¹ Icapa, wadepenaotsa nomeenacaca jliaji ideecada Noaco, njite jlia catsa imatsieta nacaolre ricó njaji inaiki nacoadatá carro njoa. Njite jliaji TALRICANATI, jliaji yajirri ioma, kjeyanaotsa lriocacawa lriipana macade lricó. Njite jliaji ideecada jliaji yácoti nocaitenda pia irso icadaalri catiimaca shá, njite yanjí-carro, lriokjeniotsa,'' lriaco jliaji tsolrodaonai iamadalri ITALRICANA. ² Mitsa, Corriotsa coca itaita yemaca lrikjoete jliaji TALRICANATI lrino caojliotsa lricaite naacona njaji jalredaoca lricoperri. Ima cayocaotsani tiyé shó imjaitacada njaji maatsiperri, njite aboni sho cani icotsocada itsayani. ³ Njite lritalricanata caotsa cayoji lrideji capisho jliaji idejicada palrataitape sho tiyé rico lrimatsietá-carro njaji lridenjirri. Cayoatsa lrimatsieta namatsicana ioya njaji Leví yénipe. Lrimjaitaotsa namatsicanaa cayoji namjaita capisho owirro njite palratape tsakja matsiá-carrona, njiteotsa nadee na ofrenda matsiaperri Dio irso. ⁴ Njite dekjaotsa matsiaca na-ofrendani njaji Judpa lricope njite Jerosalén tsakja Dio irso, cayoji nanaitja capisho pia oopi. ⁵ Njite-naotsa notsomita shá nocaité-carro yaacona. Njite kjeyaotsa noemaca nakjoete njaji malrirrinai, cawilreperrim, icaitecape ishatitsa apjetsida nacó, njite nakjoete njaji jirrapitacape njaji idenjicaperri narso njite corrin nacaoñana matsia, njaji jirrapitacaperri njaji madoiyoanaipe njite maoñjerrinai, njaji idietacape naoyawa njaji inocaperri pada jiipai nakjoite naikjaolre, njite nakjoete njaji corri-perri iá Norso matsiadalri, lriaco jliaji tsolrodaonai iamadalri ITALRICANA. ⁶ Ima Njoá, IMINALRITI, corrin teecojleca nowaopiakje, caishopa shá, Jacob yénipenai, corritoa iwayacacawa. ⁷ Jinirrinaipemi caojli pia, icapiena sheena piaca noaco ioya, corrin shepa inaitjaca cayoji nacaite capisho. Idiá Noikjaolre, njiteotsa Nodiá tsakjaotsa ikjaolre,'' lriaco jliaji tsolrodaonai iamadalri ITALRICANA. ''Mitsa icaiteca cayoji: ''¿Coaji watsa wadiaca Pikjaolre?'' ⁸ ¿Capja pada inaiki itaita iñaitoca Dio? Ajã, ima iñaitoca Njoá. Mitsa icaite cayoji: ''¿Coajẽo wañaitoca Pjia? Diezmo sho njite ofrenda nacó tsakja. ⁹ Niini Nocaiteca maatsitsa inaco, ima pjiomi njaji inaiki jalredaoca lricoperri, nañaitoca njoa. ¹⁰ Idee pjiomi njaji diezmo icadaa carroda lrico, mjetatsa naoya nanacope, njite corriotsa jirrapitácarroca maawitacai iipana lrico. Íwi icapao Njoa lrinaco, lriaco jliaji tsolrodaonai iamadalri ITALRICANA, ''Niniotsa nomjeco eeno ipananoma noarró-carro matsiaperri inaco njite lriarro paotsa ioya. ¹¹ Nopieta tsenakja caacoca Njoa nakjoete njaji imatsiketacape napania, wadee namatsiketaca napania. Corriotsa natsicaaca carrocawa ovapji iinaca,'' lriaco jliaji tsolrodaonai iamadalri ITALRICANA. ¹² ''Nacaiteotsa inaco njaji apana inaiki matsiaperrica shá, naofacawa njaji inaiki catima-perri,'' lriaco jliaji tsolrodaonai iamadalri ITALRICANA. ¹³ Maatsiperrica njaji yácoti icaiterri Nokjoete, lriaco jliaji TALRICANATI. ''Mitsa icaiteca: ''¿Coajῖo caacoca fa maatsi pikjoete?'' ¹⁴ Ima icaiteca: ''Mikjapantsa padejῖca Dio irso. Mikjapantsa panaitja cadaa cayoji lriaco icaite capisho, corritsa coadaca inonaa cadaa pja caaco capoa maatsitsa lrikjoete jliaji tsolrodaonai iamadalri ITALRICANA. ¹⁵ Njite panaya wacaite matsiaperrica njaji padalreperrimi, njajῖ inaitjacape aima imatsicanaati, njite panaya icapa coajῖca náwica nacapá-carro Dio imatsiaca, njite corrin njerrapitaca namatsicana icoada.''' ¹⁶ Njite njaji inaiki ifiocaperri Dio iwana naaco narsowaaca lrikitsinda yaapoiya. Jliaji IMINALRITI jimintsa njite lriwapa jlimi matsia, njite nadana papje paperra coajῖ piacana lripeyajle, nanaco njaji ifiocaperri Dio iwana njite naa matsiadalri lriipitana nacó. ¹⁷ ''Noyarrope caotsana,'' lriaco jliaji tsolrodaonai iamadalri ITALRICANA. Icatsa njaji Noyarriope, jliadaa watsa nocaiteca naacona njaji nonaikite. Kjenaa watsa nocapaca narso, cayoji kjenaa capisho pada icapaca lrienipe sheepacada lriaco. ¹⁸ Njite nacapaotsa coajica naoyawaaca njaji inaitjacape matsia naoya njaji inaitjacape maatsi, njaji iácape matsiadalri Dio irso njite njaji corriperritsa iá matsiadalri Lrirso.