¹ Ets n'u'unkëj nämyëkmöjë Cristo Jesus y'oy'ajtënkëxm. ² Ma tii xyatukëyetë xmätoy jä'äy akujkyëj, xnëmjët jä'äy mati'i naj tyuntëp, ma ti'i näy nyäy myutujkëj tyä'äwä'ämpë. ³ Pu'äyo'otéjk 'ekyëj ëts, tso'omë Cristo Jesus tyumpë mati'i tsiptumpëj. ⁴ Nipën tumpë mati'i tsipätana'apyë pënka'aj jotkujkë jats näj yëkxon nyïmëjpë tmumäto'otëj. ⁵ Näy nyäjmë mati'i puttëp nitij tkakuentëpëkt pënka'a näj tuny tso'om pyäätyë. ⁶ Päjt'äjtëpënäj kämtumpë jä'äy tkukentëpëktëj jawyi'inëj të'ëm kämjotm. ⁷ Win mäy kuentëtun tso ëts nwä'änyëj, nits mits Dios mojët tukëyë winjäw'äjtën. ⁸ Jä'äymyatsëj Cristo Jesus, mäjätso'onyëj mati'i David myuku'ktëjkë e'epyëj, mati'i ojts o'kën äkukmëj jyukyëpekyëj, naj itsäm nkapxëj tso'om Dios y'oymyätyäky, ⁹ mati itsäm ntu'ayo'oepyëj ku ëtsäm n'itnë tsumyë matsxëj tso'om tu'uk yëk jä'äy y'okëpëj. Dios yä'äw äyu'ujk kätsëj tsum matsx y'ijtyëj. ¹⁰ Näy nyäjmë nmutaneapyëj ëtsË tukëyë mati i ojts yëkwin ixtëj. jats näy nyäj tpätët mätäjkën Cristo Jesus Këxm, xontäjkën mati xëmëkuna'axyëj. ¹¹ Tyëywë yë tso ojts ya'anyëj: "pën yë'ë nmëtokyëntë nä ye 'etsëj nmëtjukyëkojmjayëm. ¹² Pën ë'entsëj nmutanëyëm matii y a tukeyë näxwiinyëj nikxëjtsä jam nmët ijtyën mäj jam niwintsën tunyëj pën ëënëj xyäm nku'ënyëm, nikxy tsa näy nyäj xtu'ënyën. ¹³ Ëëtëm pënka'a tyëwë ntunyën tyëywyë tsa ay'ijts ku ja'a katsä'a kë'ëm nyäku ëënyë. ¹⁴ It mits a'ixy itëp jats näj xtukjáämyatstëj nëjmëtë jats ka'a tyëkysipjÄtët Dios wyinkukm yë Dios y'äüw äyuujk nitij tkäpätët kunäj ja ätëtstët, jakëx kä'oy kyukëxëtë matii yä'ätëj tmäto nöxp. ¹⁵ Tun mitsa këm mati oy najst Dios wyinkukp mnëkxtëj jats ka tsotyunjotp mtääntë kunay wyënëtë xtunyëj të ma ti oy. Ku nay wyanöj xyëktuyo oy mati'i tëy'ajtë eepy ääw äyuujk. ¹⁶ Ka ti'i xkapx matii kä'oy (kapaj'atëp), matii jap yëk ja'apëj tako'onyëjotyëpyëj. ¹⁷ Naj äw äyuujk yëknijäwët tso'om tu'uk ookpëj. Yë'ë pä'äjt ajtëp Himeneo mëët Fileto. ¹⁸ Yë yä'äy tyëjk jä'äy, atë mati'i tyëywyë kyä'oktunëtëp yëë wäntëp, ku jää jukypyëjkën tëj jatyunënyëj yë atëtstëp ku nitukën äjäwën kukëjxenyëtë. ¹⁹ Mati ojts Dios tyëktso'onta'akyëj yukyëj tsa y'ityëj, jap ja këxjä'ääy tyëk ityëj, nyijawë kyexpytsa'a "niwintsën pën jap jäy wyat xyë'ëw itëpëj" pëmpëmtsëj niwintsën xyë'ëw kyäpxpäjt ja'apyëj mujäkam ka'akp tsa tukeyë kä'oy'ajtë. ²⁰ Mëk jä'áy tyëkëntum ka jayë äko'on ë'ëny tmëke matii puts të'ëkxpë, po'op tëkxpë. Jam näy nyäj ako'on e'eny matii pu'uy më'ët näjx. Jamts matii oy wyintsëjk ëënyëj jamts ma ti ka'oy wintsejk ëënyë. ²¹ Pën jamts tëj nyäkwyätsë ma ity jukyë äjt kyä'oyë, näjts tsa kyajxëknë tso'om tu'uk ako'on ë'ënyëj matii yëk wintsëjkë eepyë. Äwekyë tsa yëk këxy, tso ixpëkpë tyëk tu'unxët nä'äme pyä'ät atyë jats yëkxon tyunk pä'ätëj. ²² Mujäkam ka'ak matii önä'änk tëjk y'atsoktëpj, panëkx matii tëy, äjäwën, tsojkën, jotkujtajken jats matii wä'äts y'ääw jyo'ojte ku wyin tsën tkäpx pä'ätyë. ²³ Kääts x'oy'jäwët pën jam nikoj jääy myëk mnijäw eepyë ku yë'ë tsxip jatyëj. ²⁴ Niwintsën tyumpë ka'ats tsïptu'unt. Tu tä'aky tukëyë tyëkwinoyet, jats tutä'äky myuku'ukëj tëjk tä'äwä'äntëj. ²⁵ Tutääkyë yë xonëj tnëjmët muku'ukëj matii ja yëk tuutuk wajnëp nikxë Dios moyëj tikajtsën ku tnijaweenyët matii tëy ajtë eepyëj. ²⁶ Jats yëtë ätukyäjë nyäkyuwïj'ätët, ku jam pyitsëmtët mëjkujy y'ujy jotypy, mäj wyanë tëj matsxy y'ijtëj jakëxmmët tsxojkën këxm