¹ Ichabatewa idenami yetacawe Moisés, yasa weneica yai waiwacali, waiwacali itani Josué irí iriyae Nun, yalumi iriwin yac Moisés imaca. ² Moisés nosu weneica yetacawa inayewa pimichawa pichabacuewa yai Jordán piewe macaita yacale, yai cali nuericueca nali nie Israelnei. ³ Nua numaca nali nalinawanama nabali yucuta ibawacataipina, iderica noacapiri caitadee iyuwate nuerica Moisés iri. ⁴ Idebecatai maisabalica Líbano nese decule caide iyuwa manuiri uniba Eufrates macaita nasu cali nie hititas ale lama Mediterráneo iwalocatalewa yae erica inunami piesu cali. ⁵ Canapina cata idere ipuntaidapia, caita piepicha caide iyu nuyanate Moisés yapicha camita nopicha camita numacapia. ⁶ Nolieca cachainicapi ina picheiniadawa pie imani pepodacatena nali calica numericate nali iwali, nie e pieiwirinaimica pie naliini. ⁷ Noliecawa cachainicapia ina picheiniadawa, noliecawa ronamairita debeiela macaita tacaisi noericate nosu weneica Moisés iriwa ichuliericate pinamica ca piwe nowa icha apaunere wewapunerenacai, picanacatema na cai eri piecatalewa. ⁸ Pitanipina macai eri libro tacaisi ichulian baisiri, pinidapinawa iwali eriepi taiyapinacai; yewacaatena pebeida iwali itanericawa iwali, ina casimaipina pia picanacali. ⁹ ¿Camita cairipina nuchulieri pimanica? ¡noliesiwata cachainiacapia picheiniadawa! pica calopia pica awisi pimanipiawawa, yae piwacali piesu Dios iyacatapiepicha alenacata le piewa. ¹⁰ Nese Josué ichulieca nie yacale iwacalinai: ¹¹ "Piwewa nacape imanubacata yae pichulienie yacalemi inanai, pichuniewe pimaluewa maisiba eri iricu picha bapinacu yae Jordán piwalopinawwa ya piecatawe cali iwacananai cai yai waiwacali wasu Dios yericueca iyaca piri piecatenatawe iwacananai. ¹² Nie rubenitas, nie gaditas, nemanie Manasés iiwitana. Josué imacanali: ¹³ Piwawalicue tacaisi, Moisés imanaca ichuliana yasu weneica weiwacalica: Ichulianáca imaca yaquina nali naya maiela napinawa yae cali. ¹⁴ Yacuetunei, yasusumania, nie aiba napira cuwesinai namacapinacawa cali Moisés yerica nali Jordán. Ipichalesiwata nie piesu uwinai napinawa penanai yapicahawa nayuda picacue capia, ¹⁵ ya waiwacali idecatáleta yaa yaa nali penanai nayamaida cawa, caide iyuwa idenacue ya pirini, nese niatancai iwawacananai yae calica, waiwa csli piesu calinerewa pie tadi ichulieneni. Yae cali Moisés yasu weneica yerica iri alerica ipichale Jordán imosua taisewa yae erica. ¹⁶ Maimaca neba isana yace Josué: Macaita ya idena pichulie wamanicani wamanipinacatani pichulie cataletawia wapinacawa. ¹⁷ Webaida pina piri caidae iyuwa webeidena Moisés iri, aberita waiwacali Dios ide iyapiepicha, caide iyuwana iyana Moisés yapichami. ¹⁸ Cainacali nie iwenuwyecawa pitacai icha iyuwa pichuliana cami cali nebaida pitaacai ya si neta pinacawa obentapieque cachaini pichaineidaqui naba.