¹ Jeftémä, Galaadttö curärohuäcuä ju̧ru̧hua̧ ji̧na̧'a̧, ja̧'hua̧nö̧ ja̧'a̧nä̧ kidepä ja̧'a̧ta̧ra̧'a̧ iyächäcuähuäju ki̧tti̧ ji̧na̧'a̧. Jä'omä Galaad ji̧na̧'a̧. ² Galaad irecua ki̧tti̧mu̧rö̧ recuätörö ku̧nä̧ri̧nä̧ju̧. Jahuäju ki̧tti̧mu̧ ttämu juhuottömenä, Jefterömä ojuisodetö pä'icunä pä'ö rä'eputticuinä̧cu̧, "ucumä chä'o ji̧yȩtȩ iya pä'inätömä cuȩmi̧yä̧cua̧jä̧. Ucumä karaju ki̧tti̧ cua'attö". ³ Ja̧hua̧nö̧ ja̧'a̧ttö̧ Jeftemä ahuäruhuättö cä̧'i̧pä̧chi̧nö̧ ja̧'hua̧nö̧ ja̧'a̧ttö̧ i̧rȩjä̧ra̧'a̧cu̧ i̧hui̧nö̧ juhua'atä ö̧ja̧ pä'ö. Ja̧u̧mä̧ ca̧ca̧ti̧nö̧ jarodäcuähuä ttö̧ja̧rö̧ jautäcu ttö̧ja̧ pä'ö. ⁴ recuo mo̧ro̧ 'cuäopinö o'ca'a, Amon ttö̧ja̧mä̧ 'chänö̧ rohuähuinä̧tö̧ Israel ttö̧ja̧cu̧. ⁵ Amon ttö̧ja̧ Israelcu rohuäu tti̧'cho̧menä̧ Galaad rȩjȩnä̧ ka̧cuä̧tö̧ tä̧mö̧mä̧ ȩmö̧ 'chinä̧tö̧ Jefterö pä'äji ta'anö̧ ppa̧'a̧dö̧ tti'chächarö pä'ö Tob rȩjȩcu̧. ⁶ jahuätömä̧ pä'inä̧tö̧ Jefterö "ichi ujutu tu̧ru̧hua̧ päi'nä̧ cu̧ja̧ Amon ttö̧ja̧cu̧ törohuähuomenä̧. ⁷ Jeftémä ädätinö Galaadttö ucuo ruhuoturu, "ucutumä ttörö a̧'u̧tinätö̧jä̧ ja̧'hua̧nö ja̧'a̧nä̧ í̧nä̧ chä'o ojusodettömä tödicha pä'ö huecuinätucuä̧cu̧sä̧, tta̧'a̧nö pä'ö cuichätucuäcusättö jitämä, huȩnȩ jo̧mȩnätä ichätöjä tä̧jí̧?. ⁸ Galaadttö tämumä 8ädätinätö jeftérö, ja̧'hua̧nö̧ ja̧'a̧nä ucurutä ppa̧'a̧chi̧nätöjä jitämä, ucutucu ichi amonita ttö̧ja̧cu turohuahua'ja, ja̧'hua̧nö ja̧'nä̧ o'cato'inä tu̧ru̧hua̧ pä̧cui̧'a̧cua̧jä̧ Galaad rȩjȩnä̧ ka̧cuä̧tö. ⁹ Jeftémä̧ mö̧ä̧'quiyönä ka̧cuä̧tö̧ tä̧mö̧rö̧ pä'inö, amon ttö̧ja̧cu̧ churohuähua pä'ö, pä'äjita'anö choju'isodecu ppa̧cuä̧dä̧tu̧cu̧ttö̧mä̧, ja̧'hua̧ta̧'a̧nö̧ TÖ̧Ä̧NÄ̧HUA̧ jahuätörö rohuäu isojuodepönä ppädöttömä, cu̧ru̧hua̧tu̧cu̧ jö̧nä̧ chä̧cua̧sä̧. ¹⁰ Jahuätö tä̧mö̧mä̧ Jefterö ädätinätö̧, "Ucuru pa̧'a̧nö̧ jȩtä̧cuo̧tö̧jä̧ pätäji jȩtö̧ juiyöttömä TÖ̧Ä̧NÄ̧HUA̧ jä̧cua̧'a̧ ji̧ä̧huä̧cua̧mä̧!" ¹¹ Ja̧'hua̧nö̧ ja̧'a̧ttö̧ Jeftemä Galaadttö tä̧mö̧cu̧ ppa̧'a̧chi̧nö̧, ja̧'hua̧nö̧ ja̧'a̧ ötahuiyä ttö̧ja̧mä̧ ttu̧ru̧hua̧ päi'önä jahuätörö hue'ö jö̧nä̧ ttu̧ju̧ni̧nä̧cu̧. Mizpa ötahuiyära̧'a̧ TÖ̧Ä̧NÄ̧HUA̧ ä'ca jo̧mȩ tti̧'chi̧'o̧mȩnä̧, Jeftemä o'cajuiyönä jȩchä̧cua̧sä̧ päjimä ppa̧'a̧di̧pö̧ ji'ähuinö. ¹² ja̧hua̧nö̧ ja̧'a̧nä̧ Jeftémä hueinö huȩnȩ ȩcuä̧ ttö̧järö amón ttö̧ja̧ ttu̧ru̧hua̧rö̧ jäepö pä'inätö: "¿ ucutucu huȩnȩ jönä̧ tö̧jömä̧ dä̧jejättö̧? ¿tta̧'a̧nö pä'ö cuichätucuättö cujurutucunä jȩpö̧ ti̧rȩjä̧ 'chocuipätucua pä'ömä?. ¹³ Amónttö hueahuä ru̧hua̧mä̧ jefté huȩä̧ö huȩnȩ ecuä ttö̧ja̧rö̧ ädätö pä'inö̧:Tta̧'a̧nö̧ pä'ö israel ttö̧ja̧ Egipto rȩjȩra̧'ttö̧ ttichinömä̧; Jahuätömä̧ ujutu ti̧rȩjä̧ 'choipinä̧tö̧ Arnón rȩjȩttö̧ kä̧mä̧dö̧ Jacod i̧rȩjä̧' i̧nä̧ Jordán aje jubu. ¹⁴ Jeftemä̧ pä'äji ta'anö̧ hue'inö̧ huȩnȩ jittähuajá pä'ö Amon ttö̧ja̧ ttu̧ru̧hua̧rö̧ ¹⁵ ja̧u̧mä̧ pä'inö̧: pa̧'nö̧tä̧ pä'ö Jeftemä̧: Israel ttö̧ja̧mä̧ emo̧co̧tö̧ pinä̧tö̧ Moab ttö̧ja̧ ttirȩjä̧mä̧ ja̧hua̧ta̧'a̧nö̧ Amon ttö̧ja̧ tti̧rejä̧'i̧nä̧, ¹⁶ Egiptottömä̧ ichinä̧tö̧ Israel ttö̧ja̧mä̧ 'cuä'opinä̧tö̧ de'á juiyomȩnä̧ pä'i'ö dubora tuhuoranä̧ Cades rȩjȩcu̧. ¹⁷ Israel ttö̧ja̧mä̧ Edóm rȩjȩ ru̧hua̧rö̧ huȩnȩ ji'ähuätörö hue'ömä pa̧'a̧nö̧ pä'inätö̧: Cui̧rȩjä̧nä̧ 'cuätopa'anä ja̧'a̧tä̧ topitö pä'ö jättepa'anä, Edóm rȩjȩ ru̧hua̧mä̧ hue'ocö pinö. Ja̧'hua̧ta̧'a̧nö̧ Moab rȩjȩ ru̧hua̧rö̧ huȩnȩ ji'ähuätörö huettäja'a'inä hueamä pä'ocö pinö. Ja̧'hua̧nö̧ jä̧u̧ Israel ttö̧ja̧mä̧ Cades ötahuiyänätä̧ ka̧cui̧pi̧nä̧tö̧. ¹⁸ Ja̧'hua̧nö̧ ja̧'a̧ de'a juiyäjä̧nä̧ 'cuä'opö 'chi̧nä̧tö̧, Edóm ttö̧ja̧ tti̧rȩjä̧ttö̧mä̧ ja̧'hua̧ta̧'a̧nö̧ Moab rȩjȩttö̧mä̧ 'kä̧'i̧pä̧chö̧, Moab