¹ kjena likapaka likistiñape liaji Jacob, lia tsenaka ipieta likadaka Israel njite limatsieta lipaite. njaji padayakaleta naukatakautsa Jacob ipanalikule. ² njaji yakale nadewatsana naufalinini. njite Israel jipaustana naminali iipanaliku kainji idenjikape nashu. njepausta naita njakan jipakapiana, natalikanata nanaku njaji . ³ liaji jaledauka naminali yanashu namaudakakaru njerapitakarun , naufakarun matsi, njite liaji nakadanda pidjeni naumakapishu pjinaitaka, ⁴ panaya pikanta pikalikau liaji babilonia likjuete liaji rey babiloniarikudali: ¡ kjainji liwayaketa liaji matsidali, lirua ipadareka iwayakau!. ⁵ Naminali itukjua liakan jaiku matsipe iyada.liakjan jaiku nayapen njakan talikanatinai. ⁶ nañakapishu yakale kuan nerualiku nañana kjeyapi, nerualiku natalikanata yakalelima, kurin kuka jipa liakan nainukenana. ⁷ pjiumi liaji jiipai makutsa nausuakau; nainita nakatimatakakau nakantaka. ⁸ kaitsa naji cipreses katimana naminali naku kaitsaka cedros libano yape; njite naku: "panaya pitaka, kurinstu pada aatsia iyuakada jaiku jira iyuafaa. ⁹ liaji Seol yapjite numa nukapakapjia. pjireta njaji mayanperi pishuwau, pjiumi njaji rey jaledaukalikupe, pjiretana naufalinjite, pjiumi njaji rey yakale kuan. ¹⁰ pjiumi kakuna nakaite pishu: mjaida pjianjiakakau kainji wakashu. kainji pjianiakakau wakashu. ¹¹ pipadaleka ima naurukueta infierno likule nashu njaji pjiminpe natukanpe kaiñadapeli. duliu yefe piapjite nemanjiwau njite njaji aakuru njaji pinaku. ¹² ¡ kuanji pjiwakau eenu likjuite, jiwirida deepituadali! ¡kuanji nayuakapjia jiipai liku, Pjia imjaidatali yakale kuan! ¹³ pikaite pia pikaule likjuite: njurawausta eenullikule, njureta nufakada naminali jiwirida yape, njite nufawautsa jureweliku naiki, inaruemjete tekule. ¹⁴ njurauwtsa nanaku njaji jalipape iyadauka, njunaitakau jalipapi naminali yuya. ¹⁵ Mista,panaya naurukueta pjia, tjewakale liaji iiririlikule. ¹⁶ njakan naurukueta wasta nekua pjipeyale .nakaitewatsa: ¿ pja liaka aatsia liaji jinaitali kanani jiipai, liatsa likananitaka lipanana liaji talikanati, ¹⁷ linaita jaledauka kainji jalapukuli, lia jitali talikanati kurin likada namutua njaji naitanpe ikau napanalikule? ¹⁸ pjiumi njaji reyes yakalekuan, pjiumi natuda nausrupada linaku, padape kuan naufetakawa. ¹⁹ njite pjia napeku pjia jaikukida shu. nja mayanpen nadanata pjia shayashu, njakan natudanpen matsetashu, njaji yurukukape nadeshe njaji jipada iririlikule. ²⁰ kurin piananai nadawaru naiki,lima liaji piwayaketaka pjipaite njite nainu piyakale. nakitsiñape njaji jinaitali matsii kurinshu kaku tsenaka nanaku. ²¹ pimatsieta pinukaluafe pienipe ishu, namatsikana njaji naferinaipe, kurin karu nemawa njite njepa jiipainjite napakantakau jaledauka yakale shu." ²² nuemawatsa nakuema" liaji llikaitenda jiaji naminali, ²³ "njunaita shakaushana kjainji bukukuli, njite naufakaruda njaji uuni, nupiyu kuwa nuwayaketarun.-- likaiteka naminali njaji tsuludaunai. ²⁴ naminali njaji tsurudaunai likaite: " Ajadali, kjainji nukaitekapishu, kkainji washa liyapakau, kainji nukaiteri shu , kaiwasha njunaitaka: ²⁵ nutukjua asirio njupaiteliku, aaji awakada nufakawa nupatueta njuipa yapjite. njite liwiñaka lliaji limatsika njereta njawiñaka liteda nakjuite. ²⁶ liaji nukadanda ishu jipaiiliku, njite liaji likapi nanaku njaji yakale. ²⁷ njite liaji naminali njaji tsurudaunai ikadanda. ¿kausha idanatan? likapi lireta likapi, ¿kukautsa yurukuetan? ²⁸ liawali jamuli mayanka Acaz , likaitenda yukakau. ²⁹ "makatimatakakau sha filisteos,li aji jaiku nañashupa uupi tukuni. njite lipali nakjuite liaji aapi litauñakau liaje aapi kapuadali njite lienipe kainji aapi jamudali iarakada. ³⁰ liaji lipadanale liaji kjenadali liapausha li ovejan nukanapire naku, njite naji kjenapire naushuawa namaudaka. nuinuwatsa lipali mawitakai shu mayan washa pjiumi njaji linaikite. ³¹ piyetakausha, pantinuma; piya, yakale; pjiumi sha ikudukausha, filistea, inuruemamjete linu iiyadauka kadaukadali nini kurin pakapa uwiapen yukakau pakjau. ³² ¿kuaji shakapakaiteka ikaitekadayakale? liaji naminali jinaitanda liaji Sión, runakjuite liaji kuyuledali liuketa kausha liufetakaluda.