¹ kenapaca napji imuetatakape yacuti nite napji idanacape yacuti matsidajli. ² naufarruka nauya jliaji matsiadajli napji jinaitakape matsia. nañaituca napji kenapetsa nuyakajleta jliaji yacuti narsuwajleta, nañaituka napji maduiyuanai, namatsiketa napji manirriperim! ³ ¿Kucawatsa inaita jliadaa jlaledauca matsijli inucadanako icaojle jlinowesrico tecuite liwayaketa shia? ¿kerrewasta shecukawa nakitsindatacaru shia, kerrewatsa icadaka isricukaa? ⁴ cutsacukaa itaita jinaitaka, nadekautsa pia napji picuema nakasho napji presonai curricada nainuca pia. nintsa nayapakawa piomi napji, caikarruntsa jlisrua; jliomapaa jlicastigacana. ⁵ Kenaperrica napji Sirio jlicuperi, nuirrua iñacawatsana, jaicushowatsa nuirrua iwananako. ⁶ Numenacakana padaa jipai padajledajli icuemawa nite jlicuemawa jliaji yacajle ikesrutacaita nua, numenaca jipakaru piomi, jipakaru nanani, ipuetanaa inupujlicu apji jotutupajlisrico. ⁷ curitsa jliaca jliaji jliomali, curim jliwaiopia caiji.apji jlicaujlerico jliomaka jliyaketaa piomi jledauca. ⁸ jlicaiteka capji: "¿nucadaka ltajlicanati nasru napji capitamnai piomi napji nutsojludautenai? ⁹ ¿curim teculje jliaji Calmo cutsaka jliaka jiaji Carquemis? curim tsaka jliaji Hamat jlicayusho Arfad? curim tsaka samaria jlicayusho jliaji Damasco? ¹⁰ Nucapisho nuamaka itajlicanatakape idiote. nanaitaka jinapiatipen macanipepa nuaya napji Jerusalen jlikeri nite Samiria jlikuperi ¹¹ caipji nunaitacapji jliaji Samaria nite napji idanapiatin makuadapesri, ¿caitsakautsa nunaitaca jlisru jliaji Jerusalen jlinapiapen yapiya?" ¹² Jliwayacakenautsawa jliaji jlideninpe apji Sion jliku nite Jerusalen jliku, nucastigacautsa jliaku imaa jliwaopianda jlikualerricute padajledajli jliaji itajlicanati Asiria dajli ¹³ Caika jliaco: " nuidasho nuanikesho, nunaitka. nursuka nuanike, nite nuenita naucakawape napji jakajle. nuñaituka piwirute, capji vaca catsuwanisho nuwititaca napji yuwakape yacajlerico. ¹⁴ Nucapi iniwaca, capji wipiaru yasrudasho, naricukaa napji yacajle, caikanapji paniwacani cuamefeyu namacanin, nuniwaca piomi jipai icuam. curim apapaa jimecuka inape curim tsaca jlinumacan." ¹⁵ ¿Mapitsa jliaji yucaa jliapiya jliaji idejakadan? ¿jlipeyuacapa jlisho jliaji jliyuashoda jlioya jliaji iyuacada. caipji apana jaicufi itaitakeni irretaka napji irretacapen, caipji jaicuna itaitakani irretaka apada inaiki. ¹⁶ Ninitsa, jliaji waminajli Dios itsojludaunai iyada jlimecawatsa inukarru napji kaidaperi; jliapitewatsa ninwatsa kerradajli caipji tiyee icayusho. ¹⁷ Jlicamarra jliaji Israel jlipadamacautsao tiyeewa, nite jliaji Santodajli kerrakautsani, jlimaitakenawatsa nite jliwayaketawatsa napji duwirri nite jliaji wacadada padatsa jajledauca. ¹⁸ waminajli waminajli jliwayaketakenautsa jlimashiaca jliaji jipai catimancawa, pacuaka nacaujle padatsa nadaki; caikawatsanapji ape ashia iyamicadasho midajliketsan ¹⁹ Tsuketsa napji jlitepenjliaji jaicu wacadajliperri, pada yenpetida tsudajli jlitaita liyuacana. ²⁰ Jliawajliwatsa, napji jlitepen Israel nai, jlikishiñape jliaji Jacob ipitukapemwa, curiwatsa nepacaa napji shametacapena, ajadajlina nacadaka nacaujlewa jlinacu waminajli, jliaji santo dajli Israel nite dajli. ²¹ Jlitepen jliaji Jacob nadiacawatsa Dios caidajli icaujle. ²² Nintsa jliaji piyacajle, Israel, caikanapji jipaisho cadunojlinaco, tsuwatsa napji idiajli nite. upina jlicaite jliwayaketakarruna, caipji jlinakapji nanaitaca matsia jusredajli. ²³ Nite jliaji tsojludaunai iminajli, cainatsa jlipeya jliwayaketarru jliaji jipai. ²⁴ Ninika jliaco jliaji tsojludau iminajli. "jliaji nuyacajle adajli apji Sion, mawiotsa naiwana napji Asirios. jlinucautsa pia jliekujle isho jliretawatsa jliecujle pinacu, caipji nanaitakani napji Egipcios. ²⁵ Mawiotsa jliwan, keyatsautsa nuirua iwayacakawa, nite nuisruawatsa iwayaketawatsani. ²⁶ Nitenautsa, tsojludaunai iminajli jliñawatsana, caiji jliamakani Madian apji jipadanaku Oreb nite. jliretacautsa jlicujle uni macapawanjlico nite jliretawatsani caipji jliretcani Egipto jlicuite. ²⁷ jliawajliwatsa, nite jliwiñaca jliaji jlimatsica nerreta nawiñaca jlitedanakuite, nite jliaji jliwiñaca jliwayaketawatsani jlimacadalicapua. ²⁸ Jliaji jlipundaa inuka apji Ajat nite jliyapacau apji Migron, nite apji Micnas jlimatsietaca jliyaupe. ²⁹ nayuacawa apji payapacawa nite naufetakawa apji Geba. Rama ifikawa nite Guibea Saul nitedajli jlipitukawa. ³⁰ Piyaa kemaa, Galin ituu! pimika Lais! ¡ kenadajli pia Anatot! ³¹ Madmena jlipitucawa, nite napji Gebin inaikitena necukao manacukarruna. ³² Jlida jajledauca, jlipacawatsa jliaji nite jlitajlacawatsa jlikapi sruwacajlerico sruaji Sion ituu, ipanada Jerusalen jlico. ³³ Picapa, naminajli napji tsujludaunai jliyuakawatsa jliki enuajlishoweri; napji jaico jajlipanipe nayuacawatsana nite jliaji jaico caidanitsaca. ³⁴ Jliyuacawatsa jliji wacadaferri yucasho, nite jliaji Libano macapii jliwacautsawa.