Capítulo 3
17
Kara'anä rȩjȩ ko̧ro̧jä̧cu̧ beipomemä Jordán aje meje'cattö pämäroppä päi'ime ji̧na̧'a̧, Cineret kä̧mä̧dö̧ rö̧ä̧ aje Arabá jubö ä'ädö (Juhuototä ja̧'a̧ dä'ähuotö sa̧dotomä) Pisga möä'ca kada'ca jubö kä̧hua̧ räopa'acunä.
18
Ttömä hue'inösä̧ ja̧u̧nu̧ pä̧nä̧mä̧ pa̧'a̧nö̧ pä'önö̧: TÖ̧Ä̧NÄ̧HUA̧ cu̧ä̧nä̧hua̧tu̧cu̧ Diosmä ja̧huä̧jä̧nä̧ do'ächi'ö cu̧jä̧mä̧dä̧tu̧cua̧ pä'ö iyinö̧; ucutu curä rohuähuäcuä ttö̧ja̧mä̧, cuahuaruhuätucu Israel ttö̧ja̧ ttä'ca jo̧mȩnä̧ curä rohuähuäcuähuä 'chu̧huä̧rä̧nö̧ 'cuäcuopäcuotöjä.
19
Ja̧'hua̧nö̧ ja̧'a̧nä̧ cui̧tti̧mö̧ ttä̧ju̧tu̧'inä, cui̧tti̧mö̧ ppo̧'ä̧tö̧'inä ja̧'hua̧ta̧'a̧nö̧ cuä̧ji̧mö̧tu̧cu̧ isotö'inä (Ajicuäcuähuotö recuätörö ku̧nä̧rä̧tö̧ pä'ömä huo̧jua̧sä̧) cuidepiyutucu chiyinome pönä̧tä̧ ttö̧ja̧cui̧'ä̧cuo̧tö̧,
20
TÖ̧Ä̧NÄ̧HUA̧ cuahuaruhuätucu rohuähuö cä'ädö huȩnȩ juiyönä ttö̧jo̧mȩ jubö päi'önä̧, ucuturu jȩchi̧nö̧ta'anö, jahuätö'inä ja̧huä̧jä̧ TÖ̧Ä̧NÄ̧HUA̧ cu̧ä̧nä̧hua̧tu̧cu̧ Dios i̧yi̧näjä Jordán ajettömä kä̧hua̧ räopa'acunä kä̧jä̧nä̧ do'ächi'ö ttu̧jä̧mä̧do̧mȩ jubö päi'önä; ja̧u̧nu̧ o'ca'atä ucutumä o'catoi'önä ppa̧cuä̧chä̧tu̧cua̧jä̧, cui̧rȩjä̧tu̧cu̧ päi'önä chi̧yi̧nä̧jä̧ra̧'a̧cu̧mä̧.
21
Ttömä ja̧u̧nu̧ pä̧nä̧ Josuérömä̧ pa̧'a̧nö̧ pä'önö̧ hue'inö̧sä̧: ucumä o'cajuiyönä topinöjä TÖ̧Ä̧NÄ̧HUA̧ cu̧ä̧nä̧hua̧ Dios pitö ruhuotö ta̧ju̧ru̧ jȩi̧nö̧mä̧; TÖ̧Ä̧NÄ̧HUA̧MÄ̧ ruhuo hue'ätö o'catoi'önärö cu̧huä̧mȩnä̧ 'cu̧öuä'o'ätörömä ja̧'hua̧nö̧tä̧ jȩä̧cua̧.
22
Jahuätörömä jecuecuó, juhua'amä TÖ̧Ä̧NÄ̧HUA̧ cu̧ ä̧nä̧hua̧ Diosmä ucuru ppä'ädö urohuähuäcua'attö."