¹ ¡ Liaji talricanati lrijuiwitacawatsa lrinaco lriaji pjiiidaa, pjia waminali! ¡ Njaji aimadam njajoiwitawatsa lrinaco lriaji iomjekai pjicadali! ² Oopi pjicada lriaji pjiwopjiake pjicaolrelricoitje jnite corin pjicada naawa njaji pjicaiteri pjinomasho. ³ Nini pjia pjide maatsiaperi pjicaoñashopa; pjicada pjiwinanaco pada lriwidaro owirojná. ⁴ Lria lritjáta pjinei caafishoda, pjiatsa iaca lrisro, pjiatsaca iaca jalripacaro lrifacao jecoapilrico kaidalriwetsa jnite kaidalriwetsa. ⁵ Lriaji picananialre icatsa maacadalrican lricaotje lnáji pjimjetalri, pjiatsa icada naicao lriaji pjicananjialre njite pjiidaa. ⁶ Nini pjia icadjaa nasro matsiaperi maacoadape wiiyaperimatsica; pjia icadaa catimadalri lrisho liaji itjimati mawayacadalri pjifacawalrico. ⁷ Nini lriaji talricanati lricada lricaolre lrinaco lriaji Waminali, lrisho lriaji lricaiteripjia lrisho lriaji icapakada yeenonnjitje, lría coriwatsa lriaca pjaaafericolre lrioya. ⁸ Lriaji pjicaapi lripacaotsa piomi njani pjicoema; lriaji pjicapi aatsiema lripacaotsa njaaji maatsiperi icapaca pjisro. ⁹ Keroacadanacowatsa pjia, pjia pjimaitacaotsanja caijni tiyee keroidalrisho. Lriaji Waminali lriwayaketaotsanja lrisro lriaji lriisroa njite lriaji tiyee lriwayaketaotsanjá. ¹⁰ Pjiawatsa iwayaketanja njaji nawalripodaa jipailricope njite naji imotocape napodam lriricodape lriaji naoyawaca njaji inaiki. ¹¹ Nini jnáa naomjetaca maatsidalri pjicoemao ¡ Jnáa namatoetaca pada nainocaroafe pjia Mitsa corin lrimotoca njasro! ¹² Nini pjia pjicadawatra njapitoca pjioya, pjia pjipecowatsa pjiyawitsiocoti njacoema. ¹³ Pjiawatsa yeenonlre, pjía waminali, lrinaco lriaji pjiída, faa wacantawatsa njite wawatsa maatsiadali pjisro lrinaco lriaji pjiida.