^{2 1} Jimi makutsa nursu, shaa jipai yaljapiperri, ikada naji makadaljipe yakalje nakaidata karrua; ikada natsomitakarru kakucarrona, ikada watsomitacurro, wakaiterra ajadalji. Kaiterrida imapitja apada jerri imutjulji nite, ljikaiterro ljiaji ljidejikale matsiadalji, ljiakapun naji yakalje makadaljipe, ljikitsindatja manantsa tjaljikanatinai, ljipaljemitsa nadiakuno matsetasho, kaiji kaulji ipjiakapisho yakapjedua yaitjiakusho. ³ Nite napinietjani nite biyapau mafiokanatsa, pjakaa inipo keyakaitsa kurridalji ljinotja ljipasho. ⁴ ¿Kucapja jinaitjando biaji? ¿Kucapja iwaketja wapekipenatje opitsa? Noatsa iminalji, initjakada, nite piketendalji ikatsa ljiatsa noa. ⁵ Naji kadunulji nakapani, nite nafiowa, nite ljiwayakawa ljiwayakawa ljiaji ipai kutsitsinkani, natsomitani nite nanotsaka. ⁶ Nakuana nakitsindatja nakitsinda, nite nakite natsowaka, ikaidatakao. ⁷ Ljiaji iyuakada jaico, ljifuiwita ljiji inaitjukada paljata nite ljiji idejikada martillasho ljifuiwita ljiaji idejikada yungesho, narretashopa tarradalji, matsiadalji nawantjanda tapa osho wade ljiwakao. ⁸ Mitsa piaa Israel, noniwananda nonaikiteo, Abraham inakupepén, nokitsinaleji, ⁹ ima nudientanda piaa jipai tekuitjedalji, piaa nuaikite, moniwananda kurrin numakuadatja ka piaa. ¹⁰ Mafiotsao, pinailjitsa noa, mamaidatakatsao, Noa tsa ljiaji pidiotje, nokaidata piaa, nokitsindata piaa, nuawantawatsa nokapisho atsiema. ¹¹ Pikapja, kapaiwatsana, piomi naji kerruaperri piapiya, miperrikana, nawakakawa naji yemakape pikuema. ¹² Piomawatsa nite kurriwatsa pioketjaka naji kerruperri piapiya, piomiotsa naji kerruaperri inuakape piapiya, miperrikatsana, tjikapjapanpetsa. ¹³ Nini, noa piminalji piDiote, nowantautsa pikapi atsiema, ljikeite; mafiotsao: Nokitsindatja watsa piaa. ¹⁴ Mafiotsao, Jacob, iakurrute, shaa Atsianai Israelrriperri; nokitsindatawatsa, ljiaka ljiji waminalji imanakuita, Israel yenitakakaita (Santo). ¹⁵ Pikapa nunaitia piaa kaiji pabititashopa, kemadalji yamema waljidalji, pibititaotsa ljini wakada paitepjenami, naji ipjanadapje kaiwatsa naji maljisisho. ¹⁶ Pirretjajiutsana, kaulji idekarrona teku, kaulji tsenitautsa nauyawakana,mitsa piaa piawatsa matsiadalji waminalji irso, ljirso tsaka ljiaji shenitakakaita matsiadalji Israel. ¹⁷ Ljiaji mapjidalji natsaka yumakape uni, mitsa kutsa kucán, metadalji ljia ljienena uni ima, noa imiminalji itatja noinai nuepjautsa sha, noa Israel Idiote kurriwatsa nomakaka sha. ¹⁸ Nonaitjautsa ljiekucarroa nite ljimekuakarro anji makadakatsa, nite pamuyuawatsa ljiaji unipau, nodietjautsa unio ljiaji jaljapukuljji, nite unipauwatsa naji metakawa jipai. ¹⁹ Nakadawatsa jaljapukulji rriko ljiáji jaiko, nite acacia, ljia tsaka wakada (olivo) nokadawatsa jaiko (ciprés) maminaljinawerriko, jaiko daljiko baulda ciprésdasho. ²⁰ Njonaitani nakapakarro naji inaiki, najikarro pakuakatsa, waminalji jinaitjanda ljikapisho, ljiaji initakada matsiadalji Israel. ²¹ Ikaitena yakunawa, ljiaku ljiaji waminalji, ikaitena nanako naa matsiaperri ipeyoñji "ljiako ljiaji Jacob itljikana. ²² Nadjena nawakatsa inaitjañji, ikadena nawa napjeyaljeo ikaite watsa kuajiwatsa, watjaitakarro wañjika matsia, ikaitena, nakaitekarro keyaa faa, wapakuakata kakarro nainai wañji karro kuanpjiaka nainitjakana. ²³ Ikaitjena kuañji watsa faa apjatjuarra. Wañjikarro kañjikerrika shaa, jinaitja matsidalji o matsidalji, wafiokarrowa o kurridalji pjia wakapja ²⁴ Ikapja sha napeyoñji kutsa kucan midalji ljiaji idejikale, ljiaji iniwalji kadufialjekadali. ²⁵ Njorretjautsa apada jerri imutjolji nite, ljinowatsa nuipjitana naku, ljipuawatsa nañji taljikanati kaiñji jutjotpjalji shoo, kaiwatsa napjukañji turrupie. ²⁶ ¿Kucapia ikate ljiañji ljinitaka kawaljio, wataitjakarro wañjikan? pjanayatua, wakaitekarro tsaka, ¿mayakan ljitsa? ajadjalji kurri apada nanakuitjedalji ikaiteka kaiñji, añja, kurrin apada jimika kuanka pjiaku. ²⁷ Noa initja ikaitjeka Sión irsu: "pikapja, anainañji" numenjakenina apada idekada yakutji Jerusalen irsu, ²⁸ Nukapjakada nako, kurri kaiterridaka, apada nanakuitje ikaitjekada matsia, nutjatakadanaku, itjaitatsa tsepaka apada yakuti. ²⁹ Ikapa, kutsakucana piomi, ljiañji nadeñjikalje midalji tsa, ljiñji tsipalja shodalji inaikica tjewakaljeni kaulji iwayakan.