralamuli. Mapurika nije ke ni echirika ineni nijeni binoi. ⁴ Nije ke echirika ati ni nataka karunti bile oloka nije jiti, echi ke echirika aniwami ju nije ju kie echirika olami. Echi bilepi Riosi jú tami echiriga anema. ⁵ Echirika nije kie bi'iri ani karuniti echirika ni bacha, mapurika echi Jesusi ku nawasa. Binoi pama echi machirkuami echi kariniti kie michina atimi chonachi ali echirika inerama mapu iri niru echona sulachi. Echirika bi'ili yarami ni'ima natetarami echi Riosi jiti. ⁶ Jipi, rijimala, nije echirika uchakini jena ni bacha nije binoi jiti ali echi Apolosi pi ala ni'ima yemi yuwa, mapurika osoruutami ati:" Jena jú kie bire yemi nisawe nochili echi jare yuga." ⁷ Echi ¿chika ine bile sú una ni'ira yemi yuwa ali auche jaré? ¿piri niwi yemi mapurika ke narema kie natekuami? ayena yemi echirika nareli kie natetaga, ¿churikare yemi echiriga nochi mapurika binoi narela? ⁸ ¡ Ma yemi niwi karka mapu iri naki!¡Ma yemi jú we niwami! yemi owinali echona nula- ali echi ni walu ju tamuje yuwa echi yuwa nije echirika naki nulasani, ali echiriga tamuje nulaboti yemi yuga. ⁹ Nijekala natini echi Riosi echirika ni muchuwali mapurika nawesami echiga binerima echali jubami echirika inarami ali mapurika echi ralamuli kowiruami. Tamuje echirika isiliti bile ni'ira inerami jenai kawichi ayenacho echi ángeles jiti ali ayenacho echi jenai kawichi pireami. ¹⁰ Tamuje ju ke namami echi Kristo yuwa. Tamuje muchowi we olawa ali wabe balama, tamuje ju pi ke kalerami . ¹¹ Ali jipi rawe tamuje muchuwi we risu olala pisota ali tamuje muchuwi ke winika echi kali. ¹² Tamuje nochali we jiweraka, nochaliti echi tamuje aboni niwala sikalati jiti. Echali tamuje ju kie kalerami, tamuje we kuwirali yaliti. ¹³ Echali tamuje ju chibisi anerami jú, tamujé karka ala machiliti. Ali tamuje ju we risu anerami ni'ibo, tamuje reichali we kanilika . Tamuje echirika isiliti mapurika olaboria ali chobiji inerami niboti echirika, mapurika bile kie karunti inerami jenai kawichi mapurika we chuluwemi karika ni'ira. ¹⁴ Nije kie echirika osa jena kariniti mapurika riweltama yemi chopi jerika ruyeka alamani mapurika ni we kalerami nije ranala ni'ira. ¹⁵ Mapurika yemi nisami makoy mili tibumi echi walubela Kristo, yemi kie niwi ni wika onola. Ali nije anawali mapurika muje onola ni'ira echi Kristo Jesusi jiti raichali. ¹⁶ Echiriga nije mi chane yemi mapurika ni'ibo yemi tami namika ni'ira. ¹⁷ Echirikani ju'ukini Timoteo,ni we kalerami ali we ala nije ranala echi Riosi . Binoi echirika nateli klama echi buwe chi Riosi niwala, echirika binerini buchuwina ibili ni'ira ro'oba. ¹⁸ Jipi jare yemi nochili yemi anika mapurika nije ke simisa echomi yemi yuwa. ¹⁹ Ali nije sime kie sina yemi yuwa, echirika nakisa Riosi. Echirika nije machime kie echirika raicha jena jiti echi ko ju we nochili, ali echirika inemani chorika omeramika echi. ²⁰ Echi ripa atiami Onoruami kie echirika ine we natami chopi echi we omerami bi. ²¹ ¿Piri naki yemi? ¿echirika nije simisani yemi yuwa bile kusi ka o chorika ni kaleka ali bile iwigalati we kaleka?