¹ Pablo, Cristo Jesus tyumpë mati'i naj tyumpyëj tsu Dios tsojkën, naj tso'om ojts Dios ya'anyë Cristo Jesus këxm njukyë'ëyën. ² Timoteo ma ti y'unkjow'eepyëj: oy äjtën, pä'äyö'ön Dios te'etyëj jyotkuj'atën mët Cristo Jesus mati nwintsën'ëyëm. ³ Nta'jotujkë takyëpyëj ëts Dios, matii ëts xä'äm tujn japyë, ma tii ots näy nyäj tujnëtë tukwinmä'änyë, kjëts mi'its näj ntuk jä'äy myetsëj itpënaty nukxtajkënkexp, ja xëjnyë ja ko'osëj. ⁴ N'ixwampy ëts mits najts ëts njotkujkëjtä'äkëtëj njä'äy myetsëpiyëj ëtsa ku y'ijtyëj mtsa'ats winmäy. ⁵ Njämyetsëpyë ëts nixën mits m'äjäwën xmëtë, tsujm'ok Loida y'ijtyëj y'äjäwën tmëtë nay nyäj mtä'äk Eunice y nay nyäjts ëts n'ajäwe jats jam jukyë ma mits. ⁶ A këx ëts mits ixyäm ntukjä'aymyëtsx jats xyëktunkpä'ätëj ma ti'i Dios moyëtëj ko ëts mits ixyäm nkënixäjy. ⁷ Kaj Dios xmoyëntëj jawën ma ti'i tsëjk tssëjk'epyëj, ja mai'i mëjkutujkëj myëtëj tsojkën, jats näy'ix'ijtën. ⁸ Ka tij mits xkutso'oyjäwë ë'ënwintsën myätyä'äkyëj ni ëts mits xkatutso'oy jawët, Pablo, puxtëkjä äy. Yekniwätë tsö'öm nku'äyowëyën yä'ä oy myatyaky tsö'öm Dios myëk'äjtën. ⁹ Dios të xyëkm:atäjtyën jats të xwätsoyën mäj wä'ats wyätsojën, kä ojts näj tunyë tsö'öm ntunyën, naj ojts tunyëj tso'om tunä'anyëj tsoj ojts toyjäwë. Cristo Jesus këxm ojts näj xmoyë'ën ku ijtyëj kanëmyijty it taxo'on tä'äky. ¹⁰ Tëj ixyäm Dios myätäkjën xtuk'ixyën ku nyäkyaxjekyë të ë'ënyëkmätäkpë, Cristo Jesus. Cristo ojts tyëkukëxë o'ojkën jats ojts jätukxäjë xmoykyojmjäyën jukyäjtë jats xkunojkën y'oymyäty;akykëxm. ¹¹ A këx ëts ojts nyëkwinixyëj jats 'nkä'ämäjtyëj, nikäpxtë nits yëk'ixpëkpë. ¹² Jäkëx ëts xyäm näj nku'äjöwë. Ka'p ëtsë nkutso'oy jäwë, n'ex ëtsa, mati ëts ntëyjäwëtë. Kyojnjëkp ja'amati ëts ntäpäwä'anyë të pën junë xë'ëw tpätyëj. ¹³ Ja xyëk itëj matii oy aw äyu'ujk mati'i mits tëj xmato'oy tso'ëts nwä'änytë, ajawëntëxm, tsojkën ma ti'i Cristo Jesus, këxm itëpëj. ¹⁴ Yë'ë ma ti'i oy, matii Dios mtä'päwänyëtëj, kojnjëkë wä'äts jawën matii juky eepyëj ma ëëtëm. ¹⁵ Nijäw'e'epyëj mitsë'ë, mati'i Asia tsëna tyëp jänätyu'ukë ëts ojts x'okaxnëtë iyya nitu knu'ukëj watsë Figelo më'ët Hermógenes. ¹⁶ Nwintsën yëmojëp pä'äyo'on ni'ixën tyuktëjkëtë Onesiforo itëpëj ëts ojts xkäpxputëkë ka ëts xtutsoyë ku ëts xyäm tsum n'ityëj. ¹⁷ Ku ytyëj jap wyitityëj Roma jats ëts ojts xixtä'äyëj jats ojts xpä'ätyëj. ¹⁸ Ets nwintsën täpätëp pyä'äyönëj ku ojts naj tunyëj. Ku ëts ojts japxputëke Efeso, wats mitsa'a xnijawë.