¹ Jiipaí nacadanda nasho njaji inaiki Jodá poco ishó, nacoanaa njaji njanirrinaipem; lriocawa njepaite iocacawao njaji Edom perri, njite jalrapocolri Zin dalri, aatsia jliemjete jeerri isho. ² Njepaite iocawa, aatsia jliemjete jeerri isho, Macapawan Piwádalri jiwidana nacjoite, jlienitacaitao iocacawa aatsia jliemjete tsa jeerri isho. ³ Pada njepaite jinaana tsacja, lriocawa awacada Acrabím nacojle njite lriyapawa Zin icodapi, njite jlirrawa aatsia jliemjete jeerri isho Cades Barnea isho, Hezrón icódapi, yeenon Adar nacojle, lridiacawa Cárca icjaolre. ⁴ Jliyapapiawa Asmón icodapi, onipaocja Egipto dalri ricó atée lrimotocawa macapawan nacoje. Icapia njepaite jinaanaca aatsia jliemjete jeerri isho. ⁵ Njite atsiajliemajle jeerri isho, lrioca piawa Jordán imotocawa Macapawan Piwádalri nacó. Njite patojliemajle jeerri isho, Jordán imotocawa Macapawan icoyoa nacó. ⁶ Jlirrawa Bet Hogla nacojle Bet Arabá icodapi atsiajliemajle jeerri isho. Njite jlirra pjaawa atée lriocawa Jiipada Bohán nacó Robén ienipe. ⁷ Lriawa Debir iicjaolre pacoacaitacaawa njiteo Acor isho, njíte lridiawa patojliemajle jeerri isho mayacan Gilgal nacojle, lricoemjete jliaji jiipana tjewacajle dalri Adonim isho, atsiajliemajle jeerri isho lrisho jliaji jiipai pacoacaitacaawa. Njite lriapjao njepaite jinaa onipaocja iinai En-Semes dalri atée lriocawa Rogel icjaolre. ⁸ Njite jlirrapjawa pacoacacaawa naco Ben Hinom dalri atsiajliemjete jeerri isho lrisho jliaji yacaalre Jebús, jliaminitsa Jerosalén. Njitédalri jlirrawa lrinaco jliaji jiipana lricoemjeté dalri jiaji pacoacaitacaawa jiipaí Hinom dalri, jeerri jiewa keemajle, patojliemjete jeerri isho lriwayacacaawao jliaji pacoacaitacaawa jiipai Refain dalri. ⁹ Njite njepaite jinaa ia pjaawa jiipanalrima nacjoite teeco onipaocja Neftoa nacojle, Neftoa njite lrimotowa nanaco njaji yacaalre Awacadacaawa Efrón nacojle, lridiawa Baala idaanam she. Baala, jliaminitsa Quiriat-jearim. ¹⁰ Baala ricjoite njepaite iyofiawa jeerri jiewa kjemjeteo, lriocawa awacada Seir dalri icjaolre, njite jliyapawa Awacada Jearim (Quesalón) icodapi inarroemjete jeerri isho, lriorrocowa njite Bet Semes nacojle, lriyoetá carró Timna icjaolre. ¹¹ Njitedalri lriawa Ecrón icodapi inarroemjete jeerri isho, lriyofiawa Sicrón icjaolre njite jliyapawa coshoca jliwalripaca jliaji Awacada Baala dalri, njitedalri lriocawa Jabneel naco. Njepaite jinaa iocawa macapawan nacojle. ¹² Njite jeerri jiewa cawao iicjaolre, njepaite iocawa lrinaco jliaji Macapawan Mediterraneo njite pjiomi lrinomapiana. Icapiatsa njepaiteca jinaaca njaji Jodá poco, njanirrinaipe iipitana naco icoanaa. ¹³ Josué inaitjá carró cayoji Diu icaite capisho lrishó, Josué icadáa jiipai Caleb isho Jefone irrí, njepaite ricó njaji Jodá poco, Quiriat Arba ricó, jliaminitsa Hebrón (Arba, Anac jinirri). ¹⁴ Caleb jiameeta piana oowi ricó njepaite ioya njaji madalridade Anac ienipem: Sesai, Ahimán njite Talmai. ¹⁵ Njitédalri lriawa lrinaitjá carró oowi nacjoete njaji Debir perri, Quiriat Séfer piatoa neepitana oopi. ¹⁶ Cayo Caleb icaiteca: ''Coandalri caotsa áatsia jiameeta oowi rico njaji Quiriat Séfar ricópe, noawatsa lriinoa shoaji noito Acsa.'' ¹⁷ Otoniel Quenaz irrí, Caleb iwerritsa jiameetana oowi ricó njaji Quiriat Séfar ricópe, niini Caleb iaca Acsa Otoniel iinowa. ¹⁸ Niini Otoniel ideecadanaco shoaji lrino Acsa, lrinaa rotatjá carró