¹ Pjia no-Diote, Pjia no-Diote, ¿Coada pimaca njoa? ¿Coada teeco pjia nooya lrioya jliaji piomacawa pimanacotaca njoa njite corrin pjimica coajica nowanaca Pikjaolre nowana cádanaco. ² No-Diote, nowanaca pjia jalrewerrico njite corrin pjiepaca njoa, njite deepi ricó nowana mincatsa pjia. ³ Mitsa cayo cadanatsa, matsidalri minicatsa Pjia; Piofacawa Talricanati sho ima nacantaca Pirso njaji Iraelnai. ⁴ Njaji waferrinaipemimi nacadaa nacaolore Pinaco, nacadaa nacaoolre Pinaco, njite oopi Piyomjetana. ⁵ Nawana Pikjaolre njite Pimanacotacana. Nawana Pikjaolre njite njite corrin pimenatacana. ⁶ Mitsa cayoca njoa acorro sho, njite corrin inaiki shoca noajiacacawa, imacada nacapaca njaji inaiki njite namenatanda njaji inaiki jalredaoca lricoperri. ⁷ Pjiomi njaji icapacape njoa, nadofiaca njoa; necaa noacao; nadetsica njewida nokjoete. ⁸ Ima naaco: ''Icatsa jliarra icadaacada icaolre Dio nacó, icada Dio carrotsa imanacotani. Icada Jlia carrotsa imanacotani ima catimaca lricapaca Lrirso.'' ⁹ Mitsa icatsa Pjia iderrica njoa njodoa iwawa lrikjoite; Opi pivcada nocadaca nocaolre pinaco noirra cádanaco toa njodoa inia. ¹⁰ Nacadaca njoa Pirso njodoa iwawa lrikjoite toa; ¡Icapiatsa no-Dioteca Pjia njodoa nakjoite toa! ¹¹ Corrin piofaca teeco nooya, ima tsoomica nooya njaji imatsicanati; corrin pacapa apada ikitsindatacada. ¹² Aima njaji nocoema vaaca atsiana shoperri nowaida naco; kjaidaperri cayoji vaaca atsiana Basaán lricoperri. ¹³ Namjeco aima nanoma cacocarrona nokjoete, cayoji yawi kerroaperri itsoetacape nawini. ¹⁴ Cayo noajiacacawa ooni capisho njoa pada iarronda, namacaaca-cawa njaji noapi. Njite corrinatsa kjaidaca njoa niini nocodocawa mateca sho pjiomi nowawalricoperri. ¹⁵ Metaca njoida cayoji meta capisho caalri; njite noenene irrocawa nonoma lrico. Picada shokena mayamica njoa. ¹⁶ Njaji tsino nacorrarrataca noa nashomitacanoa njaji apapoco inocape inaki naayaonita nocapirrico njite noijipalrico. ¹⁷ Notaita noniweta piomi noapi; caiyopa njaji nocoema corrin nenitaca natirrá nooya. ¹⁸ Natsafa notsayani nácarro narsowacani, napeco najishopa najícarro cocaotsa jipa njaji notsayani. ¹⁹ Maatsa teeco nooya, no-Diote; ¡pinaitja matsiacalri kjeya pino piyokjetácarro njoa, Pjia idanatacaita njoa! ²⁰ Piyomjeta njoa wade nainoca njoa matseta sho, wade nainoca njoa njaji nocoema yajicapewa cayoji tsino kerroaperri. ²¹ Piyomjeta njoa naoya yaawi inoma lrikjoite; pimanacota njoa vaaca kerroani itsowa ioya. ²² Nocaiteotsa coandalrica Pjia narso njaji nokitsiñape; nawacaacalriwa ipecolrikjoite watsa noa Pirso matsoiadalri. ²³ La matsiadalri Dio irso, sha ipeyocapeni. Ia Lrirso matsiadalri, sha Jacob inakjoiteperrimi. Icada Jlida inaitja irso matsiadalri, pjiomi sha Irael inakjoiteperri. ²⁴ Ima corrim maatsi lricapaca dofenadalrí lrirrapitacadanaco lriaji jirrapitacada; Lrioma cadanacon lriaji jirrapitacada; Lriaji WANINALRI corrin Lridawaca Lriecoa Lrioya; Lriwanacadanacon Lriaji Jirrapilacada, Lrimica Lrirso. ²⁵ Lriaji notima pinacoitedalrican, nokeñataotsa napecolricon njaji inaiki; nonaitaotsa Lriaji nocaiterripia napeyalre njaji icadape icaolreo lrinaco. ²⁶ Lriñacaotsa lriaji inonadalri, njite catimacaotsani; nawatsa matsiadalri WAMINALRI irso njaji yomacapen; njite catimawatsa nacaolre caidalriwetsa. ²⁷ Piomi njaji inaiki jipainacoperri nawaopiawatsawa, njite nadiawatsa WAMINALRI iderse; piomi watsa jalredaocalricoperri nacoanacaotsa lricaolre. ²⁸ Ima lriaji jidatji WAMINALRI njitedalrican lriaji watsa piomi nanaco njani jalredaocarricoperri. ²⁹ Naiñawatsa njite nawatsa matsiadalri piomi njani talricanatinai caidaperri. Natodootsa naorripadao piomi lripeyalre; njaji iowacape cayo mayamiwatsana cayo poalrípocoa sho. ³⁰ Njaji njapodomperri, nawatsa lrirso matsiadalri, nacatewa WAMINALRI iaconá narso njaji napodamperri. ³¹ Piomiotsa njani corriperritoa imitoa nacaitechacaotsa lrimatsiaca naco lria lriaji lrinaitalri.