¹ kuyuleketji yawatsa ruya, srurapitakapua. lipaimanietapia zabulón jiipaite njite Neftalí jiipaite,njite lipjeyale pja linaitawasha rumatsiakau. mar iiniputelikule, lipjeyale lia jordán, naminali njaji pana yakale. ² liaji yakaleda liemanjipiawa deepi liku panaya nakapa makadali kamarai; njakan yufakape jiipai mayanperi idanapiatin liku. panaya liaji kamarai likana nanaku. ³ pimaimata aima njaji yakale; pimakadalita natima . nakatimatakakau pikjaute kainji liukakenau liaji jaleudaka paniwa katima, kaiperi aatsianai matsipe jipaka pakuaka nañaitunpe. ⁴ mitsa pitukuawatsa namatsika nadjeri, liaji kuaana pakuaka natedanaku, najaikun njaji jirapitetakape pjia, likayushupia liaji madián. ⁵ kjainji libotan lietali liaji inuakakada njite linani nakalapinpe irailiku njamaitaushana. ⁶ washufaa limutukena liaji yenpeti, nakawashu lia yenpeti; litalikanatausha liteda naku; lipitanausha: ikaiteda mtsiadali, naminali kjaidadali, njaniri mawayakakadali, rey iiri mainuakakadali. ⁷ litarikanataka litauñakaluwau kurin karu linuakau kaidalitsa. litalikanata david liufakarudaliku . likada karu liufau njite lipan limatsiakatsu panayatua jaledaukaka kurin karu mayamini. likeriakje shu linaitawatsa naminali njaji tsuludaunai. ⁸ Naminali emenaka yakuti jacob naku, njite liwau Israel naku. ⁹ pjiumi njaji naki nanjikautsa, Efrain tsaka njite iufakape samaria liku. kakupena padalepe shu. ¹⁰ " njewakau njaji njanaitanpe jiipai iraidali shu, njite faa fanaita tsenakana natuda taimi jipada mtsiape. nayua njaji sicomoros, mitsa faa wakada cedros liapudan. ¹¹ Nini watsa naminali liretakau matsipe naiki Rezín yape nakjuete njite likaitepe njaji likuema, ¹² njite nja arameo jeeri imutukawete, njite njaji filisteos jeeri shewakawau. naijautsa Israel jalandali nanuma shu, pjiumi liaji njanaitari, kurrin limaudaka lirua; likañata tua likapi. ¹³ Nintsa liaji yakale kurin lidia lidesre liakan iñakadana. kusritsa naumaka liaji naminali njaji tsuludaunai. ¹⁴ naminali iiyua liwada njite litipi , linapje, mapa apada jaledauka. ¹⁵ liaji njawidapu njite liaji aatsia kjenadali ikapaka njewida kana; njite liaji itsutakada ikanantakada ishati litipikan. ¹⁶ njate idekape liaji yakale nadena njenita kanawa, njate idelina namaretakana. ¹⁷ Nini, naminali kurin katimani nanaku njaji aatsianay tserenpe iwedaliku kurin tsaka nanaku njaji mjaniripen kaitsaka njaji maduiyuan naipe, mjepakakana nakuena tsa nnjanaita kapua matsi, kuankatsa kakukana midali yakuti. nanaku pjiumi njaji , kurin lirua jiyapau, liufali nini limeku katsa likapi. ¹⁸ limatsika jaka tiyeshu; liamareta zarzas njite duwiri; limjaita matsipedali awakada yada, tiruli shu lrirakau liaji itakati. ¹⁹ lirua naku liaji naminali nja tsuludaunai limakau liaji jiipai, njite liaji yakale kaidaliji pakaratashupa liaji tiye, kurin pakapa aatsia jinaitali matsia likitsinda ishu. ²⁰ njapawasta naijauda nakapiriku atsiema mitsa kaiwi katsa mawitakai nashu; nataita watsa naijaka nakapi inaruema shu mitsa kurin metamikana. apadape naija nanapa idada. ²¹ manasés injautsa Efrain, njite Efrain injautsa Manasés; pakuaka nainuaka judá yapiya. nanaku naji, lirua kurin sriyapakau; njite limekukatsa likapi.