¹ Panaya shá sacerdotenai, nonaaca shá cayoji. ² Corri cadaa jimi Norso, corri cadaa ioma Njoa icaolre rikjoite iá-carro Norso matsiadalri,'' lriaco jliaji tsolrodaonai aimadan ITALRICANA, ''niini pedaotsa nomeenaca ikjaolre maatsi-perritsa, njite corriotsa matsiá carroca shá idejicalre nacó. Ajádalri, opina Nocadaa inaco maatsidalri, ima corrica icadaa Noaco icaolre ricó. ³ Icapa, wadeepena nopeecoca Noyawa njaji idakenai, njite Nopecoatsa yecoa naco namatsicanda njaji maaficalri inonda icatimataaca carroa lrico, njite nopecoatsa teeco sha lriinai. ⁴ Nite yajiwatsa Njoaca icadaa inaitjá-carro jliaji, njite caicarrom catsaotsa noaco nainai njaji Leví poco,'' lriaco jliaji tsolrodaonai aimadan ITALRICANA. ⁵ Ima jliaji yácoti Norsolri pia naapiya, naofá-carro matsiatsao namaodacatsa, njite Nonaitja cayoji nocaite capisho, catiima lricapa piaca Njoa caicadanaco pia njite lrifio pia noiwana. ⁶ Lricananta pia Noaco matsia, njite corri pia lricaiteca ishati nacó. Lriofá pia lrimaodacatsa Noinai, njite lrikitsindatá aima inaiki yácoti sho namacá-carro mamatsicana. ⁷ Ima icacatsa nadejicalreca njaji sacerdotenai, nacanantá-carro njaji inaiki nají-carro Nonacó, ima icacatsa jliaji ideecada lriaco jliaji tsolrodaonai aimadan ITALRICANA. ⁸ Mitsa shá opi yami inaitjaca matsia Norso. Oopi ima njewacawa njaji inaiki corri capoa yají icanantaca matsia noaco. Oopi jita dajlemi jliaji yácoti Norsolri pia eví iinai,'' lriaco jliaji tsolrodaonai aimadan ITALRICANA. ⁹ "Niini Njoá tsakja, nocadaa namenataca shá pjiomi njaji njaji inaiki aimadan, miperrim shoca nacapaca irso pjiomi, corri capoa sheepa inaitjaca njaji nonaalri inaitjaca, icaamitsa icanantacana teecojlepe naoyawaaca njite njaa pja icapa irso njaji caaconaperritsa naoya njaji apetsida." ¹⁰ ¿Capja corrica pada catsa jliaji Jinirriti? ¿Capja corrica apadalri catsa jliaji Dio inaitjalri pjiomi shá? Niini corritsa matsialrica ferrapiteetaca wakitsinda, corrin tsakja wataita wamacoadataca Dio iaco lrinaitjanda pia waferrinaipemi yapiya oopi? ¹¹ Mjepacape catsa njaji Judá poco. Nanaitja cadofiakjedalri Irael lrico njite Jerosalén lrico tsakja. Ima Judá inaitja maatsi lrirso jliaji Dio shenitanda lrirsowao Lriofa carrodawa, jliaji lriomanda, ima lriofa kenakjawa pada tekjoitedalri iiti yápiya. ¹² Dio inocaotsa jliaji Jacob iipana lricoda lrinaitja cadaa cayó, njite pjiomi njaji inaiki,corritsa coadaca lridee cadaa lri ofrendaniwa lrirso jliaji tsolrodaonai aimadalri ITALRICANA. ¹³ Njite inaitja tsakja cayoji: iitaca jliaji ITALRICANA ialtarni itjiafia shó, inonacalri, njite icajakjeti sho tsakja, ima corri catoa Lricapa lrirso jliaji ofrenda idenda, corrica lricoadata ioyani. ¹⁴ Mitsa icaite cayoji: ''¿Coada corrin lrioma Lricoadataca waoyani?'' Ima jliaji IMINALRI yají coan piaca inaitjaca yácoti jitaaca cádanaco pia, jliaji pimatsiketalri, pikitsinda, piino cadanano pinaitjanda yaapiya yácoti. ¹⁵ ¿Capja corrica Lricadaa apada carrotsa njaji yamadade, njite lricadaa narso jliaji Caolriti lrinakjoitedalri? ¿Coada lricadaa padatsa njaji yamadade? Ima lrioma piaca Dio yenipe nanakjoite, niini warsena imatsietacawa iofa matsia icaolre rikjoite, wadee imatadaca irsowaaca. ¹⁶ Ima maatsí Nocapaca narso njaji imacaaca capewa,'' lriaco jliaji tsolrodaonai aimadalri TALRICANAATI. Niini warsena imatsietacawa iofa matsia icaolre rikjoite, wadee imatadaca irsowaaca.'' ¹⁷ Oopina imapjitaca Dio iaco shó. Mitsa icaite: ¿Coajeo wamaapjitaca pjia?'' Icaite cádanaco: ''Matsia catsa Dio icapaca narso njaji inaitjacape maatsi Dio ipet?"