shonirri iinaí njepaitewa lricodapitsa. Niini rórroco cádanaco roborrón ioya, Caleb iaco rosho: ¿Cocao pioma noinai? ¹⁹ Njite Acsa jiepani: ''Pinaitja pada matsiacalri nosho, ima picadenina nosho jiipai Neguev ricó, piaatsacja nosho pacja onipaocja''. Niini Caleb iaca rosho pacja onipaocja jiipana nacó njite jiipana taji naco tsacja. ²⁰ Icatsa njepaiteca nanda nasho njaji Jodá poco, nacoanaa njaji njanirrinaipe iipitana nacó. ²¹ Njaji yacaalre nayada njaji Jodá poco atsia keemjete jeerri isho iicjaolredalrí, Edom jipaitena iocacawajle icatsa njaji: Caseel, Edar, Jagoar, ²² Cina, Dimona, Adda, ²³ Cedes, Hazor, Itnán, ²⁴ Zif, Telem, Bealot, ²⁵ Hazor Adata, Qoeriot Hezrón jliaminitsa Hazor, ²⁶ Aman, Sema, Molada, ²⁷ Hazar Gada, Hezmón, Bet, Pelet, ²⁸ Hazar Soal, Beerseba, Bizotia, ²⁹ Baala, Lim, Esem, ³⁰ Eltolat, Qoesil, Horma, ³¹ Siclag, Madmana, Sansana, ³² Lebaot, Silhim, Ain, njite Rimón. Venti noeve namaimaca njaji yacaalre naapiya njaji yacalreewape nacodapiperri. ³³ Njite toomo caawajle awacadacaawa jeerri jiewa caawa iicjaolre, icatsa njaji: Estaol, Zora, Asena, ³⁴ Zanoa, En Ganim, Tapúa, Enanm, ³⁵ Jarmot, Adolam, Soco, Azeca, ³⁶ Saaraim, Aditaim, njite Jedera jliaminitsa Gederotaim. Catorce pia namaimaca njaji yacaalre naapiya njaji yacalreewape nacodapiperri. ³⁷ Zenán, Hadasa, Migdal-gad, ³⁸ Dileán, Mizpa, Jocteel, ³⁹ Laquis, Boscat, Eglón, ⁴⁰ Cabón, Lahmám, Quitlis, ⁴¹ Gederoth, Bet Dagón, Naama njite Maceda. Diecisei pia namaimaca njaji yacaalre naapiya njaji yacalreewape nacodapiperri. ⁴² Libna, Eter, Asán, ⁴³ Jifta, Asena, Nezib, ⁴⁴ Keila, Aczib, njite maresa. Noeve pia namaimaca njaji yacaalre naapiya njaji yacalreewape nacodapiperri. ⁴⁵ Ecrón, naapiya naji yacaalre ninperri njite njaji yacalreewape nacodapiperri. ⁴⁶ Ecr'on ricjoite atée lriocawa ooni macapawan nacojle, pjiomi njaji yacaalre naapiya njaji yacalreewape nacodapiperri. ⁴⁷ Asdod, njite pjiomi njaji yacaalre naapiya njaji yacalreewape nacodapiperri, Gaza, njite pjiomi njaji yacaalre naapiya njaji yacalreewape nacodapiperri; njite lriocawa onipaocja Egipto icjaolredalri, lria pjawa Ooni macapawan nacojle njite lrinomapiana tsacja. ⁴⁸ Njaji yacaalre awacadacaawa, icatsa njaji: Samir, Jatir, Soco, ⁴⁹ Dana, Quiriata-Sana Debir tsacja lriipitana, ⁵⁰ Anab, Estemoa, Anim, ⁵¹ Gosén, Holón, Hilo tsacja. Niini pia once yacaalre naapiya njaji yacalreewape nacodapiperri. ⁵² Arab, Duma, Esán, ⁵³ Jamun, Bet Tapúa, Aeca, ⁵⁴ Humta, Quiriat Arba Hebrón tsacja naanjecani, njite Zior. Noeve namaimaca njaji yacaalre naapiya njaji yacalreewape nacodapiperri. ⁵⁵ Maón , Carmel, Zif, Juta, ⁵⁶ Jezreel, Jocdeam, Zanoa, ⁵⁷ Cain, Guibeá, njite Timna. Die yacaalre namaimaca naapiya njaji yacalreewape nacodapiperri. ⁵⁸ Halhul, Bet Sur, Gedor, ⁵⁹ Maarat, Bet Anot njite Eltecón. Sei pia njaji yacaalre naapiya njaji yacalreewape nacodapiperri. ⁶⁰ Quiriat Baal jliaminitsa Quiriat jearim, njite Rabá. Yamacúa piatsa yacaalreca njaji, naapiya njaji yacalreewape nacodapiperri. ⁶¹ Njite njaji yacaalre jalrapocolri ricope, icapiatsa njaji: Bet Arabá, Midin, Secaca, ⁶² Nibsán, Yacaalre Yokírracoa, njite Engadi. Sei coa namaimaca njaji yacaalre naapiya njaji yacalreewape nacodapiperri. ⁶³ Mitsa njaji jeboseonai iofaacape Jerusalén ricó, njaji Judá poco corrípiatsa nataita njaamacana oowi rico, caishopa niinicatsana panajiete Judá poco iinaí.