rȩjȩttö̧mä̧ kä̧hua̧ räopa'acunä 'chä̧nö̧, Arnón aje pä̧tȩcuä̧nö̧ ka̧cuä̧mi̧nä̧tö̧. Ja̧'hua̧nö̧ ja̧'a̧nä̧ jahuätömä Moab rȩjȩ ttö̧ja̧ tti̧rȩjä̧nä̧mä̧ do'ächocotö pinätö̧, Moab rȩjȩmä̧ Arnón ajebötä beipa'attö̧. ¹⁹ Ja̧u̧nö̧ o'ca'a Israel heinö huȩnȩ ȩcuä̧ ttö̧ja̧rö̧ jitä huajá pä'ö. Sehónttö ucuo ru̧hua̧rö̧, Amon ttö̧ja̧rö̧ hue'ö kö̧rö̧ Hesbónttö̧ kä̧mä̧dö̧. Israel pä'inö: "Re topö ppä'ädittö cui̧rȩjä̧nä̧ 'cuädo'pa ujututä tö̧jo̧mȩcu̧. ²⁰ Ja̧hua̧'a̧nö̧ ja̧'a̧nä̧ Sehónmä eseto'cö pinö Israelrömä i̧rȩjä̧nä̧ cuä'opiyarö pä'ömä. Ja̧'hua̧nö̧ ja̧'a̧ttö̧ Sehónmä umuhuäyotörö o'ca toi'önärö̧ , curä rohuähuätörö ca̧'ca̧tö̧po̧'ö̧ hue'inö tti̧cha̧ pä̧'ö̧ Jahuazacu, juorötä, örohuähua pä'ö Israelcu. ²¹ Ja̧'hua̧nö̧ ja̧'a̧ Ismael ttö̧ja̧ Ttö̧ä̧nä̧hua̧ Dios, iyinä Sehón umuhuäyotö o'ca toinärö̧ Israel ttö̧ja̧ ttumunätä̧ rohuä'icu iso juhuottepinäu̧. Ja̧'hua̧nö̧ ja̧'a̧ttö̧ Israel ttö̧ja̧mä̧ Amorres ttö̧ja̧ ttö̧ji̧nä̧ja̧mä̧ o'ca juiyötä ȩmi̧nä̧tö̧. ²² Jahuätömä Amoreos ttö̧ja̧ tti̧rȩjä̧ jacuä ka̧cu̧mä̧ o'ca juiyönätä̧ chuädinätö̧ Amonttö̧ kä̧mä̧dö̧ Jaboc jubu cä'ädö, Ja̧'hua̧nö̧ ja̧'a̧nä̧'i̧nä̧ de'a jui̧yä̧jä̧ttö̧ kä̧mä̧dö̧ Jordán jubu. ²³ ja̧hua̧nö̧ ja̧'a̧ ttö̧'ä̧nä̧hua̧, ja̧hua̧ta̧'a̧nö̧ Israel ttö̧ja̧ Ttö̧ä̧nhua̧mä̧ Diomä̧ umö̧huäyotö Israel ttö̧ja̧ tä'ca jo̧mettö̧ rä'epö icuinö̧ Amon ttö̧ja̧rö̧, ¿ja̧hua̧ta̧'a̧nö̧ ucu'inä̧ ttirȩjä̧ 'chocuipa päcua'a?. ²⁴ ¿ucutu'inä̧ ku̧nä̧rä̧tö̧jä̧ cu̧ä̧nä̧hua̧tucu̧ Quemos ucuturu iyina̧'a̧mä̧? ja̧hua̧nö̧ ja̧'a̧ttö̧ ujutu Tö̧ä̧nä̧hua̧ Dios rȩjȩ iyinä̧jä̧mä̧ tȩmä̧cuo̧tö̧jä̧. ²⁵ Jitämä̧ ¿isopäi'önä̧ ucu ja̧'a̧ adiu jȩpö̧mä̧ Zapor i̧tti̧ Balaab Moab ru̧hua̧ttö̧'inä̧ abonä̧nö̧? ¿ ja̧u̧ttu̧mä̧ ja̧u̧mä̧ Israel ttö̧jacu örohuähua pä'ö yecuoca'a jȩi̧nö̧ ca̧'a̧?