¹ Njite pekirrikena Josué, wa Minalri iaco lrisho: ''Oopi pekirri pjia, njite canacai pjatoa jiipai jitaoda ishowao.'' ² Icatsa njaji jiipai canacairri toa jitaca: Njepaite njaji filisteonai, njite njepaite pjiomi njaji gesoritanai, ³ (Sihor ricjoite jeerri imoto keemjete Egipto isho, njite atsiajliemje jeerri isho Ecrón iocacawa ricó, njepaitena njaji cananeonai, njaji cincodee talricanaatinai Filisteo: Gaza ricope, Asdod, Ascalón, Get njite Ecrón, icatsa njepaiteca njaji heveonai). ⁴ Njite atsiajliemajle jeerri isho, nintoa pjiomi njepaite njaji cananeonai, njite Mehara, nayada njaji masedonionai, lriocawa Afec nacojle, njite lriocawa njepaite iocacawa njaji amorreonai; ⁵ njepaite njaji giblitanai, pjiomi Líbano jeerri imoto keemjete nacojle, Baal Gad nacjoite tjewacajle cawa lrisho jliaji Awacada Hermón njite lriocawa Lebo Hamat nacojle. ⁶ Canacai toa ipjeya njepaite njaji iofaacape awacadacaawa Líbano ricó atée Misrefot Main nacojle, njite naofaacawa ricó tsacja njaji Sidón perrí. Njoa tsaotsa ipeeco ipjeya njaji icoema, jia iraelitanai. Njite pjia, Josué, picadaotsa nacoanaa jliaji jiipai nasho njaji iraelitanai cayotsa nonaa capisho pinaitjaca. ⁷ Piawatsa nacoanaa jliaji jiipai nasho njaji noeve poco iraelitanai canacairri toa isho, njite nayadao tsacja njaji pamoyoa toa nanacjoite njaji Manasenai. ⁸ Ima njaji Robén inacjoitepe, njaji Gad inacjoitepe njite pamoyoa nanacjoite njaji Manasenai, Moisé Diu ishodalri icadaa pienina nasho jiipai jeeri imotokeemjete Jordán isho. ⁹ Aroer nacjoite, lritawana nacoda jliaji jiipai pacoacaita dalri Onipaocja Armón isho, jlia tsacja jliaji yacaalre iemalrio pamoyoa lrisho jliaji jiipai pacoacaitacaawa toomotsa, jliyapá pjaawa pacoacaitacaawa nacó lrisho jliaji jiipai yeenondalri Medeba, njite lriocawa teeco Dibón naco jle; ¹⁰ pjiomi njaji yacaalrem lriajimpepia inaco jliaji amorreonai italricanaa Sehón, jliaji italricanatalri pia Hesbón ricjoite, lriocawa, amonitanai jipaite jinaa iocacawao nacojle. ¹¹ Jlipa tsacja Galaad jipaitena, njite pjiomi naofacaawao njaji gesoritanai njite macateonai tsacja, pjiomi jliaji Awacada Hermón, pjiomi Basán, lriocawa Salca nacojle; ¹² pjiomi Og jipaitem Basán italricanaa pia, jliaji italricanaatalri pia Astarot ricjoite njite Edrei ricjoite tsacja; icapienatsa piketeendalrica nanacjoite njaji refaitanai, njaji Moisé inojim njepaite oooya. ¹³ Mitsa njaji iraelitanai corí naino njaji gesoritanai corrí tsacja njaji maacateonai. Níini njaji Gesornai njite njaji Maacanai icatsa naofaaca nainai njaji iraelitanai panajiete toa. ¹⁴ Njite njaji Leví poco, icaamitsa corrírrica Moisé icadaalri isho jiipai. Mitsa pjiomi njaji maaficalri namjaitaji wa Minalri isho, na Diute njaji Iraelnai nayaadacan, cayopiatsa Diu inaapiaca Moisé inaitjaca. ¹⁵ Moisé icadaa njepaitewa njaji Robén poco coshoca namaimaca njaji njanirrinai. ¹⁶ Icapiatsa njepaite jinaaca njaji Robén poco. Aroer ricjoite