¹ Panaya, piumi lipantinomana liaji Jericó taimipiana cuada naicuate naji tsolodao israelitanai. Cutsacuca imota cutsacuca tsewao. ² Liaji Dios liaco Josué iso: " Pja pianintsa, nocadaca Jericó picapirico, liaji Rey nite litsolodao peri". ³ Isotsa llacao icapoconio liaje llacale, diomi atsia llacape uvirico navatsao icaponio liaji yacale jareduca icuan. Jinaitautsa seis valia jaredauca icuan. ⁴ Siete sacerdotenai nasotsa nadeca siete napianda trompeta carnero itsuvan lipeyate liaji arca. Siete shopa jaredauca, nacaotsao icuoconio a linomapi liaji yacare siete valia, mitsa naji sacerdotenai nasotsa napiaca kema naji napiaje trompeta. ⁵ v5. Nautsa inita yaca apada limadeo jaripja nasho naji carnero itsuvan, nite jimicadanaco liwaole liaji trompeta pjiumi naji naiki nematjacautsa caidagmitsa lidanan liaji jacale liwacaotsao, nenipenaá naji israelnai, nainitawasha nainuacacaa padapesha nacaá napjeyaleo." ⁶ v6. Nite Josué lienipje liaji Num, liwana naji sacerdotenai liaco natso: "ideca liaji arca nanaitaida Dios iyada, mitsa icada siete sacerdotenai ideca siete trompetas natsuwan naji carnero lipeyaa liaji arca DIOS iyada". ⁷ Mitsa liaco yacale iso: "yawa yemanio liwaida liaji yacale, mitsa naji atsia uvinai nawatso lipjeyale liaji arca DIOS iyada". ⁸ Caiji Josué icaitecapsho natso naji liyacaletsa, najii siete sacerdotanai naadeca naji siete trompetas napjianda natsuwarisho naji carnero lipjeyalec liaji DIOS. Cai pia nacayao nakematapia najii napiaji trompetas liaji arca idecada DIOS yacuti yada napiyaa lino naapodamite. ⁹ Ashanai owinai nacao napeyale naji sacerdotenai, icatsa ikematucapje naji trompetas niteshaca liapodan liaji arca DIOS iyada naco naji sacerdotenai, napiatsa naja napiaji trompetas. ¹⁰ Mitsa Josué icaite natso naji yacale: " nacao macutsa, ate liadautsa jaledauca nocaite itso shemata. Icamitsotsa itaita shemataca". ¹¹ Caipia Josué jinaitaca liaji arca DIOS iyada, licao papiatsa lidanan liaji yacale. Ica mitsa nadiacao newao namali nirse, neyapetaca deepi ninsta. ¹² Nite Josué icawiao piyunpinaco liada mitsa naji sacerdotenai naadeca liaji arca de DIOS iyada. ¹³ Mitsa naji siete sacerdotanai idecapepia naji siete trompetas natsuwan naji carnero lipeyete liaji arca DIOS iyada, naji yacape macayan nacadanaco napia trompetas jiman. Naji tsulodao uvinai nacao napjeyale nauya, mitsa naji pana nacao liapodan liaji arca DIOS iyada, mitsa napiaka trompetas kemapio na caidapjetsa. ¹⁴ Nite segundo shopa jeredauca neemanikenao lidaman liaji yacale papiatsa icamitsa nadio nawalinirse. Caipia nanaitaca liaji valia jaredauca. ¹⁵ Icatsa liada séptimo shoda jaredauca cuanca nacawiocao limotocadanaco liaji jeri, kena necao lidan liaje yacale caiji nanaitacapisho pia, mitsa panaya nanaita siete valia. Icatsa liada jaredauca nacao lidanan liaji yacale siete valia. ¹⁶ Icatsa septimo shoda juredaucu, naji sacerdote nai napiaca najipnatrampelani pjeloman, caiji Josue icaitecapisho cuaji nanaitacu naji yacaleta "shemata." Ima lieyi Dios licadakena liaji jacake. ¹⁷ Licaite liaji Dios, piumi jiaji jacale natsaca naji uawacapenini nawayacaa. Icamitsa cawiotsa Rahab shuaji cawileduru- shua natsaca naji juwacapje yupanalico piumi -ima shua rudawapacoa naji atsianai wamenacanipe. ¹⁸ Mitsa sha, icapaatsa nanaco naji sheneta cacape, ima na wayacacaotsao,mepatsa currintsuca lineacuitedali. Ima naawaca jinaitacada cayo, lideraotsa matsidali nite kenacali nauwacavalico naji israelnaj nini litsutsa liwayacacao ¹⁹ Piuminajipalata, liatsaca uviru nashaca naji nanaitaji broncesho liatsaca tsipala nenetautsana Dios iso .Ima naji njawatsa nawapacaruda Dios. Iyada. ²⁰ Nemicadanaco naji yacaleta liaji naapionda , (trompeta ) neemataca piumi pacuacatsa nini liaji lidana liwacao icamitsa newakena liricuda liaji jacale .Apadape nacao mayacan napeyaleo. Nacaidatacao lima liaji.jacale. ²¹ Nawayaketa padeniiri piumi naji jacalericuperi natso naji matseta otsianai, inaitepe, yempetipepjatoa natsaca pekepenaipe , natsaca bueyes, ovejas, burros, tsaca. ²² Icamitsa josué icaiteca natso naji yamadade atsia iwapacape icapao liaji jipai panaya liacao rupanalico shuaji cawiledaru imotuetaca shuaji inaru natsaca ruineperi padeniri, caiji icatecopishopia. ²³ Nini naji yenpetipe icapacapepia liaji jipai newacao icamitsa netaca shuaji Rahab. natsa netaka shuniri, shu dua, ruvenaipe natsaca padeniri rukitsiñape yowacape ruinai. Nadecana apewerico namacawa tecotsa nauya nauwacawalico naji israelnai. ²⁴ Can patsa namaitekena liaji jacale natsaca litsoperi padeniri. Icamitsa palata, liatsaca uviru. Natsaca vasijas nanaitaji broncesho natsaca shipala nadena nawapacarudalico Dios ipanalico. ²⁵ Icamitsa Josué icadali shuaji Rahab cawiledaru, liaji shuniiri ipana natsaca naji iuwacapje ruinai, cawicatsana.ruenipenena naowa aji israelrico panashete lia jaledaucaca. Ima rudawacapoa naji atsianai liaji Josué limenaca nacaru nacapa cuanca liaji jacale Jericó. ²⁶ Nite Josué licaiteca natso liada apada yacuti ajadalidalisho nini licaiteca macadawaliotsa Dios ipeyete liaji atsia initacada jinaitaca liaji yacale Jericó. Lienipe initacada imotocao napecuatsani tjupi ipocodanaco, liatsaca lienipe piketendali mayamiotsani yacale ipananomatse. ²⁷ Mitsa Dios piatsaline curin tsuca limacaca Josué liaji lipitana catinacani piomi jipainaco.