¹ Nese Josué liri Num, ibanua ibanua ibacaneri iyu pucheiba asienei Sitim neseyei iyua yeyei icanawati yá imaca nali piacuéwa, picacuewacue yai calica, yata aberita Jericó. Ya namusuacawa nanaca capineré abechua imanai imanichua ina iyua baweri ipidenechua Rahab, yanenicata nayamaba. ² Naimaca iri yai icuerica Jericó: Picá, sienei Israel neseyei nanaca nacueridaca naicawa yai calica. ³ Yai icuenica Jericó ichualica naimaca uli uái Rahab: "Pimusuada nia asieneica yaneyeica piatalé, nia iwalueyeicawa picapeiricule, nanacaina nacueridaca wasú cáli." ⁴ Uacuewa inaneica udeca uteca pucheiba asianei ya ubacanie. Ya umaca uai inaneica: "beisita asienei nanaca nuatalé cuewa camita nuali nacateisewa. ⁵ Niacuewa nadeco nacawa cata , yamita, neniati siwata nabaliecatai pinaca nayaca yacale inubale.Nua camitacuewa nualiewa alenacali nawa piecuewa yeweri yana nawali, raunamaicalita piecawa námi. ⁶ Cuewa nudeca uteca capi ibaina inatale ubacania yetana yamiba yai linoca umaca lerica iriawa capi ibaina inatale. ⁷ Ina nia asienai napiedeideyeica ayápulicuba yericawa inubale sicuata namusuacawa ipiedeideyeica nía. ⁸ Nía aseineica camiyeita idé imáca ichawá uiriacali uicaca nía. ⁹ Yá úmaca: Nualicawa waiwacali ideca yacueca piri yai cálica ideca yanaca calucaisicá piricue yanatanacori wawali. Macaita niei iyeyeica chái, yai cali inata yacue piapinata ichulia neni. ¹⁰ ideca wemiaca, cáina waiwacáli ichuidana yai Quireri nachabacataba catewa nam usualitewa Egipto nese. Wemiaca caina calite pimanica napicha cainacue pucheiba yacale icuerina amorreonai, abemate Jordán, yai Sehón yanacai Og, yai pinueyei cueca. ¹¹ Mesunamaita wia wemiaca iwali yai ipuniacawa calucaisi iyu wawaca yanacai wachaini imadacawá, nese yai piwacali yasu Dios, yai Dios chenuniseri eriricunacai cáli yapisewa. ¹² Nese siucata, pima nuli baisisiwata waiwacali iwali iyuawa cayabanacue nua piapicha caitacue nacaipia yewa cayabacueca pia nuaniri icape yapicha pianuli aberi wawasi nuicueri pina. ¹³ Cainacue pia picuapina icauca: nuanirica nuatuanacai, nuenasairi, nuenasatua macaita penonaiwa, quewa pi camita pichuliada pinawa wia yetacaisi ichá. ¹⁴ Yá nia asienaica nebaca isaná: ¡Baisisiwata cuewa wacauca iwali que piá, pitaica wali wasu wawasi iwali, nesé; caicalina waiwacali yepuada wali yai calica, wiapina quewa achumaca wawa baisi iyuta piapicha. ¹⁵ Iná uaí ulicuadacani ventana iricuaba utilisaca bapisi. Yá capi uyacataica yá imanicawa yacale yasu muro iyu. ¹⁶ Umaca iri: Piacuewa analimale pibácuewa naicha nía ipiedeideyeica nanapicacalicue pia. Pibacuewa nenita maisiba eri, idecunita ipiadedeyeicueca pia idecanamita nepuacawa. Nese yewacueca piacawa ayapulicubaniwa. ¹⁷ Niai asienei imaca uli: Wia camita wadepina wamanicani yai waimerica iwali quema pia pideca pimacaca wanica baisita, piá pimanica wali ipichalewa. ¹⁸ Nese wia wanaca alei iricule yai calica, pia yewa pidacuaca quireri walumaca ventana neni yade pibatacatabacawa walicuacawá, ya piwacaidapina pianiri icapericulewa wía piatua nerewa, penanai nerewa wacaita pianiri icape nerewa. ¹⁹ Imusueritawa bachawale inuma iricuba picapecá ya yetapinacawa yasu wawasitawa wia camita wainatalepinani. Quewa abechua wacapi ichaneidaca icapiwa nawali nía capica macaipinata wetacawa camicaina wamani ichuliaca waimerica iwalli. ²⁰ Quewa piecue pitanicali wasa wawasi iwali wiacuewa caitapona wainataleni yai baisirica piwawerica wamanica. ²¹ Rahab yebaca nasaná: Quewa iderica numa iwali ya imanipinacawa ya uchuliaca namus uacawa ya nese na cawa. Nese ya udacuaca aberi waluwa yena quireri ventana iwere. ²² Yasinaipinaca analima iweré nese nayamacawa neni maisiba eri idecunicataita nepuacawa nía ipiedeideyeca nía ipiededeiyeca nía nacutacanía macai ayapulicubata canatá naneri. ²³ Puchaiba asienai nalicuawa analimaise nepuacawa Josué yapicchá, iri yai Num, ya nacalidaca nali yai ederica ichabacawa. ²⁴ Ya naimaca Josué iri: "Baisisiwatasica waiwacalica yepuada wali calica. Macaita nía wenaicanai iyeyeica cali imanuicata calusiwacata nía wabayawana iwalise.