¹ Nije rijimala, ketasi ni omerli raicha iyemi napirika mapurika echi kuchi Kristo niwali. ² Nije ko nimi ko`ali echi liechi jitra ketasi sapa jitra, mapurika ke kariweka muchila echi sapa kopoa ruya. Jipi a jonsa ketasi jala kariweka muchuli. ³ Iyemi cho biji a ke bichiwali jú. Kumi niru echi mayel wa mi ali echi na'alkoami nakupa yemi,¿churikare ke echirika bite ke kala anika pire pe aboy sapala jitra ali ke tasi jala iyenake mapurika ralamuli jitra? ⁴ Mapali bile anisa :" nije najata echi Pablo," ali oche bile anisa:" nije najata echi Apolos," ¿ketasi pirea mapu rika echi ralamuli ? ⁵ Ali ¿chika ju echi Apolos? ¿ali chika ju echi Pablo? emi nochami nasipa chika jitra bichiwali, ne bile nira chika echi Riosi nuleli karunti olanla. ⁶ Nije ichaki, ali Apolos bawi roeli, echi Riosi iyali echi ocherkoami. ⁷ ali ko, nopi icha ko siwachali, tapicho nopi ke roeko bawi ma pe a karunti ju. chopi Riosi ju mapu iya echi ocherkoami. ⁸ Jipi, nopi ichako nopi bawi Rowe pe bilepi ju, ali chopi rika iyarami nima re mapu rika nochali aboy. ⁹ Chopi ritemtami ju echi Riosi nochala jitra, yemi ju echi Onoruami ichalii, Onoruami niwala. ¹⁰ Mapu tami Onoruami iyali mapu rika bile niwa binerami, nije chukuli ne rile ali oche jare ko echona ripana niwa uchuli. pe nakiwisi mapu bile rijoi tibuma nopi rika niwa. ¹¹ Ke tasi omera ni rile ucha mapu uchalti ko, echi ko ju, Jesukristo. ¹² Pi ne jala, a bile mii rile niwasa ka echi rite lanami jitra, rite ratabami, rite bayoami, tabli, sakala ¹³ Echi nochala mi ruwirtami nima re, echi rawewali mi ruwirtami nima. ayena cho echona nairli ayenacho mi ruirma re. echi naii ko inema re karka bile nopi iiri olali. ¹⁴ Echi bile nochali echona a ripisaka, echi ko narema re mapu natetrami nima re; ¹⁵ Ali bile nochala ikotsa ka, echi ko pe risu nila ripima re; ali echi ko ku niuma re, churika jala niuma echona nairli jona. ¹⁶ ¿Ke tasi machi yemi piri ju echi Riosi rohobawala ali echi Onoruami Iwikala bite yemi yua? ¹⁷ A bile najunasa ka echi Riosi rohobawala, Riosi ko ku najunama echi rijoi. echi Riosi rohobawala ko ne jalabe ju ali yemi ayena cho. ¹⁸ Ke wesi kalenma pe binoi ku. a bile yemi inesa ka ne wabe machiami jipi, pe nakiwisi mapu ke namami najitama, mapu sine wave machiami ku najitama. mapu wabe natli niru jena kawirli ne walerami ju echi Riosi jitra. mapu rika osoruami ¹⁹ ju:" ECHI KO CHAPI ECHI MACHIWALWAMI NE BINOY NATLI NIRA " ²⁰ ne sukuchi: ECHI ONORUAMI A MACHI MACHI MAPU ECHI WABE MACHIAMI JU KE OMERAMI JU." ²¹ Ali ko, ke wesi nakawela echi ralamuli jitra, karka suwaba yemi iniala ju, ²² nili: Pablo, o Apolos o cefas, o echi kawi, o echi bitelwami o mukuwami, o karunti ne bacha ikili o nopi karunti ikimea re jubami. karka suwaba yemi niala ju, ²³ yemi ko kristo niala ju, ali kristo ko Riosi iniala ju.