¹ Ikitsindatakao, ikitsindatakao, noyakalie, "ljiaro ljiaji wadiote. ² Kako tjakatsa shaa Jerusalén itso; nite itatja ruinai ljiwayakakarroa ljiañi rumatsikana ima srupja pautsa yamapiajie waminalji ikapirrikuite piomi srumatsikana ima. ³ Apadja iwana kaidaa: "maminaljinakawete imatsieta ljiapowa ljiaji waminalji, itarrawatjena naniwakawa, ljipowaljiko ljiaji wadiote." ⁴ Piomi jaljapukukji nerretjakautsán, piomi awakada nite jipanadapje pjnkuakaotsana; piomi ljiaji jipai tsarramidalji. Mayakantsakaotsán, nite matsipekawanpia numatsieta kakao. ⁵ Nite ljimatsiaka ljiji waminali; ljimutjuetaotsan; piomi njaji inaki nakapautsano pjadenenirri; ima kakuena ljinomaljikuite ljiaji waminali. ⁶ Apadaa iwana ljikaite: "iwanaa" apada shepna: "¿Kuandjalji nowanaa?" piomi najji ljipee maljitsishoperri, nite piomi srumatsiaka nite srukeitenda kaiwatsaniajii napana kawatso floredaljiko. ⁷ Metakautsa najii maljitsi, nite nawayakakao najji floredaa ljipiakadanako naa ljiaji waminalji, ima najii inaiki imaimaka maljitsikana. ⁸ Metakautsa najii maljitsi, nite nawayakakao najii floredaa, mitsa ljiako ljiaji wadiote ljiawa kaidaljiwetsa. ⁹ Jirrau yenún jipanaku, Sión idekada yakuti matsiadalji, piematja kaidaa, Jerusalén, piaa idekada yakutii matsiadalji, kaida piwanaka, mafiotsau, pikaite pikaitje nasra najii yakalje Judá: "¡Aljina wadiotje anjii!" ¹⁰ Ikapaa ljiaji waminali Dios ljinaatsakaijii kaidadaljisho shametakadena, ljinapaa kaidadaljisho ljitalikanataka, ikapaa, ljisruenina ljiajii ljikuada, nite najii ljioketajii nawatsa ljipeyalje. ¹¹ Ljiawatsa nainja najii ljipaji kaijii pastorsho, ljiwaketautsa ljikudaitakarro najii corderos, ljidewatsana ljikauljerriko, nite ljideratsana takatsa naji oveja nacarro nenipee irraa. ¹² ¿Kuca iwii ljiaji uni irrirriapi rrikuda nakapisho, o nawika nakapii ikudasho ljiaji eno, naniwaka ljiaji jipaipee tsetuljiko, nite napakuakata najji wakadape o natsaka naji jipanadapee ¹³ ¿Kucapa yajii ljiwaupiake ljiaji waminalji, o nakaitenda, kaiji nakaitendasho? ¹⁴ ¿Kaiterridapa ljiaji ikaitani? ¿Kucapa ikanantani ljijikarro mayakan, kajikekarroni, nite nakanantani kajikedaljikarro? ¹⁵ Ikapaa najii yakale makadalipee kaica najii uni itsakacapisho ljitjnofinako, kai naji ljitaljesho, ikapaa, jamiña ljiaji kadunulji kaiji bitibitipedalsho. ¹⁶ Ljiaji Libano kurrin ljikuaca ljisho ljimaitashopa ofrenda. ¹⁷ Piami najii yakalje makadaljipe ljisho miperrikatsa; kurri perritsa kuadakana. ¹⁸ ¿Kaiterrida ipakuacataka Diosho? ¿Faiterrida ipeyonda ipakuatalji? ¹⁹ ¡Ljiaji ipeyonda! ljiaji jinaitakadani ljikada ljinaikicao, ljiñanpaa owirro shoni nite ljitarratakani paljatakasho. ²⁰ Pakarro ofrenda paniwa najii jaiko mapakaperritsa, nite ljioma apada kajikedalji jinaitakauda, ljiaji ipeyonda, kaniketsa wadee ljiwakao. ²¹ ¿Kapaa kurrica piaji? ¿Kurrica jimi? ¿Kurrin naikaite ljinitakawalji pjiawa? ¿Kurrin piaa najii ljinitaka walji ljiaji jiaji jipai tsaca? ²² Kiajii ljikaisho ljiaji yofalji jipai patji yukalji nitse; nite naji yufakape nini kaicanaji tsakarrosho ljitso, nite ljimeku eno ljikuite tsayapeta nite ljimekuni naufalarruitao yapitje. ²³ Nite naji taljikanatinai ljicadana kurritsa kucana nite naji taljikanatinai jipainakupe miperritsana. ²⁴ Ima kamipetua nemetjaka, kamipetua napjana ka, kamitua kapaljikani jipairriku, nite kauilji ipjiadanoku kaidoa metakanaa, kaulji idekana kaiji kanapirrisho. ²⁵ ¿Kucanakupa napakuakata noa, kuai pá nukapakana? Ljiaku ljiaji shenitakakada, matsiadali. ²⁶ ¡Ikapa yenontse eno! ¿Ljiaji jinaitalji jiwirrida? Ljiatsa imayakanta ljiatsa iwanana nepitananaku piomi, ljimatsiaka, ljidatso, nite ljianikesho karriwatsa kanakaika apadaa. ²⁷ ¿Ima pikaiteka, Jacob, pikaitena, dawakalika noapowa nominalji yoya, nite kurrin kuada Dioisho noa yumakada ikuadau? ²⁸ ¿Kurrin yajika? ¿kurrin jimika? Dio mawayakadalji, ljiaji waminalji jinaitjakada pikentjendalji jipai, mamapikadalji tsa, ljiaji ljiajike mawayakakadalji tsa. ²⁹ Ljikaidata naji mapjiperri, naji maidaperri ljipjakanta jidatishona, ³⁰ Nite najii waljipaljipe mapjikenana, nite naa atsianai waljipaljipe newanikenawa. ³¹ Mitsa najii iwapakape ljiaji waminaji narsuatsa waljidalji naida, narrawatsa kaiji jawasho, nekuwatsao kurriwatsa maidakana, nemaniwatsao kurriwatsa mapjikana,