¿ 'co̧ro̧nö̧mä̧ jahuätucu yecuoca'a rohuähuinö̧? ²⁶ Israel ttö̧ja̧ Hesbón jäyä ötahuiyä ppo̧'önä trescientos a̧'ȩ jo̧mȩnä ttöjo̧cui̧nö pänämä̧ ja̧hua̧nö̧ ja̧'a̧nä Aroer ötahuiyä jäyä ka̧cu̧ ppo̧'ö̧'i̧nä o'cajuiyönä arnón ötahuiyä tö'cö tti̧äi̧jo̧mȩmä--¿ja̧'hua̧nö̧ ja̧'a̧nä̧ tta̧'a̧nö pä'ö ucumä jȩ'cuäjä̧ttö̧ ja̧unö̧ pä̧nämä? ²⁷ Ttömä ucuru suronämä jepo̧cu̧sä̧, ja̧hua̧nö ja̧'a̧nä i̧nä jitä ucumä suronätä̧ jȩpö̧ curohuähuäcusä.TÖ̧Ä̧NA̧HUA̧TÄ̧ jueönätä paä̧cua̧mä̧ jitä mo̧ro̧ israel ttö̧ja̧rö̧ i̧nä̧cö̧ Amón ttö̧ja̧rö i̧näcö̧. ²⁸ Ja̧hua̧nö̧ ja̧'a̧nä̧ i̧nä̧ Amón ötahui̧yä ucuo ru̧hua̧mä̧ ki'cocö pinö Jefté hueäji huȩnȩmä. ²⁹ Ja̧'hua̧nö̧ ja̧'a̧ TÖ̧Ä̧NÄ̧HUA̧ a̧'cua̧ru̧hua̧mä̧ Jeftérö ichö kä̧mä̧di̧nö̧, ja̧'hua̧nö̧ jomenä Jeftémä̧ Galaad mö̧ä̧'canä'inä Manasés ahuaruhuä 'cotö ttidepiyunä'inä 'cuä'opö ja̧'hua̧ta̧'a̧nö̧ Galaad mö̧ä̧'cattömä Mizpa pä'ö micuomenä 'cuä'o'ömä Amón ttö̧ja̧ ttidepiyura̧'a̧cu̧ 'cuä'o'inö. ³⁰ Jeftémä̧ TÖ̧Ä̧NÄ̧HUA̧RÖ̧ jȩchä̧cua̧sä̧ pä'ömä pä'inö: Amón ttö̧ja̧rö̧ rohuäu isojuodepönä ppäcuädöttömä̧, ³¹ Amón ttö̧ja̧ ttidepiyura̧'a̧ttö̧ huȩnȩ juiyönä ppa̧dä̧cho̧mȩnä̧ choju'isodettö äpatenä ttörö toäcuähua pä'ö rä'o'ömä, TÖ̧Ä̧NÄ̧HUA̧ i̧sa̧ jö̧nä̧tä̧ jä̧cua̧, ja̧'hua̧nö̧ jo̧mȩttö̧ kuhuö icu iyähuä jö̧nä̧tä̧ chi̧yä̧cua̧. ³³ Ja̧'hua̧nö̧ ja̧'a̧ttö̧ Jeftémä cuä'opinö Amónra̧'a̧cu̧ umuhuäyotö su̧ro̧da̧u̧cu̧ jahuätucu ttörohuähua pä'ö, ja̧'hua̧nö̧ ja̧'a̧ttö̧ Tö̧ä̧nä̧hua̧ Diostä ppä'ädinäcu̧ rohuäu iso juhuepa pä'ö. ³² Ja̧u̧mä̧ rohuäu recuätörö cuä'äu icuinö Aroerttö kä̧mä̧dö̧ Minit oto beipome jubu cä'ädö veintenö ötahuiyä bäreu jo̧mȩnä̧. Ja̧hua̧nö̧ ja̧'a̧nä̧'i̧nä̧ Abel Keramim jubu. Ja̧'hua̧nö̧ ja̧'a̧ttö̧ Amón ttö̧ja̧mä̧ Israel ttö̧ja̧ huetta'anä ka̧cui̧nä̧tö̧. ³⁴ Jeftemä̧ ichinö̧ oju'isodera̧ Mizpara̧cu̧, ja̧hua̧nö̧ ja̧'a̧ ittijumä̧ ja̧u̧ru̧ topö esehuinä̧ju̧ cuähuäba cuä'ö'inä̧ ja̧hua̧ta̧'a̧nö̧ ttö'önö̧ esehuinä̧ju̧. Jahuäjumä̧ ittiju yajú äcuaju ji̧na̧'a̧, ja̧hua̧nö̧ ja̧'a̧nä̧ jua̧u̧mä̧ korottö i̧tti̧mö̧ u̧mä̧tö̧ nä̧tö̧'i̧nä̧ to'inö̧. ³⁵ Ja̧hua̧nö̧ jahuäjuru to'omenä̧ ö̧'ca̧tähuäppi serocu icuäu pä'inö̧ " Oh! é! ucumä̧ törö ö̧'ä̧nä̧ barahuächi'önä̧ jȩpä̧jä̧ju̧juä̧! ucumä̧ ttörö rö̧'ä̧nä̧ barahuächi'önä̧ cha̧'cua̧tta̧nö̧ jö̧nä̧ jȩpä̧ju̧juä̧ ja̧hua̧ta̧'nö̧ ucu ja̧'a̧ ttörö baraunä̧ cha̧'cua̧tta̧ juodächönä̧ jȩpä̧ju̧mä̧! ja̧hua̧nö̧ ja̧'a̧ttö̧ ttö chö̧ä̧nä̧hua̧ Diocu jȩchä̧cua̧sä̧ pädinö̧ ja̧u̧mä̧ cho'ca'acumä̧ ppa̧'a̧chä̧rö̧ jȩpo̧cö̧sä̧.! b ³⁶ ja̧'hua̧nö̧ ja̧'a̧nä̧ jahuäjö pä'inäjö: " chäo ucumä jäyä jȩpo̧cu pinöjä TU̧RU̧HUA̧RÖ̧, o'cajuiyönä ucu ttörö cuiya päcuinö̧mä, iso pä'inä TU̧RU̧HUA̧MÄ̧ micuä jȩpäji̧ ucunä kä̧nö cuaboiyotö Amón ttö̧ja̧rö curohuäunä". ³⁷ jahuäju päinä̧ju: jitämä ja̧'a̧tä topi ttörö cuiya päcuinönätä cö̧ja̧'a̧nä̧. katahuajutä chö̧jö̧nä ku̧ni̧pi̧ttö todäre ka̧hua̧tö jo̧mȩnä̧ ttötä muä'ca po̧ri̧yä̧'tä̧ jo̧mȩ mȩyȩu̧ chi̧'cha'anä ja̧hua̧nö̧ ja̧'a̧nä̧ chahuaruhuä nä̧tu̧cu̧ ttö uborö chieru tö'cö chajahuacuajusä. ³⁸ Ja̧u̧mä̧ ädätinäcua̧: "ja̧u̧ttö̧mä̧ Täi." Kä̧hua̧tö̧ ta̧ju̧ jo̧mȩnä̧ jäyäcu ku̧ja̧ pä'ö hueinäcua̧. Jahuäjumä kahuaruhuä nätö̧cu̧ juorö rä'opächö, poriyä̧'tä̧ päi'omettö̧ uborö kieruhuö tö'cö ajahuinätö̧. ³⁹ Kä̧hua̧tö̧ ta̧ju̧ päi'omenä, U̧ru̧hua̧rö̧ jȩchä̧cua̧sä̧ päinö'a̧cuä̧ jȩpi̧nö̧, kä'o ö̧ja̧'a̧cu̧ ppa̧'ä̧chi̧nä̧ju̧. Ja̧'hua̧nö̧ ja̧'a̧ jahuäjumä yorö'iso ubocumä ä'ocoju jä̧'i̧ja̧'a̧ ji̧na̧'a̧, ja̧'hua̧nö̧ ja̧'a̧ttö̧ Israel ttö̧ja̧ jȩtti̧nö̧'a̧cua̧tä̧ ⁴⁰ ya'ute a̧'ȩnä̧mä̧ pa̧ja̧cuä̧nö̧ mo̧ro̧ jo̧mȩnä̧ jȩpi̧nä̧tö̧ galaad ttö̧ja̧'i̧sa̧ Jefté ittirö 'cuäopinö a̧mö̧cuädömä̧.