lrinomapi jliaji Onipaocja Armón, njite jliaji yacaalre pamoyoadalri lrisho jliaji jiipai pacoacadalri, njite pjiomi jliaji jiipai malritsicoa Medeba dalri. ¹⁷ Nacadaa tsacja nasho njaji Robén poco jliaji Hesbón, njite pjiomi njaji yacaalre malritsicoa ricope Dibón, Bamot Baal njite Bet Baal Meón tsacja, ¹⁸ Jhaza, Cademot, Mefaat tsacja, ¹⁹ Quiriataim, Sibma, yeenon Zaret Sahar naco. ²⁰ Nacadaa tsacja Robén poco isho jliaji Bet Peor, jiipai tjewacajlecawa Pisga dalri, Bet Jesimot tsacja, ²¹ pjiomi njaji yacaalre jiipana nacope, pjiomi tsacja jliaji jiipai Sehón iyaadam amorreonai italricanaa, jliaji italricanatalri pia Hesbón ricjoite Moisé jiametajin oowi rico, Moisé jiameeta tsacja njaji ikitsinadacape pia jliaji talricanaati Sehón, njaji Madian ricope, Evi, Raqoem, Zor, Hor, Reba icatsa lrienipenaca jliaji talricanaati Sehón, iofaacapem pia lrirricoda jiipaica. ²² Njaji iraelitanai naino jorre nacoema oowi ricó matseeta sho, njite naino tsacja nainai jliaji Balaam, Beor irrí, jliaji ideenjirri pia malriiri sho. ²³ Jordán ricó, icatsa njepaite jinaaca njaji Robén poco. Nacadaa nasho coyoca namaimaca njaji njanirrinaipe, nacadaa nasho pjiomi njaji nayacalrepem njite pjiomi njaji iofaacapem tsoomi naoya. ²⁴ Panaya wacapa cjerreca Moisé icadaa njepaitewa njaji Gad poco, nacoanaa njaji njanirrinaipe. ²⁵ Lricadaa nasho njepaitem njaji Jazer ricópem, pjiomi njepaitem njaji Galaad ricopem pia, njite pamoyoa pja njepaitem ioya njaji amonitanai, lriocawa Aroer nacojle, Rabá icodapi, ²⁶ Hesbón ricjoite, lriocawa Ramat Mizpa njite Betonim nacojle. Mahanaim ricjoite, lriocawa Debir jipaitena nacojle. ²⁷ Jiipai pacoacaita dalri, Moisé icadaa Bet Aram isho, Bet Nimra isho, Socot isho njite Zafon isho tsacja, njite pjiomi pja Sehón jipaitemi, jliaji Hesbón italricana pia, njite nacadaa Jordán njepaite jinaana iocacawao, njite lria lritoda tjewacalre caawa lrisho jliaji ooni macapawan Cineret dalri, teeco Jordán ioya. ²⁸ Icatsa njepaiteca njaji Gad poco, nacoanaa njaji njanirrinaipe, nacadaa nasho pjiomi njaji nayacalrepem njite pjiomi njaji iofaacapem tsoomi naoya. ²⁹ Njite Moisé icadaa tsacja nayadao jiipai njaji Manesenai, pamoyoa ishotoa. Lricadaa nacoanaa coshoca namaimaca njaji njanirrinaipe. ³⁰ Njepaite iniitawa Mahanaim ricjoite, pjiomi Basán, pjiomi jlipaitemi jliaji talricanaati Og Basán dalri, pjiomi Jair lriyacalrepem Basán ricope, sesenta namaimaca njaji yacaalrem; ³¹ njite pamoyoa pja njepaitena ioya njaji Galaad ricope, njite njaji yacaalrem Astarot, Edrei tsacja lriyacalrepem jliaji talricanaati Og, Basán italricanaa, nacadaa lrisho jliaji Maqoir, Manasé irrí. Nacoanaa coshoca njaji njanirrinaipe. ³² Icatsa Moisé icadaaca njepaitewa malritsicoa Moab ricó, teeco Jordá ioya, jeerri imoto keemjete Jericó isho. ³³ Corri piatsa Moisé icada njepaitewa njaji Leví poco. Icaamitsa nayaadaca jliaji Diu, Iraelnai Italricanaa. Caitsa lricaite capisho piatsa nashó.