¹ Njite njapodamina njaji jirrapitinaperri Job jiyapalri inaco, lrimjeco lrinoma njite lricaite maatsi jliadaa naco jliaji jalredaoca jiico caojli piani. ² Lriaco: ³ "Matsia piantja corrica jiico njoa, lriñaa cantja jliadaa deepi nacaite cádanaco: ''Apada yempeti initawa jlidoa iwawa lrico.'' ⁴ Corrintja catjinaca jliadaa jecoapi; corrin nooma Dio iwadaca jliada naco enolrikjoite, corrin tsakja jéerri icananialre icana lrinaco. ⁵ Jliaji cadaocádalri njite mayamicalri idanapiami naomacantjan lriyadawa. Iyadaoca itacantjani wadee nacapacani; lricadacarroni maatsi cayoji jamo capisho matsina ⁶ Jliaji deepi cadaocádalri lriñetacantjani. Corrintja lricatimatacawa nanai njaji apjetsida jalredaoca pawalria lricope iinai; corrintja naniwetaca jliaji jalredaoca nainai njaji kéerri. ⁷ Jliwacatsaotsa jliaji deepi; corriotsa pjemícarro apapeco yacoti catimadalri lriricoda. ⁸ Nataita nacaiteca yacoti maatsidalri sho jliadaa jecoapi naco, njaji yajicape coajica nacafietaca jliaji maaficalri leviatán-dalri iipitana. ⁹ Nataitaotsa cadaocaca lriicao jliaji jiwirsida imotolri mana tsomica jalrecarroni jliadaa jecoapi. Lriomaotsa camarrai jliadaa, mitsa corriotsa lrioketaotsani; corriotsa lricapá carroca coajica jalrecani jliada jecoapi, ¹⁰ corri capoa lriita pia njodoa yenipjiarroda inoma, corri capoa lridawa njaji matsiperri nooya. ¹¹ ¿Coada corrin mayami njoa jliada pia jiicoca njoa njodoa ioya? ¿Matsia pja piantja mayamica njoa jliada pia jalredaoca nomotocawa njodoa ioya? ¹² ¿Coada rorsipada icoadata njoa? ¿Coada roini icoadata njoa noirrá carrona? ¹³ Panayenantja norsocawa macotsa. Nomaa catsantja maacotsa ¹⁴ nakitsindao njaji talricanatinai njite nainai njaji icadacaperri yacoti jalredaoca lrico, njaji inaitjacape narsowao irrirri njaji corriperrinatsa coadaca panaya. ¹⁵ O nainai cantja norsoawa icodapi njaji caconaperri yenipe icodapi, njaji irsocape pia aima owirro oopi, njaji ipakjantacape pia palrata sho naapana. ¹⁶ O mayandalrin cantja jiicoca njoa, nacayosho njaji kerraitalri jicoperri mayanperri minatsa njaji corri-perritsa icapa jérri icananialre. ¹⁷ Icatsa nirse, jliaji maatsidalritsa iwaopiakje yami lrinaitjaca lrimatsicanao; icatsa naaca nawafetawa nirse njaji mapjiperri. ¹⁸ Njaji presonai naofa namaodaca padenirri pacoacatsa; corrin njemi lriacoam jliaji iwapacada njaji narsoperri. ¹⁹ Naofa nirse njaji inaiki macanepe njite njaji tsoperritsa; icatsa nirse corrin lriminalri yanjica lrirsodalri naco. ²⁰ ¿Coada nacada camarrai lrirso jliaji imatsicaaca-cadawa? ¿Coada nacadaa lricaficao lrirso jliaji matsidalritsa icafica ricó; ²¹ lrirso jliaji iomacada tja mayamicani mitsa corrica mayamini; pada inaiki iomacada coajica mayamicarroni matsina pja lriomacani paoma capisho cacoadadalri nadawanda naoya. ²² Coada nacadaa camarrai lrirso jliaji icatimataaca cadawa njite matsia lrianjiacacawa lrioketa capoa mayamicalri. ²³ ¿Coada nacada camarrai lrirso jliaji apada atsia nadawanda ioya inipo, pada atsia Dio inaitjanda? ²⁴ Noiñjá werricontja icamitsa noiyaca; Aima notjiafia iarrocawa cayoji ooni iarro capisho. ²⁵ Ima njaji nofiolri pia iwana opina naocawa noikjaolre; opina naocawa nonaco. ²⁶ Corrin nomaodacaca, corrin maaco njoa, njite corrin nomaodaca, icamitsa norsoca aima matsicalri.