¹ Mitsa njañji israelitanai nanaitaca maatsicha napiya njanji iyasruti njeenitanji pia nawayaquetaupeau. Acan carmi ienipe, Zabdi ienipe, Zera ienipe Juda inaikica ricupesri lripeca iyarruti njenitampe nawayaquetacasru na, njite Waminalri quesruacani nacjuete nja yacalre Israel. ² Josué imenacara aachianai Jericó ricjuite nacaru Hai sre. Chumitsa Bet Aven iuya jeeri imutucawalre Betel njite. Njite lricaitecana: "iawa, njite icapa lri jipai" njite njanji aachianai nacau, njite nacapa lrianji Hai. ³ Nadiacadanacua Josué icjaulre, nacaitecan: Mameenacacha pjiomi lrianjji yacalre Hai sre. Pimenaca dos mil o tres mil tsa aachianai nacaru nainuacao Hai sre. Macadaatsa nadeeñjica pjiomi acanji nainuacacawao, ima chupepjacatsana numero nacu nañji Hai sricuperri. ⁴ Nini nacau tsumi tres mil aachianai aapenji chulrudao ricu, mitsa njaañji napituquecao nauya njaañji aachianai Hai ricuperri. ⁵ Njaañji aachianai Hai ricuperri nainuqueca tsumi treinta y seis aatsianai iinuaca capeu, napinietacadanacuna tsumi lripananuma lriañji yacalre, teerutsa caiñji lricaishu lrianji njetacawa jipada, njite nainucana naurucu cadanacu lrianji jipana, njite njaañji, yacalrenanai nafiucao aañji nacaulre ricu njite lricadaaquecana lriacañji na aachiaca. ⁶ Njite Josué lricheremteca njaañji lrichayan. Lria njite njañji pequipenai Israel ricuperri napeewca lritaipe njevidanacu, nayamjacao lritaipe riañji njevidanacu, nayamjacao lripjeeyalre lriañji arca, lriañji yacuti nayulri Diu inei Waminalri, niini catsana atee dainumalre. ⁷ Lriapudam Josué iacu: "Numinalri Diu" ¿Ciada picada lriyuetacao Jordán lriañji yacalre? ¿Picadacarru nacapirricu faa njañji Amorreos nai nawayaquetacarru faa? Aapiachanta waufawanj, pemjete lriañji Jordán. ⁸ ¡Numinalri! ¿Cuca nutaita nucaiteca, panaya nawayaqueta cadanacueca njañji Israel, njite napituquecau napjeyale njaañji nacuema? ⁹ Panaya njaañji Cananeos nai njite pjiomi njaañji jalredauca ricuperri njemicautsa lriañji. Njite nacawainita Caucha fa, njite nanaitjacaucha njañji inaiqui jalredauca ricuperri ñami caruecha nawaopia lriañji waipitana. Njite, ¿Cucautsa pinaitja lrinucu lriañji pipitana macadalri? ¹⁰ Lriañji Waminalri lriacu Josué isru, "Pjinicua" ¿Cuada piyamjeta piecua jipai nacu? ¹¹ Israel inaitja maachi. Ñamtsa nanaitjenca lrianji yacuti washulri nunalri pia nanaitjaca. Nañaituqueca paana iyasruti njeenitampe pia. Ima nañaituqueca njite nadawachaca namachicana, njite nacadaaca njañji nañaitunji nayasru inei. ¹² Nini lricaute njañji israelitanai ñami nataita nacjuete njaañji nacuema. Nini napituca nacuema yuya, njawacacha iuma lriañji nawayaquetacana. Ñamiucha inai njúa cjesrecacha iwayaqueta njañji iyasruti isrulripiacha iwayaquetaca, ima idawacachana. ¹³ ¡Pjinicua! Pimachieta njañjiyacalre nusru, njite picaite na: Imachietacao, ipiyuacau tjewa ipia. Ima lrianji Waminalri, Israel idiute lriacu: Nini paana iyasruti