Capítulo 10
16
Ja̧'hua̧nö̧ ja̧'a̧ttö̧ cuamiso'quitucunä ka̧cu̧ surojömä ȩmä̧u̧ icuätucui, ja̧'hua̧ta̧'a̧nö̧ yabonömä cua̧mi̧'quicuädäcuähuätucuä.
17
Isopäi'önä TÖ̧Ä̧NÄ̧HUA̧ CUÄ̧NÄ̧HUA̧TU̧CU̧ DIOSMÄ, ttö̧ä̧nä̧huo̧tö̧ ttö̧ä̧nä̧hua̧ DIOS ja̧'a̧ ja̧'hua̧ta̧'a̧nö̧ ucuo ruhuotö'inä TU̧RU̧HUA̧MÄ̧, DIOS rö̧ä̧nä̧ böomä, JU̧RU̧HUA̧MÄ̧ ja̧'hua̧ta̧'a̧nö̧ YE'ECUÄCUA̧HUA̧MÄ̧, ya̧tȩrö̧'inä esecuä'chocömä juhua'atäcu ppädatö pä'ö pärätä iyähuocömä.
18
Ja̧u̧mä̧ adihuomenä jȩpö̧ reyotörö'inä ja̧'hua̧ta̧'a̧nö̧ recuamö̧rö̧'inä juhuatäcu korojä̧ra̧'a̧ttö̧ ichäcuähuotörö'inä eseu repe'ömä ttu̧cuä̧'inä iyö kä̧nö̧mä̧ ttö̧'ca̧tä̧huä̧ti̧yu̧'inä iyö.
19
Ja̧'hua̧nö̧ hua̧ ja̧'a̧ttö̧ ko̧ro̧jä̧tö̧ ichäcuähuotörömä eseu repe'ö; isopäi'önä ucutumä ko̧ro̧jä̧ Egipto rȩjȩttö̧ ichäcuähuotö pinätö̧jä̧.
20
TÖ̧Ä̧NÄ̧HUA̧ CU̧Ä̧NÄ̧HUA̧TU̧CU̧ DIOSRÖTÄ yecuäcua̧; Ja̧u̧rö̧tä̧ ucuotönä esehuäcua̧. Ja̧u̧rö̧tä̧ cua̧'cua̧ cu̧huȩnä̧ra̧ pä'ö jä̧cua̧'a̧ ja̧'hua̧ta̧'a̧nö̧ huȩnȩtö̧ cucuomenä cucuomenämä ja̧u̧ i̧mi̧nä̧tö̧ cucuojá.
21
Ja̧u̧tä̧ ja̧'a̧ eseu ra̧cuä̧cu̧mä̧ juhuatäcu ja̧u̧tä̧ ja̧'a̧ CU̧Ä̧NÄ̧HUA̧ DIOSMÄ, pi̧yȩ rö̧ä̧u̧ jähuä jȩpi̧nö̧mä̧ ja̧'hua̧ta̧'a̧nö̧ yettecunä jö̧'inä, ja̧u̧ ji̧na̧'a̧ ucu to'cuinömä.
22
Cuä'otö̧ mi̧nä̧mä̧ Egipto rȩjȩtö̧ tti̧mȩyi̧hui̧nö̧mä̧ setentanö jö̧nä̧ jo̧mȩnä̧tä̧ huinä̧tö̧ ttö̧ja̧mä̧; jitämä TÖ̧Ä̧NÄ̧HUA̧ CU̧Ä̧NÄ̧HUA̧TU̧CU̧ DIOSMÄ cuirecuächätucunä̧ jȩi̧nä̧u̧jä̧ si̧ri̧'cö̧ mo̧ro̧jä̧ rö̧jä̧tö̧ jä̧'i̧ja̧'a̧nö̧.