njenitampe nawayaqueta caruna mitsa acatuanañji ipecuculricu, Israel, ñami itaita invacacau nacjuete nañji icuema cjerecatsa jita pjumi njaañji iyasruti njenitampe nawayaquetacaru na. ¹⁴ Piyumpinacuacha, icañjatacauchau pjiomi inaikica waca. Njiteucha njaañji Waminalri iwanapipe nanaikica wara nanucaucha naapanjeta iapiya. Njiteucha njañji naapanjeta Waminalri iwanialri nanucaucha nacañjotacau pjiumi njaañji aachia nai pada pecha. ¹⁵ Niniucha lriañji lrienitampe, lriacada jipa njaañji iyasruti nañaitunipe. Namjaita cauchan, lria, lripanjeta, njite pjiumi lrisrulri, ima uupi lrimacuadata lriañji yacuti wasrunda Waminalri iapiya, njite lrinaitja maachi Israel nicu. ¹⁶ Nini Josué icafiacau depituau njite lrideeca tsumi Israel, nanaikicawaca nacuamicha, njite lriniwanaca njaañji Judá inaikica waca. ¹⁷ Njite Josué ideeca njañji Judá ipanjeta tsumi, njite naniwanaca lriañji Zera ipanjeta. Njite lrideeca padapecha njaañji Zera ipanjeta, njile naniwanaka lriañji Zabdi. ¹⁸ Lrideeca njaañji Zabdi ipañjeeta padapecha, njite Acan Carmi ienipe, Zabdi ienipe, Zera ienipe aadalrinji Judá inaikica ricuda, naniwanacan. ¹⁹ Njite Josué iacu Acan isru: "Nuenipe, picaite lriañji mashadalri Waminalri ipjeyalre Israel idiute, njite picaite piacuna lrisru. Pinaitja machiacalre, picaite ¿Cuca lriaca pinaitja? Madawachachu cuca nuyan". ²⁰ Njite acam shepacan:Mashadalricha nunaitaca maachi lricuema lrianji Waminalri Israel idiute. Cacha nunaitalrica lriañji: ²¹ Nucapacada nacu nasricuda njaañji iyasruti cacuadape pada nasrudape machiadalri Babilonia dalri, doscientoita moneda palratape, njite pada barra uwisruita jamiña dalripja pamuyua kilo iuya, nuqueminaca njite nudeecana. A nudawanañji, jipaisricu nupanaita ipamuyuaca naapiya njaañji modeda palrataitape napjite. ²² Josué imenaca njaañji idecape yacuti, shecucapeu lripinaita lriculre njite ninica njaañji iyasruti. Njite nacaucadanacu naquetacana aañji lridawacarumna añji lripanaita ricu njite napjiteca njaañji moneda palrataitape. ²³ Njite nepaqueca lriadanacu njaañji iyasruti lripanaitalri cjuite njite nadeecana Josué icjaulre njite pjiomi Isralita nai tsaca. Njite nacadaa cana Waminalri ipjeyalre. ²⁴ Njite Josué pjiomi Isralitanai tsaca lrinei, njepeca lriañji Acan Zera ienipe, njaañji palrata, lrianji nasrudape cacuadadalri njite lrianji barra uvisriuite, njaañji lrienipe, nijite lrituanipe, njite njañji lri bueyes nai, lri mulanai, lri ovejan nai, njite lripanaita njite pjiomi lrsruperri pia, njite nadecana pjiomi jipai pacuacaitacawalre Acor. ²⁵ Njite Josué iacu: ¿Cuada pidee wasru jisrapjitacjelri? "Panaya Waminalri idee cautsa pisru jisrapjitacjeti."Pjiomi Israel naucaqueca jipado nanacu njite namjaitecana. ²⁶ Njite nasietecalrinacu pada jipanadan jipadapeshu, ninicatuan panajiete. Nini Wuminalri lrimaudaca lriuya lrianji. Lrirrua lricjaute nacuda lrioitana atee panajiete, jipiai pacuacacawua Acor.